சந்திரபுரம்

புலம் பெயர் தமிழர்களைக் குறிவைத்து ‘Operation Trust’ இராணுவ நடவடிக்கை?

2011-11-30T18:25:00.001+01:00

புலம் பெயர் தமிழர்களைக் குறிவைத்து ‘Operation Trust’ இராணுவ நடவடிக்கை?– (கே.பி.யினால் உருவாக்கப்பட்ட நாடு கடந்த தமிழீழ அரசாங்கம்,

தலைமைச் செயலகம் என்ற இரு அணிகளின் கூட்டு)

உயர்வு.கொம்

அது என்ன ‘ஒப்பரேஷன் ட்ரஸ்ட்”?ஒப்பரேஷன் ட்ரஸ்ட்” என்ற இந்த இராணுவ நடவடிக்கை பற்றி உங்களுக்குத் தெரியவில்லை என்றால், உலக இராணுவ விவகாரங்கள் பற்றிய அறிவு உங்களுக்கு போதாது என்றுதான் கூறவேண்டும்.

ஒரு நாட்டின் உளவுப் பிரிவு சர்வதேச மட்டத்தில் மேற்கொண்ட மிக முக்கியமானதும், மிகவும் பிரபல்யமானதுமான ஒரு நடவடிக்கைதான் இந்த Operation Trust என்ற இராணுவ நடவடிக்கை.

ஒரு தேசத்தின் ஆட்சிக்கு எதிராகப் புலம்பெயர்ந்த அந்த தேசத்து மக்கள் சர்வதேச மட்டத்தில் மேற்கொண்ட ஒரு புரட்சியை மிகவும் வெற்றிகரமாக
அடக்கி ஒடுக்கிய ஒரு இராணுவ நடவடிக்கைதான் Operation Trust.

இந்த இராணுவ நடவடிக்கையை மேற்கொண்டது உலக மட்டத்தில் ஒரு காலத்தில் மிகவும் பிரபல்யமான ஒரு உளவு அமைப்பாக வலம் வந்த கே.ஜீ.பி (KGB) அமைப்பு.

சோவியத் ஒன்றியத்தின் ஆணிவேர், சோவியத் ஒன்றியத்தின் கண்கள், சோவியத்தின் மூளை என்கின்றதான பல அடையாளங்களுடன் மிகவும் வெற்றிகரமாக வலம்வந்த உளவு அமைப்பு – கே.ஜீ. பி. உளவு அமைப்பு.

புலம்பெயர்ந்த ஒரு தொகுதி ரஷ்ய பிரஜைகளால் சோவியத்தின் கமியூனிச ஆட்சிக்கு எதிராக மேற்கொள்ள ஒரு மிகப் பெரிய புரட்சியை முற்காகவே கிள்ளி எறிவதற்காக கே.ஜீ.பி. உளவு அமைப்பு மேற்கொண்ட ஒரு இரகசிய உளவு நடவடிக்கைதான் Operation Trust.

(அந்த நேரத்தில் சோவியத் ஒன்றியத்தின் உளவு அமைப்பு OGPU என்ற பெயரில்தான் செயற்பட்டுவந்தது. பின்நாட்களில்தான் கே.ஜீ.பி. என்று பெயர்மாற்றம் செய்யப்பட்டது. ஆனாலும் பின்னாட்களில் பிரபல்யமான கே.ஜீ.பி. என்ற பெயரையே பரிட்சயம் காரணமாக இந்தக் கட்டுரையில் பாவிக்கின்றேன்)

ரஷ்யப் புரட்சி முடிவடைந்து நான்கு ஆண்டுகளின் பின்னர் ரஷ்யாவில் மன்னராட்சியை உருவாக்கும் நோக்கோடு ஒரு புரட்சிகர அமைப்பு உருவானது. அதன் பெயர் Monarchist Union of Central Russia (MUCR). 1921ம் ஆண்டு தோற்றுவிக்கப்பட்ட இந்த இயக்கம், ரஷ்யாவில் எப்படியும் மீண்டும் மன்னராட்சியை உருவாக்கவேண்டும் என்ற நோக்கத்தோடு போராடி வந்தது. சோவியத் ஒன்றியம் முழுவதிலும் அப்போதைய போல்ஷ்விக் ஆட்சிக்கு எதிராகப் போராடி வந்த பல்வேறு இயக்கங்களுடன்
தொடர்புகளை ஏற்படுத்திக்கொண்டு மிகவும் மும்முரமான போராட்டத்தை மேற்கொண்டுவந்தது இந்த MUCR அமைப்பு.

இந்த நேரத்தில்தான் கே.ஜீ.பி. ஒரு இரகசிய ஒப்பரேஷனை மேற்கொண்டது.

மிகவும் கவனமாகத் திட்டமிட்டு, நிதானமாக, மிகவும் இரகசியமாக காய்களை நகர்த்தியது.

கே.ஜீ.பி. இனது நோக்கமும், திட்டமும் வெறும் MUCR இயக்கத்தை முடக்குவது மாத்திரமல்ல. அதனையும் தாண்டி நீண்ட,விரிந்த திட்டத்தைத் தீட்டியது கே.ஜீ.பி.

சோவியத் ஒன்றியத்திற்கு எதிராக போர்க்கொடி துக்கியிருந்த அனைத்து இயக்கங்களையும் கூண்டோடு அழித்துவிடத் திட்டம் தீட்டியது. அது மாத்திரமல்ல. சோவியத்தில் இருந்து வெளியேறி மேற்குலக நாடுகளுக்கு புலம்பெயர்ந்து அங்கிருந்தபடி போராடிவரும் அமைப்புகளுக்கும் சேர்த்து வலை விரித்தது கே.ஜீ.பி..

நுணுக்கமானதும், மிகவும் கஷ்டமானதுமான ஒரு உளவுச் சதி. ஆனாலும் அதனை வெற்றிகரமாக மேற்கொண்டு பிபல்யமான ஒரு உலகசாதனை படைத்தது கே.ஜீ.பி.
இந்த இரகசிய உளவு நடவடிக்கைக்கு கே.ஜீ.பி. சூட்டிய பெயர் Operation Trust.

முதலில் அந்த புரட்சிகர இயக்கத்தைச் சேர்ந்தவர்களை சுதந்தியரமாகச் செயற்படவிட்டார்கள். அழைத்துப் பேசினார்கள். பகிரங்கமாக ஆர்ப்பாட்டம் செய்ய, கூட்டம் கூட,கருத்துக்கூறவெல்லாம் அனுமதித்தார்கள். தீடீரென்று ஒருநாள் ஒட்டுமொத்தமாக அனைத்து செயற்பாட்டாளர்களையும், தலைமையையும் கைதுசெய்தார்கள்.

ஆனால் இந்த கைது விவகாரம் வெளியே யாருக்குமே தெரியாது.

காதும் காதும் வைத்தாற்போன்று அனைவரையும் பிடித்து உள்ளேபோட்டுவிட்டு, கே.ஜீ.பி.ஏஜன்டுக்கள் MUCR இயக்கத்தைச் சேர்ந்தவர்கள் போன்று செயற்பட ஆரம்பித்தார்கள்.கைதுசெய்யப்பட்ட MUCR இயக்கத் தலைமைகளையும் மிட்டி, சித்திரவதை செய்து பணிய வைத்து தங்களது கைப்பாவைகளாக செயற்பட வைத்தார்கள். (மனைவி, பிள்ளைகளை இரகசியச் சிறைகளில் பணயம் வைத்துக்கொண்டு, தாம் சொல்கின்றபடி நடந்தாகவேண்டும் என்று மிரட்டினால் பாவம் அந்த இயக்க உறுப்பினர்களால் வேறு என்னதான் செய்யமுடியும்?)

MUCR இயக்கத்தினரைப் போன்று வேடமணிந்து செயற்பட்ட ஆரம்பித்த கே.ஜீ.பி. உறுப்பினர்கள், முன்னர் இருந்த MUCR இயக்கத்தைவிட இன்னும் வேகமாக புரட்சி பேசினார்கள்.செயற்பட்டார்கள். வெற்றிகரமாகச் சில தாக்குதல்களைக்கூட மேற்கொண்டார்கள். அத்தோடு, சோவியத்தின் போல்ஷ்விக் ஆட்சிக்கு
எதிராகப் போர்க்கொடி தூக்கியபடி ரஷ்யாவிலும், வேறு பல நாடுகளிலும் செயற்பட்டு வந்த மற்றைய அமைப்புக்களுக்கு நிதி உதவிகளும், வேறு பல உதவிகளும் செய்யத் தலைப்பட்டார்கள்.

இது, MUCR இயக்கம் என்ற பெயரில் செயற்பட்ட கே.ஜீ.பி. உளவு அமைப்பிற்கு சோவியத் ஆட்சிக்கு எதிராகச் செயற்பட்ட அனைத்து தரப்பினர் பற்றிய முழு விபரங்களையும் திரட்டுவதற்கு பெரிதும் உதவியாக இருந்தது.

விபரங்களைத் திரட்டினார்கள். முக்கியமானவர்களைக் கைதுசெய்தார்கள். கைதுசெய்ய முடியாதவர்களை படுகொலை செய்தார்கள். பல்வேறு இயக்கங்கள் மத்தியிலும், இயக்கங்களுக்கு உள்ளேயும் கூட பிழவுகளை ஏற்படுத்தினார்கள்.

ஒரு சந்தர்ப்பத்தில் சோவியத் ஒன்றியத்தின் போல்ஷ்விக் ஆட்சிக்கு எதிராகப் போராடி வந்த அனைத்து இயக்கங்களையும் முடக்கிவிடுவதில் கே.ஜீ.பி. உளவு அமைப்பு வெற்றி பெற்றிருந்தது.ஆனால் இந்த ஒப்பரேஷனைப் பொறுத்தவரையில் கே.ஜீ.பி. உளவு அமைப்பிற்குக் கிடைத்த மிகப் பெரிய வெற்றி என்பது, அவர்கள் சோவியத்தில் மாத்திரமல்லாமல் மேற்குலக நாடுகளில் செயற்பட்டு வந்த பல்வேறு இயக்கங்களையும், செயற்பாட்டாளர்களையும் ஒடுக்குவதின் ஊடாகத்தான் கிடைத்தது.

ஆம், சோவியத் ஒன்றியத்தில் மாத்திரமல்ல ரஷ்யர்கள் புலம்பெயர்ந்து செயற்பட்ட மேற்குல நாடுகளிலும் கூட, கே.ஜீ.பியின் இந்த Operation Trust என்ற இராணுவ நடவடிக்கை தொடர்ந்தது.

ரஷ்யாவில் இருந்து பிரித்தானியாவிற்கு வந்து தஞ்சம் அடைந்த சில கே.ஜீ.பி. ஏஜன்டுக்கள், தம்மை ஆருஊசு இயக்கத்தைச் சேர்ந்தவர்கள் என்று வெளிக்காண்பித்து நடித்துக்கொண்டு சோவியத் அரசிற்கு எதிராக புரட்சி பேசினார்கள். தம்மை தீவிரவாதிகளாக வெளிக்காண்பித்துக்கொண்டு சோவியத் ஆட்சிக்கு எதிராகச் சதி செய்வதாகப் ‘பவ்லா’ காண்பித்தார்கள். புலம்பெயர் நாடுகளில் சோவியத் ஒன்றியத்தின் போல்ஷ்விக் ஆட்சிக்கு எதிராகச் செயற்பட்டுக்கொண்டிருந்த பல்வேறு சக்திகளையும் ஒன்றுதிரட்டி சோவியத் ஒன்றியத்தின் ஆட்சியைத் தாம் வீழ்த்தப் போவதாக அறைகூவல் விடுத்தார்கள்.

சோவியத்தில் இருந்து புலம்பெயர்ந்து பலநாடுகளிலும் சோவியத் ஆட்சிக்கு எதிராகக் கொதித்துக்கொண்டிருந்த பல இளைஞர்கள், கல்விமான்கள், புத்திஜீவிகள், பெரும் பணக்காரர்கள்,ஊடகவியலாளர்கள் இந்த MUCR இயக்கத்தின் வெளிநாட்டுப் பிரிவுடன் சேர்ந்து செயற்பட முன்வந்தார்கள். பலவிதமான உதவிகள் ஒத்தாசைகளை வழங்கினார்கள். பணத்தை அள்ளி இறைத்தார்கள். ஆருஊசு என்ற அந்தப் புரட்சிகர அமைப்பைப் பயன்படுத்தி எப்படி சோவியத் ஆட்வியைக் கலைக்கலாம் என்று திட்டம் தீட்டினார்கள்.

ஆனால் MUCR இயக்கம் என்ற பெயரில் செயற்பட்ட சோவியத்தின் உளவுப் பிரிவினரோ மிகவும் கவனமாகச் செயற்பட்டு ஒரு பெரிய உளவுச் சதியை அரங்கேற்ற ஆரம்பித்தார்கள்.அந்த உளவுச் சதி, உலகின் போரியல் வரலாற்றில் மிகவும் உறுதியாகப் பதியப்படும் அளவிற்கு ஒரு மிகப் பெரிய வெற்றியை சோவியத்தின் உளவுப் பிரிவான கே.ஜீ. பிக்குப் பெற்றுக்கொடுத்தது.

இப்பொழுது ஒரு வரலாற்றுச் சம்பவத்தைப் பார்ப்போம்.

எங்கள் அனைவருக்கும் ஜேம்ஸ் பொண்ட் 007 என்ற சினிமா காதாபாத்திரத்தை நன்றாகத் தெரியும். இந்த ஜேம்ஸ் பொண்ட் கதாபாத்திரம் ஒரு பிரித்தானிய இரகசிய உளவாளி. மிகப்பெரிய வீர சாகசங்களை தனி ஒருவனாகச் செய்வதில் வல்லவனாக இந்தக் கதாபாத்திரம் அமைக்கப்பட்டிருந்தது. ஜேம்ஸ் பொண்ட் 007 என்ற வீர கதாபாத்திரத்தை உருவாக்கிய எழுத்தாளரின் பெயர் இயான் பிளேமிங் (Ian Fleming). தனது இந்த ஜேம்ஸ் பொண்ட் கதாபாத்திரம் பற்றி இவர் பின்நாட்களில் கருத்துத் தெரிவிக்கும் பொழுது, ‘சிட்னி ரெய்லி (Sidnely Reily) என்ற ஒரு பிரித்தானிய உளவாளியின் உண்மையான வீர சாகசம்தான் என்னை ஜேம்ஸ் பொண்ட் 007 கதாபாத்திரத்தை உருவாக்க வைத்தது. இந்த பிரித்தானிய உளவாளியையும், அவனது சாகசங்களையும் அடிப்படையாக வைத்துத்தான் நான் ஜேம்ஸ் பொண்ட் கதாபாத்திரத்தை உருவாக்கினேன்” என்று தெரிவித்திருந்தார்.

அந்த அளவிற்கு பிரபல்யமான இந்த சிட்னி ரெய்லி என்ற பிரித்தானிய உளவாளி உண்மையிலேயே ஒரு ரஷ்யர். ரஷ்யாவில் பிறந்த இவர் ஏதோ காரணத்திற்காக ரஷ்ய ஆட்சியை வெறுக்கத் தொடங்கினார். சிறு வயதிலேயே தனது குடும்பத்தினருடன் புலம்பெயர்ந்து பிரித்தானியாவில் தஞ்சம் அடைந்திருந்தார். பிரித்தானியாவின் இரகசியப் பொலிஸ் பிரிவில் இணைந்து இவர் செய்த சாகசங்கள் கொஞ்சநஞ்சமல்ல. உளவாளியாக ரஷ்யாவிற்குச் சென்று அங்கிருந்து பலவிதமாக இரகசியங்களைத் திருடி பிரித்தானியாவிற்கு கொண்டு வந்து பல சாதனைகளைப் புரிந்தார்.

அந்தக் காலகட்டத்தில் ரஷ்யா என்பது உலகைப் பொறுத்தவரையில் ஒரு இரும்புத் திரையின் பின்னால் இருந்த ஒரு தேசம்.அங்கு என்ன நடக்கின்றது என்று உலகில் யாருக்குமே தெரியாது. அப்படிப்பட்ட ரஷ்யாவிற்குள் பல்வேறு வேஷங்களில் நுழைந்து,அங்கிருந்து இரகசியங்களைத் திருடுவதும், அந்த இரகசியங்களை பிரித்தானியாவுக்குக் கடத்தி வருவதும் இலகுவான ஒரு காரியமல்ல.ஆனால் அதனைச் சாதித்துக் காட்டினார் சிட்னி ரெய்லி.

அது மாத்திரமல்ல அப்பொழுது இருந்த லெனினின் ஆட்சியைக் கலைத்துவிட்டு சிட்னி ரெய்லியை அதிபராக்கும் இரகசியச் சதித்திட்டமும் பிரித்தானியாவிடம் இருந்தது. அந்த நோக்கத்திலும் பல காய்கள் நகர்த்தப்பட்டுக்கொண்டிருந்தன ரஷ்யாவில்.

சோவியத்தின் இராணுவத்திற்கு ஒரு சந்தர்ப்பத்தில்; சிட்னி ரெய்லி என்ற இந்த மோசமான உளவாளி பற்றி தெரியவந்த பொழுது, ரஷ்யாவில் தங்கியிருந்த அவர் மிகவும் சாதூர்யமாகத் தப்பி பிரித்தானியா வந்து சேர்ந்தார்.மிகவும் பாதுகாப்பாக அங்கு அமர்ந்தும் கொண்டார். அதன் பின்னர் பிரித்தானியாவில் இருந்தபடியே ரஷ்யாவின் ஆட்சியைக் கவிழ்க்கும் சதிவேலைகளைத் தொடர்ந்து செய்துகொண்டிருந்தார்.

இந்த சிட்னி ரெய்லியை கைதுசெய்ததுதான் Operation Trust என்ற இராணுவ நடவடிக்கையின் மிகப் பெரிய வெற்றி என்று வரலாற்றில் பதிவாகி இருக்கின்றது.

எப்படிக் கைதுசெய்தார்கள்?

கைது செய்யவில்லை, ஒரு வகையில் சதி செய்து கடத்திச் சென்றார்கள் என்று கூறலாம்.

லெனினின் ஆட்சியை எப்படிக் கவிழ்ப்பது என்று சதா சிந்தித்துக்கொண்டிருந்த சிட்னி ரெய்லிக்கு, ஆருஊசு என்ற புரட்சிகர அமைப்பின் ஐரோப்பிய வருகை பற்றிய செய்தி இனிப்பாகக் கிடைத்தது. அந்த அமைப்பைத் தொடர்புகொண்டு தனது ஆதரவைத் தெரிவித்தார்.

மிகவும் சந்தோஷம் என்று அவரை கைகுலுக்கி வரவேற்றது ஆருஊசு இனது ஐரோப்பியப் பிரிவு.

MUCR என்ற பெயரில் ரஷ்யாவின் கே.ஜீ.பி. உறுப்பினர்கள்தான் அங்கு வந்திருக்கின்றார்கள் என்று சிட்னி ரெய்லிக்குத் தெரியாது. தானாகவே சென்று வலையில் வீழ்ந்தார். லெனினின் ஆட்சியை எப்படி வீழ்த்தலாம் என்று அவர்களுடன் சேர்ந்து நுணுக்கமாகத் திட்டம் தீட்டினார்.

ஆனால், இங்கே லண்டனில் அமர்ந்துகொண்டு லெனினை வீழ்த்துவது எப்படி? ரஷ்யாவில் ஆட்சிதான் அமைப்பது எப்படி? அதற்கு ரஷ்யாவிற்கு நேரில் போகவேண்டும் அல்லவா?

‘ரஷ்யாவில் மிகவும் பலமாகச் செயற்படும் எங்களது உறுப்பினர்களூடாக உங்கள் இரகசியப் பயணத்திற்கு நாங்கள் ஏற்பாடு செய்து தருகின்றோம்” என்றது MUCR இனது ஐரோப்பியப் பிரிவு. ‘நீங்களே நேரடியாகச் சென்று ஆட்சிக் கவிழ்ப்புத் திட்டம் பற்றி விளக்கிச்சொன்னால் அங்குள்ள எங்கள்
உறுப்பினர்களுக்குத் தெம்பாக இருக்கும்.. மேலும் உற்சாகமாகச் செயற்படுவார்கள்..” சிட்னி ரெய்லிக்கு ஐடியா கொடுத்தார்கள் MUCR இனது ஐரோப்பியப் பிரிவு.

ரஷ்யாவின் ஆட்சியைக் கவிழ்ப்பதற்கு என்று மிகவும் இரகசியமாகப் புறப்பட்ட சிட்னி ரெய்லி,ரஷ்யாவில் பகிரங்கமாகக் கைது செய்யப்பட்டார். அவரை ரஷ்யாவிற்கு இரகசியமாக அழைத்துச் சென்ற கே.ஜீ.பி. உறுப்பினர்களே, ரஷ்ய எல்லையை அடைந்ததும் அவரைக் கைதுசெய்தார்கள். சித்திரவதைகள், விசாரணை, துப்பாக்கிச் சூடு என்று மிகவும் சோகமாக முடிவடைந்தது பிரபல்யமான, திறமையான ஒரு வீரனின் வாழ்க்கை.

அது மாத்திரமல்ல, இவர் போன்று புலம்பெயர்ந்த நாடுகளில் ரஷ்ய ஆட்சிக்கு எதிராகச் செயட்பட்டுக் கொண்டிருந்த பல புரட்சியாளர்கள், தேசப்பற்றாளர்கள், தேசியவாதிகள் ஏமாற்றப்பட்டார்கள். படுகொலை செய்யப்பட்டார்கள். காணாமல் போணார்கள், கடத்தப்பட்டார்கள். செயலிழக்க வைக்கப்பட்டார்கள்.

இதுதான் Operation Trust என்ற இராணுவ நடவடிக்கை.

உலக அளவில் மிகவும் வெற்கரமான ஒரு உளவு நடவடிக்கை.

உலக நாடுகளின் புலனாய்வுப் பிரிவினருக்கான ஒரு முக்கிய பாலர் பாடம்தான் Operation Trust என்ற இந்த இராணுவ நடவடிக்கை. இப்பொழுது உள்ள மிகப் பெரிய கேள்வி இதுதான்.

Operation Trust போன்ற ஒரு உளவு நடவடிக்கையை புலம்பெயர் தமிழர்களைக் குறிவைத்து சிறிலங்கா இராணுவம் மேற்கொள்ளுகின்றதா?

கொஞ்சம் சிக்கலான கேள்விதான். ஆனாலும் புலம்பெயர் தமிழர்கள் பெரிதாக யோசித்தேயாக வேண்டிய கேள்வி.

ஆம் மேற்கொள்ளப்படுகின்றது என்று உறுதியாகக் கூறுவதற்கு என்னிடம் போதியளவு ஆதாரம் கிடையாது.

ஆனால் அப்படியான ஒரு நடவடிக்கை மேற்கொள்ளப்படுவதற்கான சந்தர்ப்பங்களும், சாத்தியங்களும் நிறையவே இருக்கின்றன என்று என்னால் உறுதியாகக் கூறமுடியும்.

அந்தச் சாத்தியங்களை ஒவ்வொன்றாகப் பார்ப்போம்.

முள்ளிவாய்க்காலில் விடுதலைப்புலிகளின் முக்கியஸ்தர்கள், தளபதிகள், போராளிகள் என்று ஏராளமானவர்கள் கொத்தாக சிறிலங்கா இராணுவத்தின் கரங்களில் கிடைத்தார்கள். அவர்களை முழுக்க முழுக்க சிறிலங்கா இராணுவத்தின் புலனாய்வுப் பிரிவினர்தான் கையாண்டு வருகின்றார்கள். அப்படித் தமது கரங்களில் கிடைத்தவர்களை அரசியல் ரீதியாகவும், இராணுவ ரீதியாகவும் பயன்படுத்தி வருகின்ற சிறிலங்கா இராணுவத்தின் புலனாய்வுப் பிரிவு, அவர்களை நிச்சயம் தமது புலனாய்வுத் தேவைகளுக்குப் பயன்படுத்தாமல் வைத்திருக்கமாட்டார்கள்.

இன்றைய காலகட்டத்தைப் பொறுத்தவரையில் விடுதலைப் புலிகள் அமைப்பின் அனைத்து செயற்பாடுகளும்; இலங்கையில் ஓரளவு முழுமையாகவே அழிக்கப்பட்டுவிட்ட நிலையில், விடுதலைப் புலிகள்வசம் இருந்த ஆயுதங்கள், அவற்றை இயக்கக்கூடியவர்கள் என்று அனைத்துமே சிறிலங்கா இராணுவத்தால் கைப்பற்றப்பட்டுவிட்ட நிலையில், புலம்பெயர் சமூகத்தின் செயற்பாடுகள்தாம் சிறிலங்கா தேசத்தை கொஞ்சம் சங்கடத்தில் ஆழ்த்தும்படியாக இருந்து வருகின்றன. எனவே சிறிலங்கா இராணுவத்தின் புலனாய்வுப் பிரிவு தனது அத்தனை பலத்தையும் நிச்சயமாகப் புலம்பெயர் தமிழர்களைக் குறிவைத்துத்தான் திருப்பி விட்டிருக்கும் என்பதில் சந்தேகம் இல்லை.

சரி, புலம்பெயர் தமிழர்களைக் குறிவைத்து சிறிலங்காவின் புலனாய்வுப் பிரிவு என்ன செய்யலாம்?

செயற்பாட்டாளர்கள், முக்கியஸ்தர்கள், சமூகத்தலைவர்கள், ஊடகவியலாளர்கள் போன்றவர்களை விலைபேசலாம். மிரட்டலாம்.

ஆனால் விலைபோகக்கூடியவர்கள் அனைவரும் ஏற்கனவே பல ஆண்டுகளுக்கு முன்னரே விலைபோய்விட்டார்கள். சிங்களத்தின்
மிரட்டல்களுக்கு கலங்கக்கூடிவர்கள் மீதும் சிறிலங்கா புலனாய்வுப் பிரிவும் அதன் கூலிகளும் கைவைத்து நீண்டநாட்களாகிவிட்டன.
இவை எதற்கும் அகப்படாமல் எஞ்சியிருப்பவர்கள்தான் சிங்களத்திற்கு தற்பொழுது பிரச்சனை. எதற்கும் அஞ்சாமல், எதற்கும்
விலைபோகாமல் புலம்பெயர் தேசங்களில் ஓர்மமாக நின்றுகொண்டிருப்பவர்கள் பற்றித்தான் சிறிலங்கா கொஞ்சம் சிந்திக்கின்றது.
கவனமெடுக்கின்றது.

எதற்கும் அடிபணியாமல் வீரமாக புலம்பெயர் தேசங்களில் நின்று போராடும் அப்படிப்பட்ட மறத் தமிழர்களை
என்னசெய்யலாம்?

இது பற்றிப் பார்ப்பதானால், சுமார் இரண்டு வருடங்கள் முன்னோக்கிச்செல்லவேண்டும்.

முள்ளிவாய்க்கால் முடிவினைத் தொடர்ந்து அப்பொழுது ஒரு பெரிய வெற்றிடம் காணப்பட்டது. புலிகளை தாம் முற்றாகவே அழித்துவிட்டதாக சிறிலங்கா அரசாங்கம் அறிவித்தது. தளபதிகள், போராளிகள், ஆதரவாளர்கள், மக்கள் என்று அனைவரையுமே சிறைக்குள் தள்ளிவிட்டு, தனது வெற்றியை பல நாட்கள் கொண்டாடியது சிங்களத் தலைமை.

ஆனால் அந்தச் சந்தர்ப்பத்தில் தமது வெற்றிக்குப் பங்கம் விளைவிக்கக்கூடிய சில ஆபத்துக்கள் இலங்கையில் பரவலாக மறைந்து இருந்ததை சிறிலங்காப் புலனாய்வுப் பிரிவு உணர்ந்தது. அதாவது, வடக்கு கிழக்கு, மற்றும் தென் இலங்கைக் காடுகளில் ஆயுதங்களுடன் புலிகளின் சிறிய சிறிய அணிகள் நிலைகொண்டிருந்தன. அதேபோன்று கொழும்பிலும், தென் இலங்கையிலும், புலிகளின் புலனாய்வுப் பிரிவினர் மக்களோடு மக்களாக கலந்து வாழ்ந்துகொண்டிருந்தார்கள். உத்தரவு கிடைத்ததும் செயற்படுவதற்கென்று ஏராளமான தற்கொலைப் போராளிகளும் பல இடங்களிலும் மறைந்திருந்தார்கள்.

புலிகள் மீதான வெற்றி என்று கொண்டாடிக்கொண்டிருந்த சிங்களத்திற்கு, இந்த விடயம் ஒரு பெரிய அச்சுறுத்தலாகவே இருந்தது.

வடக்கு கிழக்கில் உள்ள காடுகளிலும், தென் இலங்கை மற்றும் தலைநகர் கொழும்பிலும் பயங்கர ஆயுதங்களுடன் மறைந்திருக்கும் நூற்றிற்கும் அதிகமான விடுதலைப் புலி உறுப்பினர்களை கண்டுபிடிக்கவேண்டும். அழிக்கவேண்டும்.

இந்தப் பொறுப்பினை ஏற்றுக்கொண்ட சிறிலங்காப் புலனாய்வுப் பிரிவு, ஒரு இரகசிய நடவடிக்கையை மேற்கொண்டது. அந்த நடவடிக்கை கிட்டத்தட்ட Operation Trust உளவு நடவடிக்கையை ஒத்ததாகவே இருந்தது.

தம்மிடம் சரணடைந்த அல்லது தம்மால் கைதுசெய்யப்பட்ட சில விடுதலைப் புலி முக்கியஸ்தர்களை சித்திரவதை செய்து, அவர்களது மனைவி குழந்தைகளைப் பணயம் வைத்து, மிகவும் கவனமாக ஒரு இரகசிய நடவடிக்கையை மேற்கொண்டது சிறிலங்கா இராணுவப்
புலனாய்வுப் பிரிவு.

அதாவது, முள்ளிவாய்கால் நடவடிக்கையின் பொழுது சிறிலங்கா இராணுவத்தால் கைப்பற்றப்படாமல் சில தளபதிகள், ஒரு தொகுதி விடுதலைப் புலி உறுப்பினர்கள் தப்பித்து வன்னிக் காடுகளில் உள்ள நிலக்கீழ் சுரங்கங்களில் மறைந்திருந்து செயற்படுவது போன்ற ஒரு தோற்றப்பாடு திட்டமிட்டு உருவாக்கப்பட்டது.

சிறிலங்கா புலனாய்வுப் பிரிவினர் ஏற்பாடு செய்த குழு, பல்வேறு இடங்களில் மறைந்திருந்த போராளிகளுடன் தொடர்புகளை ஏற்படுத்தி தாம் மீள ஒருங்கிணைந்து போராடவேண்டியதன் அவசியத்தை வலியுறுத்திப் பேசினார்கள். தம்மை அழித்த சிறிலங்காப் படையினரைப் பழிவாங்கவேண்டும் என்று சபதம் எடுத்தார்கள்.

இந்தச் சந்தர்ப்பத்தில் புலம்பெயர் நாடுகளில் தேசியம் பேசிக்கொண்டிருந்த ஒரு தரப்பினரால் அவிழ்த்துவிடப்பட்ட கதைகளும், மாயைகளும்
கூட, சிறிலங்கா புலனாய்வுப் பிரிவினரின் இந்த இரகசிய நடவடிக்கைக்குப் பெரிதும் உதவவே செய்தன. ‘அதோ அவர் அங்கே
இருக்கின்றார்…. இதோ ஐயாயிரம் பேருடன் அந்த தளபதி வன்னியில் மறைந்திருக்கிறார்”….. ~புலிகள் வன்னியில் இன்று தாக்குதல்… பல
இராணுவத்தினர் காயம்… ஆனால் செய்தியை சிறிலங்கா அரசாங்கம் மறைத்துவிட்டது…| ..’வன்னியில் பல சிறிலங்கா படையினரைக்
காணவில்லை..”- இதுபோன்று புலம்பெயர் தமிழர்களில் ஒரு பிரிவினர் ஆர்வக்கோளாரினால் மேற்கொண்ட பிரச்சாரங்கள், சிறிலங்கா
படையினர் மேற்கொண்ட அந்த இரகசிய நடவடிக்கைக்குப் பெரிய அளவில் கைகொடுத்தது.

மீள ஒருங்கிணைய முயன்றவர்கள் சிறிலங்காப் படையினரிடம் வசமாகவே மாட்டிக்கொண்டார்கள். பல கரும்புலிகள்கூட இந்த இரகசியச் சதி நடவடிக்கையின் பொழுது அகப்பட்டுக்கொண்டார்கள். பல ஆண்டுகள் கொழும்பிலும் அதன் சுற்றுவட்டத்திலும் இரகசியமாகச் செயற்பட்டு வந்த புலிகளின் பல உளவாளிகள் சிறிலங்காப் படையினரிடம் மிக இலகுவாகவே அகப்பட்டுக்கொண்டார்கள்.

சிறிலங்கா புலனாய்வாரள்களால் இயக்கப்பட்ட இந்த அணியினர் புலம்பெயர் தேசங்களில் செயற்பட்ட முக்கிய செயற்பாட்டாளர்களையும் தொடர்புகொண்டு, பல்வேறு தகவல்களைப் பெற்றார்கள்.பெருமளவு பணத்தை அனுப்பிவைக்கும்படி கேட்டு அதனைப் பெற்றார்கள். வெளிநாடுகளில் இருந்த செயற்பாட்டாளர்களுடன் இலங்கையில் தொடர்புகளில் இருந்த நபர்களையும் தமது இந்த நடவடிக்கையினூடாகக் கண்டுபிடித்தார்கள்.

இப்பொழுது மறுபடியும் பழைய கேள்விக்கு வருவோம்.

இதேவகையிலான நடவடிக்கையை புலம்பெயர் தமிழர்களைக் குறிவைத்து சிறிலங்காப் புலனாய்வுப் பிரிவு செய்வதற்குச்
சந்தர்ப்பம் உள்ளதா?

நிச்சயமாக உள்ளது என்பதில் சந்தேகம் இல்லை.

தமிழ் தேசியத்தின் மீது புலம்பெயர் தமிழர்கள் கொண்டுள்ள வெறி புலம்பெயர் தமிழர்களின் மிகப் பெரிய பலம் என்பது உண்மையே. அதேவேளை இந்த வெறி|தான் புலம்பெயர் தமிழர்களின் மிகப் பெரிய பலவீனம் என்பதையும் நாம் ஒப்புக்கொண்டுதானாக வேண்டும்.

‘தமிழ் தேசியம்” என்று கூறிக்கொண்டு யாரும் எம்மை இலகுவாக ஏமாற்றிவிடும் அளவிற்கு இந்த வெறிக்கு நாம் அடிமையாகிக் கிடக்கின்றோம். பல வியாபாரிகள் தேசியம் பேசி எம்மை, எமது பொருளாதாரத்தை வளைத்துப் போடுவதை நாம் தெரிந்துகொண்டே அனுமதித்துக்கொண்டிருக்கின்றோம்- தேசியத்தின் பெயரால்.

எனவே எமது மிகப் பெரிய பலமாக நாங்கள் நினைத்துக்கொண்டிருக்கின்ற தேசியத்தின் மீதான எமது கண்மூடித்தனமான பற்று, மிதமிஞ்சிய வெறி -இவற்றினையே எமக்கு எதிரான தமது நகர்வுகளுக்கு எமது எதிரி பயன்படுத்த முனையும் சந்தர்ப்பம் இருக்கவே செய்கின்றது.

‘இல்லை இல்லை.. அது ஒருபோதும் முடியாது..” என்று சிலர் கூறலாம்.

ஆனால் தாம் நேசிக்கின்ற தேசியத்தின் பெயரால் இன்று சில தேசியவாதிகள் தெருவில் நின்று சட்டையைக் கிழித்துக்கொண்டு அடிபடுவது எமது பலவீனத்திற்கு ஒரு சிறந்த உதாரணம்.எம்மைவிட வேகமாக தமிழ் தேசியம் பேசிக்கொண்டு Operation Trust உளவு நடவடிக்கை எம்மத்தியில் மேற்கொள்ளப்படக்கூடிதற்கான சாத்தியத்தை நாம் இலகுவாக உதறித்தள்ளிவிட முடியாது.

இந்தியாவில் புலிகள் மீள ஒருங்கிணைகின்றார்கள் என்ற கதை எம்மவர்கள் மத்தியில் தற்பொழுது மிக வேகமாக பரவிக்கொண்டிருக்கின்றது. இந்தக் கதையின் தோற்றுவாய் எது என்று பார்த்தால் சிறிலங்காவின் பாராளுமன்றத்தில்தான் இந்தக் கதை முதன்முதலில் அவிழ்த்துவிடப்பட்டது. அதுவும் சிறிலங்காவின் பிரதமர்தான் இந்தக் கதையை பகிரங்கமாகத் தெரிவித்தார். அவர் சிறிலங்காப் புலனாய்வுப் பிரிவினரை மேற்கோள்காட்டித்தான் இந்தக் கதையைத் தெரிவித்திருந்தது இங்கு குறிப்பிடத்தக்கது.

சிறிலங்கா இராணுவத்தினரால் கைதுசெய்யப்பட்டதாகக் கூறப்பட்ட பல விடுதலைப் புலி முக்கியஸ்தர்கள், திடீரென்று புலம்பெயர் நாடுகளில் தோன்றி தேசியம் பேசுவது இன்று சாதாரண நிகழ்வாக மாறி வருகின்றது. ‘நான் வன்னியில் தலைவருடன் நின்றனான்.. “- என்று கூறிக்கொண்டு நிறையப் பேர் ஐரோப்பாவில் தற்பொழுது அரசியல் செய்ய ஆரம்பித்துள்ளார்கள்.

தலைவருடன் நின்ற நீங்கள் எப்படித் தப்பி வந்தீர்கள்? ஏன் தலைவரை விட்டுவிட்டு இங்கு வந்தீர்கள்? இதுபோன்ற கேள்விகளை நாங்களும் கேட்பதில்லை. அதற்கான பதிலை அவர்களும் சொல்வதில்லை.

இன்றும் குறிப்பாகப் பார்த்தால், இவர்களில் அனேகமானோர் சிறிலங்கா விமான நிலையம் வழியாகவே வந்திருக்கின்றார்கள். இவர்களில் பலர், வவுனியாவில் சிறிலங்கா தடுப்பு முகாமில் மாதக்கணக்காக சிறிலங்காப் படையினரால் தடுத்து வைக்கப்பட்டிருந்தவர்கள். வன்னியில் புலிகளுக்குச் சாப்பாடு கொடுத்தவர்கள், சென்றியில் நின்றவர்கள், எல்லைக் காவல் கடமைகளில் ஈடுபட்டவர்கள் என்று பலரும் இப்பொழுது கூட சிறிலங்கா படையினரைல் தடுத்துவைக்கப்பட்டிருக்கும் நிலையில், அனைவரும் அறிந்த விடுதலைப்புலி முக்கியஸ்தர்கள், தலைவருடன் இருந்தவர்களால் எப்படி சிறிலங்கா இராணுவத்தின் வாய்களுக்குள் இருந்து வெளியேற முடிந்தது? எப்படி சிறிலங்கா படையினரின் கண்களில் மண்ணைத் தூவிவிட்டு சிறிலங்காவின் ஒரே சர்வதேச விமான நிலையம் ஊடாக ஐரோப்பிய நாடுகளுக்கு வர முடிந்தது? இது பலராலும் சந்தேகத்துடனேயே பார்க்கப்படுகின்றது. இவர்கள் Operation Trust உளவு நடவடிக்கைக்காக அனுப்பப்பட்டவர்களா என்கின்ற கோணத்திலும் சிந்திக்கவேண்டிய நிலையில்தான் இன்று புலம்பெயர் தமிழர்கள் இருக்கின்றார்கள்.

இன்று புலம்பெயர்ந்த நாடுகளில் கடந்த காலங்களில் தமிழ் தேசிய எதிரிகளாக வலம் வந்தவர்களின்; செயற்பாடுகளை சற்று ஆழமாக நோக்குகின்ற பொழுது இந்தச் சந்தேகம் மேலும் வலுவடைகின்றது. ஐரோப்பிய நாடுகளில் தமிழ் தேசியவாதிகளால் மேற்கொள்ளப்படுகின்ற சாதாரணமான ஒரு மே தின ஊர்வலத்திலேயே புகுந்து கலாட்டா பண்ணுகின்ற மாற்றுக் குழுவினர், அல்லது சிறிலங்காவின் கைக்கூலிகள், தற்பொழுது புலம்பெயர் தமிழர்கள் மேற்கொள்ளுகின்ற போராட்டங்கள் தொடர்பில் பெரிய அளவில் அக்கறை காண்பிப்பதை காணமுடிவதில்லை.

மகிந்தவிற்கு எதிராக புலம்பெயர் மண்ணில் ஒரு பெரிய வேள்வியே நடைபெற்று வரும் இந்தச் சந்தர்ப்பத்தில் கூட, இப்படிப்பட்டவர்கள் ஒரு புன்சிரிப்புடன் மௌனம் கடைப்பிடித்து வருவதை ஒரு வித்தியாசமான – அதேவேளை அவதாணிக்கப்படவேண்டிய ஒரு நகர்வாகவே நான் பார்க்கின்றேன்.

இது, சிறிலங்கா இராணுவம் புலம்பெயர் மண்ணில் மேற்கொள்ளுகின்ற Operation Trust போன்ற ஒரு ஒரு உறுதியான, நீண்டகால செயற்பாட்டுக்கான வழிவிடுதலாகக் கூட இருக்கலாம்.

புலம்பெயர் தமிழர்கள் சற்று ஆழமாகச் சிந்திக்கவேண்டிய தருணம் இது.

இந்த இடத்தில் ஒரு முக்கிய விடயத்தை தெளிவுபடுத்திவிட விரும்புகின்றேன்.

வன்னி மற்றும் வடக்கு கிழக்கு பிரதேசங்களில் மரணத்தின் பிடியில் இருந்து மயிரிழையில் தப்பித்து, உயிரைக்
கையில் பிடித்தபடி மேற்குலகில் தஞ்சடைந்திருக்கும் பலர் இன்று எம்மத்தியில் இருக்கின்றார்கள். அவர்களின் உண்மையும்,
தூய்மையும் உண்மையிலேயே மெச்சத்தக்கது. அவர்களது வழிகாட்டல்களும், ஆலோசனைகளும் புலம்பெயர் தமிழர்களுக்கு நிச்சயம் தேவை
என்பதில் சந்தேகம் இல்லை.

ஆனாலும் இவர்கள் மத்தியில் கலந்து சிறிலங்காப் புலனாய்வாரள்களால் அனுப்பப்படும் உளவு ஏஜன்டுக்கள் பற்றிய எச்சரிக்கை உணர்வையும் நாம் கொண்டிருப்பது இச்சந்தர்ப்பத்தில் மிக மிக அவசியம்.

இல்லாவிட்டால், புலம்பெயர் தமிழர்களின் விடுதலை உணர்வை திசைதிருப்பும் ஒருவகை Operation Trust உளவு நடவடிக்கைக்கு அனியாயமாகப் பலியாகிப்போன மற்றொரு இனம் என்கின்ற பெயர் வரலாற்றில் எமக்கு கிடைத்துவிடும்.

தமிழீழத் தேசியக் கொடியுடன் லண்டன் வீதிகளில் பேரூந்து!

2011-07-23T08:33:00.001+02:00

தமிழீழத் தேசியக் கொடி, தமிழீழத் தேசிய மலர், மற்றும் தமிழீழ தேசம் என்பன பொறிக்கப்பட்ட பேரூந்து ஒன்று லண்டன் நகர வீதிகளில் நேற்று முதல் உலா வருகிறது.

பிரித்தானியாவின் வடமேற்கு லண்டன் பகுதியின் கிங்ஸ்பிறி பகுதியூடாக சென்றுகொண்டிருந்த அந்த அதிசய பேரூந்து எமது கண்ணில் படவே அதை பின் தொடர்ந்து சென்று அந்த வாகன ஓட்டுனருடன் உரையாடினோம்.

அப்போது எந்த இளைஞ்ஞனுள் உறைந்து கிடந்த உணர்வுகளின் வெளிப்பாடே இந்த பேரூந்தும், அதனூடான தமிழீழ அடையாளங்களை வேற்றினத்தவர் மத்தியில் வெளிக்கொணரும் முயற்சியும் என்பது தெரிந்தது.

அந்த பேரூந்தின் நாற்புறமும் பிரித்தானியக் கொடியும், அதனோடு பிரித்தானியப் போர்வீரர்களை நினைவுகூரும் நாளில் அணியும் “பொப்பி” மலரும் பொறிக்கப்பட்டிருந்தது.

அதே போல் அதற்கு அருகில் தமிழீழமும் அடுத்து தமிழீழத் தேசியக் கொடியும், தமிழீழ விடுதலைக்காக போராடி வீரச்சாவைத் தழுவிய மாவீரர்களை நினைவுகூரும் நாளில் அணியும் கார்த்திகை மலரும் பொறிக்கப்பட்டிருந்தது.

இதன் கீழே “நான் பெரிது நீ பெரிதென்று வாழாமல் நாடு பெரிது, தமிழ் பெரிது, தமிழ் மானம் பெரிதென்று வாழ்” எனும் வாசகமும் எழுதப்பட்டிருந்ததை காணமுடிந்தது.

இவற்றிற்கும் மேலாக “சிறீலங்காவின் கொலைக்களம்” எனும் ஆவணத்திரைப்படத்தை வெளியிட்டு சர்வதேசங்களின் கவனத்தை ஈர்த்து சிறீலங்காவில் இடம்பெறும் தமிழினப் படுகொலையை வெளிக்கொணர்ந்த “சனல் 4″ ஊடகத்திற்கு நன்றி தெரிவித்தும் ஆங்கிலத்தில் வாசகம் பொறிக்கப்பட்டிருந்ததாவது வேற்றின மக்களையும் கவர்ந்தது.

அந்த வாகனத்தில் நாமும் சிறுது தூரம் பயனித்து வீதிகளில் செல்லும் மக்களின் பார்வை எவ்வாறு உள்ளதென்பதை அவதானித்த போது தமிழர் மட்டுமன்றி வேற்றினத்தவரும் வியந்து பார்த்ததோடு தமது கைகளை உயர்த்தி தமது ஆதரவையும், ஊக்கத்தையும் அளித்ததை கண்டோம்.

மிதிவெடி, கண்ணிவெடி அகற்றும் பணிகளில் தமிழ்ப் பெண்கள்

2011-05-17T11:53:00.005+02:00

அல் ஜசீரா விவரணச் சித்திரம்

ஒரு மனைவியின் கதை

2011-03-17T10:49:00.002+01:00

அன்பு பிரான்சிஸ்கா, நீ பிறந்தபோது தொட்டில் வாங்க பணமில்லை…

நீ இறந்தபோது சவப்பெட்டி வாங்க பணமில்லை…

எப்படிப்பட்ட பெற்றோர் நாங்கள்!’

சுமார் இருநூறு ஆண்டுகளுக்கு முன்பு. பிரஷ்யா என்று அழைக்கப்பட்ட இன்றைய ஜெர்மனியில் ட்ரியர் நகரம். பிரஷ்ய அரசாங்கத்தில் அதிகாரியாக இருந்தவரும் பரம்பரை பணக்காரருமான ஜான் லுத்விக் வோன் வெஸ்ட்பாலனுக்கும் கரோலின் ஹ்யூபெலுக்கும் 1814-ம் ஆண்டு பிறந்தார் ஜென்னி.
அதே நகரில் நான்கு ஆண்டுகள் கழித்து, 1818-ம் ஆண்டு ஹென்ரிச் மார்க்ஸ் — ப்ரெஸ்பர்க் தம்பதிக்குப் பிறந்தார் கார்ல் மார்க்ஸ்.
ஜென்னியின் குடும்பமும் மார்க்ஸின் குடும்பமும் பக்கத்து பக்கத்து வீடுகளில் வசித்தன. மார்க்ஸின் அக்காவும் ஜென்னியும் பள்ளித் தோழிகள். ஜென்னியின் தம்பியும் மார்க்ஸும் ஒன்றாகப் படித்தாலும் ஜென்னியின் அப்பாதான் மார்க்ஸுக்கு நெருங்கிய நண்பராக இருந்தார்.
அரசியல், சமூகச் சிந்தனைகள், தத்துவம், இலக்கியம் போன்ற பல விஷயங்களை வெஸ்ட்பாலன் மார்க்ஸுக்கு அறிமுகம் செய்து வைத்தார். இருவரும் நிறைய விவாதிப்பார்கள். ஜென்னிக்கு கவிதைகள் மீது தீராத ஆர்வம்.
அன்பும் பண்பும் திறமையும் கொண்ட ஜென்னியை எல்லோருக்குமே பிடித்துப் போகும். மார்க்ஸுக்கும் ஜென்னியைப் பிடித்ததில் ஆச்சரியம் இல்லை.
பள்ளி இறுதி ஆண்டில், ‘எதிர்கால வேலை’ என்ற தலைப்பில் மாணவர்களைக் கட்டுரை எழுதச் சொன்னார்கள். அதில் மார்க்ஸ் எழுதியவை…
‘மனிதன் என்பவன் தனக்காக மட்டுமே வாழ்பவன் அல்ல. அவன் சக மனிதனுக்காகவும் பாடுபட வேண்டும். தனக்காகப் பாடுபடுபவன் நல்ல சிந்தனையாளராக இருக்கலாம், நல்ல நிர்வாகியாக இருக்கலாம். ஆனால், நல்ல மனிதனாக இருக்க முடியாது. மனிதகுலத்தின் பெரும்பான்மைக்குப் பயன்படக்கூடிய ஒரு வேலையைச் செய்தால், அதில் வரும் எந்தத் தடையும் நம்மை ஒன்றும் செய்துவிடாது. நம் தியாகத்தால் உலக மக்களுக்கு நன்மை கிடைக்கிறது என்றால் அந்த மகிழ்ச்சிக்கு அளவே இல்லை. அதில் இருக்கும் உண்மையான சந்தோஷம் என்றும் நிலைத்திருக்கும். அதுபோன்ற பணியையே நான் விரும்பி ஏற்கப் போகிறேன்.’
ஜென்னிக்கு மார்க்ஸைப் பிடிக்க அவருடைய அறிவும் மக்களுக்கான சிந்தனைகளும்தான் காரணம்.
தன்னைப் போலவே மார்க்ஸும் வழக்கறிஞராக வேண்டும் என்று அவர் அப்பா நினைத்தார். பெர்லின் பல்கலைக்கழகத்துக்கு அனுப்பி வைத்தார். ஜென்னிக்கும் மார்க்ஸுக்கும் பிரிவு துயரத்தை அளித்தாலும் இருவரும் சூழ்நிலையைப் புரிந்துகொண்டனர். மார்க்ஸ் தொடர்ந்து ஜென்னிக்குக் கடிதம் எழுதி அனுப்பினார். அந்தக் கடிதம் முழுவதும் காதல் கவிதைகளால் நிரம்பி வழியும். ஜென்னியும் இலக்கிய ரசம் மிகுந்த, காதல் கடிதங்களை வீட்டுக்குத் தெரியாமல் எழுதுவார்.

ஜென்னி – மார்க்ஸ் காதல் மார்க்ஸின் அப்பாவுக்குத் தெரிய வந்தது. உண்மையில் அவர் பயந்து போனார். தன் குடும்பம் மிகவும் சாதாரணமானது. ஜென்னியின் குடும்பம் செல்வாக்கு மிக்க பணக்காரக் குடும்பம். இவர்களின் காதலால் அருமையான நண்பர் வெஸ்ட்பாலனின் நட்பு உடைந்துவிடுமோ என்று நினைத்தார். ஜென்னியிடம் மார்க்ஸைத் திருமணம் செய்துகொள்ள வேண்டாம் என்றார். மார்க்ஸிடம் காதலைத் துறந்துவிடும்படி கடிதம் எழுதினார். ஆனால், இருவரும் ஒருவரை ஒருவர் விட்டுக்கொடுப்பதாக இல்லை.
***
தத்துவத்தின் மீது மிகவும் ஈடுபாடுகொண்டார் மார்க்ஸ். புரட்சிகரச் சிந்தனையாளர்களின் இளம் ஹெகேலியர் இயக்கத்தில் இணைந்தார். 23 வயதில் டாக்டர் பட்டம் பெற்று ட்ரியர் திரும்பினார் மார்க்ஸ்.
அப்போது மார்க்ஸின் அப்பாவும் ஜென்னியின் அப்பாவும் மறைந்திருந்தார்கள். ஜென்னியின் அம்மாவுக்கு இவர்களின் திருமணத்தில் விருப்பமில்லை. திருமணம் தள்ளிப்போனது. நீண்ட காத்திருப்புக்குப் பிறகு, 29 வயதில் ஜென்னி தன் அன்புக்குரிய மார்க்ஸை மணந்துகொண்டார்.
‘ரைனிஷ் ஷெய்டுங்’ பத்திரிகையில் அரசியல் விழிப்புணர்வு கட்டுரைகளை எழுதினார் மார்க்ஸ், விரைவில் அந்தப் பத்திரிகையின் ஆசிரியரானார். கோபமுற்ற அரசாங்கம் அந்தப் பத்திரிகையைத் தடை செய்தது. மார்க்ஸை நாட்டை விட்டு வெளியேறச் சொன்னது.
மார்க்ஸும் ஜென்னியும் பிரான்ஸ் சென்றார்கள். சிறிய வீட்டில் மகிழ்ச்சியாக வாழ ஆரம்பித்தார்கள். அவர்கள் திருமணத்தின் போது கிடைத்த பணத்தை ஒரு பெட்டியில் வைத்திருந்தார் ஜென்னி. அந்தப் பெட்டி எப்போதும் திறந்தே இருக்கும். பணம் தேவைப்படும் நண்பர்கள் அந்தப் பெட்டியிலிருந்து பணத்தை எடுத்துக்கொள்ளலாம். தங்களால் பிறருக்கு உதவ முடிவதை நினைத்து ஜென்னியும் மார்க்ஸும் மிகவும் சந்தோஷப்பட்டார்கள்.
1844-ம் ஆண்டு ஜென்னி பெண் குழந்தைக்குத் தாயானார். தன் அன்பு மனைவியின் பெயரையே குழந்தைக்கு வைத்தார் மார்க்ஸ்.
ஜெர்மன் – பிரெஞ்சு புத்தகங்கள் தயாரிப்பில் ரூகேயுடன் சேர்ந்து வேலை செய்தார் மார்க்ஸ். அப்போது பிரெடரிக் ஏங்கெல்ஸ் அறிமுகம் கிடைத்தது.
***
இரண்டு ஆண்டுகளில் கையில் இருந்த பணம் காலி. ஜென்னிக்குப் பொருளாதாரக் கஷ்டம் வர ஆரம்பித்தது. அப்போது பிரஷ்யாவில் நெசவாளர்களுக்கும் அரசாங்கத்துக்கும் இடையே பெரிய மோதல் நடைபெற்றது. நெசவாளர்களுக்கு ஆதரவாகக் கட்டுரைகள் எழுதினார் மார்க்ஸ். கோபம் அடைந்த பிரஷ்ய அரசாங்கம், பிரான்ஸில் இருந்து மார்க்ஸை வெளியேற்றும்படி கட்டாயப்படுத்தியது. மார்க்ஸ் பெல்ஜியம் நாட்டில் உள்ள பிரஸ்ஸல்ஸ் நகருக்குச் சென்றார். வீட்டில் இருந்த பொருள்களை விற்று, கிடைத்த பணத்தில் குழந்தைகளுடன் பிரஸ்ஸல்ஸ் போய்ச் சேர்ந்தார் ஜென்னி.
ஜென்னியின் அம்மா மகளுக்கு உதவி செய்வதற்காக ஹெலன் டெமூத் என்பவரை அனுப்பி வைத்தார். மூன்றாவது குழந்தையாக மகன் பிறந்தான். ஜென்னியும் மார்க்ஸும் அளவற்ற மகிழ்ச்சியடைந்தார்கள்.
அங்கும் அரசாங்கத்தை எதிர்த்து எழுத தடை வந்தது. மார்க்ஸுக்கு வருமானம் குறைந்தது. பிரான்ஸில் மன்னராட்சிக்கு எதிராகப் போராட்டங்கள் வெடித்தன. மார்க்ஸ் – ஏங்கெல்ஸ் வழிகாட்டலில் அமைந்த கம்யூனிஸ்ட் லீக் போராட்டங்களை ஒன்றிணைத்தது. லூயி மன்னன் நாட்டை விட்டு ஓடினார். இடைக்கால அரசாங்கம் மார்க்ஸை அழைத்தது.
கிளம்புவதற்குள் ஒருநாள் நள்ளிரவு திடீரென்று மார்க்ஸைக் கைது செய்து அழைத்துச் சென்றனர். பதறிப்போன ஜென்னி, அவரைப் பின் தொடர்ந்து சென்றார். ஜென்னியையும் கைது செய்து, சிறையில் தள்ளினார்கள். அந்தச் சிறையில் குற்றவாளிகள் நிரம்பியிருந்தனர். ஜென்னிக்குத் துக்கம் தொண்டையை அடைத்தது. ஒருபுறம் கணவர் கைது, இன்னொரு புறம் குழந்தைகள் தனியாக இருந்தனர். தாங்க முடியாத குளிர். சகிக்க முடியாத இரவாக அமைந்தது. மறுநாள் ஜென்னி மறுநாள் விடுதலை செய்யப்பட்டார். அம்மாவும் அப்பாவும் கைது செய்யப்பட்ட விஷயத்தால் பயந்துபோயிருந்த குழந்தைகள் ஜென்னியைக் கண்டதும் ஓடிவந்து கட்டிக்கொண்டனர். மார்க்ஸும் விடுதலையானார். வீட்டில் இருந்த பொருள்களை விற்று, பிரான்ஸுக்குச் சென்றார்கள்.
***
மீண்டும் அரசியல் சூழ்நிலை மாறியது. மார்க்ஸை வெளியேறும்படிச் சொன்னது. மார்க்ஸ் குடும்பம் லண்டனுக்குக் குடிபெயர்ந்தது. அங்கு ஹென்ரிச் என்ற குழந்தை பிறந்தது. மார்க்ஸ் அரசியல் பொருளாதார ஆராய்ச்சியில் இறங்கினார்.
மார்க்ஸின் கையெழுத்து மிகவும் மோசமாக இருக்கும். அவர் எழுதும் கட்டுரைகள், புத்தகங்களை ஜென்னி பிரதியெடுப்பார். தன்னுடைய கருத்துகளை மார்க்ஸுடன் விவாதிப்பார். மார்க்ஸும் ஜென்னியின் கருத்துகளுக்கு மிகவும் முக்கியத்துவம் அளிப்பார்.
1850-ம் வருடம் மிகவும் மோசமான காலகட்டம். பணமில்லாமல் மிகவும் கஷ்டப்பட்டனர். உதவி செய்யவும் ஆள்கள் இல்லை. ஜென்னி உதவி கேட்டு நண்பருக்குக் கடிதம் எழுதினார்.
‘சரியான ஆகாரம் இல்லை. முதுகிலும் மார்பிலும் கடுமையான வலி. என் மார்பில் பால் சுரக்கவில்லை. குழந்தை பசியில் பலமாக உறிஞ்சியதில் தோல் வெடித்து, ரத்தம் அவன் வாயில் கொட்டியது… எங்களின் தேவை மிகவும் குறைவானதே. ஆனால், அதைப் பெறுவதுக்குக்கூட நாங்கள் மிகவும் போராட வேண்டியிருக்கிறது…’
ஒருநாள்…
‘ஜென்னி, நான் உனக்குத் தாங்க முடியாத கஷ்டத்தை அளித்து வருகிறேன். எனக்கு வருத்தமாக இருக்கிறது…’
’நாம் என்ன நமக்காகவா போராடுகிறோம்? பாட்டாளி மக்களுக்காகத்தானே போராடுகிறோம். அந்தப் போராட்டம் எந்தவிதத்திலும் என்னை நிலைகுலையச் செய்துவிடாது கார்ல். என்னை நினைத்து வருந்தத் தேவையில்லை. உண்மையில் நான் அதிர்ஷ்டம் செய்தவள். எனக்கு ஆதரவாக அன்பான கணவனாக நீ இருக்கும்போது எந்தக் கஷ்டமும் என்னை ஒன்றும் செய்துவிடாது…’
‘நீ என்ன சொன்னாலும் நம் வாழ்க்கை மிகவும் கடினமானது ஜென்னி.’
‘என்னுடைய கவலை எல்லாம் இதுபோன்ற பிரச்னைகளில் நீ கவலை அடைய வேண்டியிருக்கிறதே என்பதுதான். உன்னுடைய சிந்தனைக்கும் செயலுக்கும் இன்னும் நல்லவிதமான சூழல் அமைந்திருக்கலாம் கார்ல்.’
’நீயும் குழந்தைகளும்தான் என்னுடைய சந்தோஷங்கள் ஜென்னி. உங்களைப் பார்க்கும்போது எந்தக் கவலையும் என்னை அண்டுவதில்லை.’
வாடகை கொடுக்க முடியாததால் பல வீடுகளுக்கு மாற வேண்டிய நிலை ஏற்பட்டது. பிரஷ்ய அரசாங்கம் மார்க்ஸ் மீதும் அவருடைய தோழர்கள் மீதும் பொய்க் குற்றச்சாட்டைச் சுமத்தியது. ஜென்னிக்கு நரம்புத்தளர்ச்சி நோய் வந்தது. சிகிச்சைப் பெற வழியில்லை. சில காலங்களில் எட்வர்டுக்கு நிமோனியா காய்ச்சல் ஏற்பட்டது. பரிதாபமாகக் குழந்தை இறந்துபோனது. ஜென்னியையும் மார்க்ஸையும் மகனின் இறப்பு மிகவும் பாதித்தது.
ஏங்கெல்ஸ் மற்றும் சில நண்பர்கள் அளித்த உதவியில் குடும்பம் பிழைத்தது. மார்க்ஸ் மீது கொலோன் கம்யூனிஸ்ட் சதி வழக்கு போட்டது பிரஷ்ய அரசாங்கம். அதிலிருந்து மீண்டு வருவதற்காக மார்க்ஸ் நிறைய உழைத்தார்.
சில நாள்களாக உடல்நிலை சரியில்லாமல் இருந்த மகள் பிரான்சிஸ்கா, இறந்து போனாள்.
‘என் அருமை மகள் இறந்த துக்கம் ஒருபுறம். அவளை அடக்கம் செய்வதற்குப் பணமில்லாதது இன்னொருபுறம். ஐயோ… எந்த அம்மாவுக்கும் இந்தக் கொடுமை வாய்க்கக்கூடாது. அன்பு பிரான்சிஸ்கா, நீ பிறந்தபோது தொட்டில் வாங்க பணமில்லை… நீ இறந்தபோது சவப்பெட்டி வாங்க பணமில்லை… எப்படிப்பட்ட பெற்றோர் நாங்கள்!’ ஜென்னி கதறினார்.
வேறுவழியில்லை. பக்கத்து அறையில் இறந்த மகளை வைத்துவிட்டு, மீதிக் குழந்தைகளைக் கட்டிப்பிடித்துக்கொண்டு இரவு முழுவதும் ஜென்னியும் மார்க்ஸும் அழுதனர். நண்பர் ஒருவர் இரண்டு பவுண்ட் கொடுத்து, சவப்பெட்டி வாங்க உதவினார்.
அடுத்த சில ஆண்டுகளில் எட்கர் என்ற 8 வயது மகனும் இறந்துபோனான்.
‘நம் அன்பு குழந்தைகள் நான்கு பேரை இழந்த துயரம் என்னால் எப்போதும் தாங்கமுடியாத வலியைக் கொடுத்துக்கொண்டிருக்கிறது கார்ல். அவர்களை நினைக்கும்போது என் ஆயுள் நீடிப்பதில் எனக்கு விருப்பமே இல்லை…’
ஏழில் மூன்று பெண் குழந்தைகள் மட்டுமே உயிருடன் இருந்தனர். ஏங்கெல்ஸ் அழைப்பின் பேரில் மார்க்ஸும் ஜென்னியும் சில காலம் அவர் வீட்டில் தங்கியிருந்தனர். மார்க்ஸ் ‘மூலதனம்’ எழுத ஆரம்பித்தார். ஒவ்வொன்றையும் சளைக்காமல் பல முறை பிரதி எடுத்துக் கொடுத்தார் ஜென்னி.
ஜென்னியின் அம்மாவுக்கு உடல்நிலை சரியில்லை என்று தகவல் வந்தவுடன் ஜென்னியும் குழந்தைகளும் அங்கு சென்றனர். பேத்திகளைக் கண்ட ஜென்னியின் அம்மா மகிழ்ந்து போனார். அங்கு சில காலம் தங்கியிருந்தார் ஜென்னி.
ஜென்னியின் பிரிவைத் தாங்க முடியாத மார்க்ஸ் கடிதம் எழுதினார். ‘அன்பு நிறைந்த ஒரு பெண்ணிடம் காதல் கொள்வது ஒரு மனிதனை மீண்டும் மனிதனாக்குகிறது!’
தாய் இறந்த பிறகு அவருக்குக் கிடைத்த சொத்துடன் வந்து சேர்ந்தார் ஜென்னி. ஓராண்டு பொருளாதாரப் பிரச்னையின்றி வாழ்ந்தனர். நண்பர்கள், அகதிகள் போன்றவர்களுக்குத் தேடிப் போய்ப் பண உதவி செய்தார் ஜென்னி…
***
அமெரிக்காவில் பொருளாதார நெருக்கடி ஏற்பட்டது. மார்க்ஸ் எழுதி வந்த கட்டுரைகள் குறைந்து போயின. அழையா விருந்தாளியாக வறுமை வந்து உட்கார்ந்துகொண்டது. வளர்ந்த குழந்தைகள் வீட்டில் இருந்தே படித்தனர். நாள்கள் செல்லச் செல்ல நிலைமை மோசமானது. மார்க்ஸ் வேலை தேடினார். கையெழுத்து மோசமாக இருந்ததால் வேலை கிடைக்கவில்லை. குழந்தைகளைத் தத்து கொடுத்துவிட்டு, ஏழைகள் வசிக்கும் இல்லத்தில் தானும் ஜென்னியும் சேர்ந்துவிடலாம் என்று கூட நினைத்தார் மார்க்ஸ்.
மீண்டும் உதவிக்கு வந்தார் ஏங்கெல்ஸ். நண்பர் ஒருவர் மார்க்ஸுக்கு சொத்து எழுதி வைத்து, இறந்து போனார். அதன் மூலம் மூலதனம் நூல் வெளியிடப்பட்டது.
‘இன்று மகத்தான நாள் கார்ல். நம் உழைப்புக்கு ஒரு அங்கீகாரம் கிடைத்திருக்கிறது.’
***
மார்க்ஸின் இரண்டு பெண்களும் கம்யூனிஸ்ட் இயக்கத்தைச் சேர்ந்த தோழர்களைத் திருமணம் செய்துகொண்டார்கள். சில ஆண்டுகளில் பேரன், பேத்திகள் என்று மார்க்ஸின் குடும்பம் விரிவடைந்தது. மார்க்ஸ் வீட்டுக்கு அருகிலேயே ஏங்கெல்ஸும் குடிவந்தார். ஒருவழியாக வறுமை விலகியிருந்தது. வாழ்க்கையில் இனிமை வந்து சேர்ந்தது.
1880-ல் ஜென்னி நுரையீரல் புற்றுநோயால் பாதிக்கப்பட்டார். அது குணமளிக்க முடியாத நோய் என்று மருத்துவர்கள் சொன்னார்கள். மார்க்ஸ் இடிந்துபோனார். ஜென்னியின் அருகிலேயே இருந்து கவனித்துக்கொண்டார். தன் பொருட்டு தன் கணவரோ, குழந்தைகளோ வருத்தப்படக்கூடாது என்று நினைத்த ஜென்னி, தன் நோயின் வலியை மறைத்துக்கொண்டு, நகைச்சுவையாகப் பேசினார்.
விரைவிலேயே மார்க்ஸும் நுரையீரல் நோயால் தாக்கப்பட்டார். தனியறையில் வைக்கப்பட்டார். பல வாரங்கள் ஜென்னியும் மார்க்ஸும் ஒருவரை ஒருவர் பார்க்க முடியவில்லை. ஓரளவு நோய் குணமானதும் மார்க்ஸ் ஜென்னியிடம் வந்தார்.
‘பக்கத்து பக்கத்து அறைகளில் இருந்தும் நம்மால் பார்க்க முடியாதது கொடுமையான விஷயம் ஜென்னி.’
‘ஆமாம் கார்ல். எவ்வளவோ காலம் நாம் பிரிந்து வசித்திருக்கிறோம். அப்போதெல்லாம் இந்தப் பிரிவு இவ்வளவு வலியைத் தந்தது இல்லை. உன் ஒரு கடிதம் அத்தனை துன்பத்தையும் மாயமாக்கிவிடும்.’
‘அன்பு ஜென்னி, நம் வாழ்க்கையில் நீ இன்பத்தை விட துன்பத்தையே அதிகம் பெற்றிருக்கிறாய். மிகவும் வருத்தமாக இருக்கிறது…’
‘இந்த வாழ்க்கை எனக்கு மிகவும் நிறைவைத் தந்திருக்கிறது கார்ல். சக மனிதனின் உயர்வுக்குப் பாடுபடுபவனே சிறந்த மனிதன். அதுபோன்ற வேலையில் கிடைக்கும் சந்தோஷமும் நிம்மதியும் வேறு எதிலும் கிடைக்காது என்று நீதானே சொல்லியிருக்கிறாய். நாம் இருவரும் அந்த வாழ்க்கையைத்தானே விரும்பி வாழ்ந்திருக்கிறோம்.’
பதில் சொல்லாமல் மார்க்ஸ் ஜென்னியின் கைகளைப் பிடித்தபடி அமர்ந்திருந்தார்.
‘நம் கஷ்டங்களை மறந்துவிட்டேன் கார்ல். மீண்டும் ஒருமுறை வாழும் வாய்ப்புக் கிடைத்தால், நீயே கணவனாகவும், இதே கஷ்டங்களுடனும்தான் வாழ விரும்புகிறேன், கார்ல்.
மூலதனம் நூல் ஜெர்மனியில் மூன்றாம் பதிப்பு வர இருப்பதாகக் கேள்விப்பட்டேன். லண்டன் பத்திரிகை உன்னை சோசலிச சிந்தனையாளர் என்று கூறியிருக்கிறது. ஜெர்மன் தொழிலாளர் கட்சி வெற்றி பெற்றிருக்கிறது. இவை எல்லாவாற்றையும் விட சந்தோஷம் வேறு உண்டா கார்ல்? நம் உழைப்பு வீணாகிவிடவில்லை. உலகம் முழுவதும் உன் சிந்தனை பரவும், பாட்டாளி வர்க்கம் பயன்பெறும் என்ற நம்பிக்கை எனக்கு இருக்கிறது.’
1881. டிசம்பர் 2. ஜென்னி இறந்து போனார். மார்க்ஸ் சுயநினைவிழந்தார். ஜென்னியின் இறுதிச் சடங்குகளை ஏங்கெல்ஸ்தான் செய்தார். ஜென்னியின் மறைவுக்குப் பிறகு மார்க்ஸ் தன்னை இழந்துவிட்டார். 15 மாதங்களுக்குப் பிறகு ஒருநாள் ஜென்னியின் புகைப்படத்தை கையில் வைத்து, சாய்வு நாற்காலியில் அமர்ந்திருந்தபோது அவர் உயிர் பிரிந்தது.
***
ஜென்னி நினைத்தது போலவே மார்க்ஸ் உலகம் முழுவதும் அறியப்பட்டார். மார்க்ஸின் சிந்தனையால் உலகம் பல மாற்றங்களைக் கண்டது. பிபிசி நிறுவனம் நடத்திய கருத்துக்கணிப்பில், கடந்த ஆயிரம் ஆண்டில் தலைசிறந்த சிந்தனையாளர் யார் என்ற கேள்விக்கு, கார்ல் மார்க்ஸை உலக மக்கள் தேர்ந்தெடுத்தனர்.

ஆடுகளம் - தமிழில் ஓர் உலக சினிமா!!!

2011-03-02T18:47:00.007+01:00

ஆடுகளம் தமிழ் சினிமாவில் மிக முக்கியமான படம், வெற்றிமாறன் உலக அளவில் மதிப்பிடப்படும் தரமான தமிழ் சினிமாவின் நம்பிக்கை ஒளி . பொல்லாதவனுக்கும் ஆடுகளத்துக்கும் இடைப்பட்ட மூன்று வருடத்தில் இவர் நிச்சயம் நிறைய வீட்டுப் பாடங்கள் செய்திருப்பார் என நம்பினேன், அது பொய்க்கவில்லை. மேலும் ஒரு இயக்குனருக்கு இரண்டாவது படம் மரணக்கிணறு போன்றதாகும். நல்ல கதைக்களமும் சிறப்பான தொழில்நுட்பம் சார் இயக்கமும் இருந்தால் தான் ரசிகர்களின் எதிர்பார்ப்பு என்னும் அக் கிணற்றைத் தாண்ட முடியும். ஏனைய இயக்குனர்கள் வித்தியாசமாக படம் செய்யவேண்டும், புதிதாக செய்ய வேண்டும் என்று சிந்திக்கத் துவங்கி, படத்துக்கான கருவை தன்னுள் தேடாமல் காற்றில், குறுந்தகட்டில் அந்நிய திரைப்படங்களில் தேடுவர். அதை அப்படியே தூக்கி தமிழ் சினிமாவுக்காக மாற்றி களவாடுவர். அது பல சமயம் பிள்ளையார் பிடிக்கபோய் குரங்கான கதை தான்!!!.

ஆனால்,வெற்றிமாறன் இரண்டாம் படத்திலும் தன் முத்திரையை ஆழமாக பதித்துள்ளார். இந்திய சினிமா வரலாற்றிலேயே படத்தின் கதை வடிவமைக்க உந்துதலாய் அமைந்த திரைப்படங்களின் பெயர்களைப் போடுகிறார் பாருங்கள். அது மிக மிக அரிய பண்பு. தனக்கு சொந்த மண்ணின் கதையான சேவல்சண்டையை படமாக்க உந்துதல் அளித்தது அமெர்ரோஸ் பெர்ரோஸ்ஸின் நாய்ச்சண்டை தான் என்கிறார். பொல்லாதவன் திரைப்படத்தை நான் எத்தனை முறை பார்த்தேன் என்றே தெரியாது . வெற்றிமாறன் சிரியஸாக பேரலல் சினிமா எடுப்பேன் என கிளம்பி பணம் போட்ட தயரிப்பாளரை இதுவரையில் மொட்டையடித்ததில்லை. மெயின் ஸ்ட்ரீம் சினிமா விரும்பிகளுக்கும், பேரலல் சினிமா விரும்பிகளுக்கும் ஏற்ற வகையில் படம் எடுத்து எல்லோரையும் இன்புற்று உய்ய வைத்திருக்கிறார்.

பொல்லாதவன் திரைப்படத்தை ஒருவர் பைசைக்கிள் தீவ்ஸுடன் ஒப்பிட்டால் அது மிகப்பெரிய நகைப்புக்கிடம், ஆது வேறு, இது வேறு, ஆடுகளமும் எதனுடனும் ஒப்பிட முடியாத ஒரு ஆகச்சிறந்த படைப்பு!!!. எம்.டி வாசுதேவன் நாயர். மகேந்திரன், பாரதிராஜா, பாலுமகேந்திரா, பரதன், பாலா போன்றவர்களின் படைப்புகளுக்கு அடுத்து காலத்துக்கும் பேசப்படக்கூடிய படைப்பு . நிறைகுடம் தளும்பாது குறைகுடம் கூத்தாடும் என்பதற்கேற்ப , இயக்குனர் வெற்றி மாறன் தலைக்கனமாக பேசி நான் இதுவரை பார்த்ததில்லை. ஆனால் அவர் படைப்புகள் அவருக்காக பேசும். உணர்வு ரீதியாக திரைப்படங்கள் வடிக்கும் பாலாவின் புதிய படம் அவன் இவன் , அது ஆடுகளம் உண்டாக்கிய தாக்கத்தை தரவேண்டும், தந்துவிடுமா?!!! என நினைக்கத் தோன்றுகிறது. ஆடுகளத்தில் அவ்வளவு சக்திவாய்ந்த பாத்திரங்கள் வெற்றிமாறன் உருவாக்கியது, அவற்றை நிஜத்தில் உலவவிட்டது, அதை செலுலாய்டு அற்புதம் என்பேன்.

இது நாயகனுக்காக பின்னப்பட்ட கதை அல்ல, கதையில் வரும் ஒவ்வொரு கதாபாத்திரமுமே நாயகர்களாக தம்மை முன்னிறுத்திக் கொள்பவர்கள் தான், அவர்களின் அன்றாட வாழ்க்கை, அவர்களுக்கு மத்தியில் குறுக்கிடும் சேவல்சண்டை, அதனுடன் பின்னிப்பிணைந்த காதல், நட்பு, பாசம், அன்பு, வெற்றி, தோல்வி, புகழ், கவுரவம், துரோகம், இரட்டைவேடம் வஞ்சம் என அன்றாடம் காய்ச்சி மனிதர்கள் நாம் வேடமிட்டு அரங்கேற்றிக்கொள்ளும் சம்பிரதாய நாடகங்களே!!!,

படத்தின் இறுதியில் சில புதிர்களை நமக்கு பொதித்து வைக்கிறார் இயக்குனர். குரு-பேட்டைக்காரன் சிஷ்யன் கருப்புவின் கண்முன்னால் கத்தியால் தன் கழுத்தை அறுத்துக் கொண்டு சரிகிறார். அது ஏன்?, குட்டு வெளிப்பட்டதே என வெட்கப்பட்டு கூசியவர் மனம் திருந்தி கழுத்தை அறுத்துக்கொண்டாரா? அல்லது தான் இறந்த பிறகும் கூட இந்த கருப்புக்கும் துரைக்குமான வஞ்சம் கொழுந்துவிட்டு எரிய வேண்டும். கருப்பு நடைபிண வாழ்வு வாழவேண்டும், சேவற்கட்டாரியாக புகழ் பெறவேகூடாது என வீம்புக்கென்று கழுத்தை அறுத்துக்கொண்டாரா? யோசித்துப்பார்க்கிறேன். சுவாரஸ்யமான புதிராய் தான் இருக்கிறது.இப்படித்தான் நிஜவாழ்வில் நமக்கு மிக பரிச்சயமான மனிதர்கள் ஏன் அப்படி செய்தார்கள் என கணிக்க முடிவதில்லை.

இறுதியில் கருப்பு தன் குருவுக்கு காணிக்கையாக அவர் இறந்த பிறகும் அவர் புகழுக்கு கேடு நிகழக்கூடாது என்று ஊரைவிட்டே ஓடுகிறார் . ஒரு பக்கம் போலீசும் மறுபக்கம் துரையின் ஆட்களும் தேட, நிராயுத பாணியாக காதலியுடன் ஓடுகிறார். இக்காட்சியிலும் நம்மை சிந்திக்கவித்திருக்கிறார் இயக்குனர். அது ஏன்?..ஓடுகையில் கருப்பு தன் குரு பேட்டைக்காரன் அவர் வீட்டில் பதுக்கிவைத்திருந்த பணம் 2.5 லட்சத்தை தன்னுடன் எடுத்துக்கொண்டு வந்தவர் அதை ஆட்டோவிலேயே விட்டு விட்டு செல்வது தனக்கு பணம் ஒரு பொருட்டல்ல எனக்காட்டவா ?!!! அல்லது தன் குருவின் வீட்டில் அப்பணம் இருந்தால் தன் குரு பேட்டைக்காரன் தான் குற்றவாளி என துரைக்கும் ஊராருக்கும் தெரிந்துவிடுமே எனக்கருதியா?!!! கருப்பு அந்த 2.5 லட்சம் பணத்தை குருவின் பணம்[பேட்டைக்காரன் பதுக்கியதால்] என்று தான் கொண்டு போகாமல் தான் வந்த ஆட்டோவிலேயே விட்டுட்டார் என நினைக்கிறேன். அவர் அதைக் கொண்டு போயிருந்தாலும் எந்த பாதகமில்லை. ஊராரின், போலீசாரின் பார்வையில் அவர் கொலைகாரனே!!!பொல்லாதவனில் பல்சர் பைக்கும் ஒரு பிரதான பாத்திரம்,இதில் அந்த துணிக்கடை பாலீத்தீன் பைக்குள் இருக்கும் பணமும் ஒரு பிரதான பாத்திரம். இயக்குனர் வெற்றிமாறன் தாராளமாக இந்த புள்ளியில் இருந்து ஆடுகளம் பாகம்-2ஐத் துவக்கலாம், அதுவும் வேறு ஒரு கதைக்களத்தில். பில்லா-2, மன்மதன் -2, நடுத்தெரு நாய்கள்-2 என பாகம்-2 எடுக்கையில் இதை தாராளமாக எடுக்கலாம்.

ஓர் சாதாரணத்தை வைத்து அசாதாரணம் படைத்துள்ளார் இயக்குனர். தனுஷ் கருப்புவாக வந்து கல் நெஞ்சங்களையும் கூட கரைத்துவிடுகிறார். படிக்காத ஊதாரி இளைஞன் வேடம் என்றால் இவருக்கு சர்க்கரையாயிறே? !!! சிம்பு போன்ற தன் வயதை ஒத்த நடிப்பு அவமானங்களுக்கு எதிர்மாரான நடிகர் தனுஷ் . பொல்லாதவனில் இவரை பிடிக்காமல் போயிருந்தாலும் இதில் நிச்சயம் பிடித்து விடும். அப்படி கருப்பு கதாபாத்திரத்துக்குள்ளே காணாமல் போயிருக்கிறார். ஒரு காதல் பித்து பிடித்தவன் , குருவின் கடைசி செல்லப்பிள்ளையான சீடன். விதவை அம்மாவுக்கு வாய்த்த தத்தாரிப்பிள்ளை என எத்தனை பரிமாணம் தனுஷுக்கு?!!! . தோழி அய்லினிடம் இந்த இடத்துல ஒரு மவுத்கிஸ் அடிச்சி ஃபினிஷ் பண்ணிக்கலாமா?!!! என்று கேட்பதும், ஐஅம் லவ் யூ, என்பது, அவள் உனக்கு என்ன வேண்டும்? என்றதும் பால்ஸ்!!!பால்ஸ்!!! என்பது, என்ன தொழில் செய்கிறாய்? என ஆங்கிலோ இந்திய மூதாட்டி கேட்க காக் , காக் ஓட்டிங் என்பதும் படு ஆரவாரம், அதுவும் சேவல் சண்டைக்காட்சிகளில் இவர் எதிராளி கட்டாரியிடம் பேசும் நகைச்சுவை கலாய்ப்பு வசனங்கள் அபாரம். தனக்கு தானே பேசும் இளைஞர்களை உங்களுக்கு தெரியுமா?எனக்கு நிறைய பேரைத் தெரியும்.இதில் கருப்புவும் நிறைய கனவுகளை தனக்குள் இருக்கும் ஒருவனிடம் பேசிக்கொண்டே இருக்கிறார்.யதார்த்தம்.

காணொளி

ஆடுகளத்தின் சண்டைச் சேவல் - ஈழத்துக் கவிஞர் வ.ச.ஐ. ஜெயபாலன்

http://ww5.4tamilmedia.com/index.php/cinema/cine-interview/2559-poet-vis-jayabalan

பேட்டைக்காரனாக வந்த ஜெயபாலன், என்னே ஒரு புதுமுகம்?!!! கடவுளே இப்படி ஒரு நடிகரை தமிழுக்கு அறிமுகப்படுத்தியதற்கே வெற்றி மாறனுக்கு கோடி நன்றிகள். இவர் சமகாலத்தின் சிறந்த புதுமுக குணச்சித்திர நடிகர் என்பேன். தமிழில் ஓர் சிறந்த நடிகர் ராஜ்கிரனுக்கு ஆகச்சிறந்த மாற்று கிடைத்துவிட்டார். இவருக்கு ராதாரவி குரல் கொடுத்ததன் மூலம் அவரும் ஓர் அங்கமாகிவிட்டார். அத்தனை பொருத்தம். துரையின் மீது கோபப்பட்டவர், மீனா சாரைப் போகசொல்லு முகத்தைப் பார்க்கவே பிடிக்கலை என்னும் இடமெல்லாம் க்ளாஸ். இந்த தத்ரூபமான ரிசல்ட் வருவதற்கு மாறன் எப்படி உழைத்திருக்க வேண்டும் ?!!! மலைப்பாக இருக்கிறது, பேட்டைக்காரன் சக்கை போடு போடுகிறார். இனி அவர் வேறு எந்த படத்திலும் நடிக்கா விட்டாலும் வாழ்நாள் சாதனைக்கென்று சொல்லிக் கொள்ள இப்படம் ஒன்றே போதும்.

இன்ஸ்பெகடர் ரத்னசாமி பாத்திரம் அபாரம், நரேனுக்கு இன்ஸ்பெகடர் & சேவல்சண்டை கட்டாரி என இரட்டைச்சவாரி. எனக்குத் தெரிந்து இந்த அளவுக்கு யாரும் நிஜ வாழ்வில் நாம் காணும் போலீஸ் போன்றதோர் வேடத்துக்கு இப்படி பொருந்தியதில்லை, எப்படி? காய் நகர்த்தினால் பழைய சேவல்சண்டை கூட்டாளி பேட்டைக்காரன் ,தன்னிடம் மீண்டும் சேவல் சண்டைக்கு வருவான், என்று இவர் போடும் ஒவ்வொரு திட்டமும் தூள். ஒரு கட்டத்தில் சேவல் சண்டையில் பேட்டைக்காரனின் மற்றொரு சிஷ்யன் கருப்புவிடம் தோற்றுவிட்டதும் அதை பேட்டைக்காரனிடமே தோற்றதாய் கருதி சேவல் சண்டையை தலை முழுகுவது அற்புதம். சேவல்சண்டை போட்டிகளில் இப்படி ஒரு குலமானம் பொதிந்திருப்பது எந்த படத்திலும் இப்படி காட்டப்பட்டதில்லை. அவரின் அம்மா, மனைவி, உதவியாக வரும் வழுக்கை மண்டை போலீஸ்[புதுப்பேட்டையில் தனுஷின் அப்பா?] ஏட்டு என ஒவ்வொரு பாத்திரமும் சிறப்பு.

துரையாக வந்த கிஷோர் அதகளம் செய்துள்ளார், இதில் ஆட்டோ சங்கர் போல கெட்டப்பில் கிராப் தலை, இரவல் குரல் அவருக்கு. இதற்கு முன் நம்முள் பதிந்த பொல்லாதவன், வெண்ணிலா கபடிக்குழு, வம்சம் போன்ற படத்தில் பார்த்த கிஷோரின் பாதிப்புகளை அழித்துவிட்டு, புதிய வடிவம் பெற்று துரையாகவே வாழ்ந்திருக்கிறார். ஒரு குருவின் முதன்மை சிஷ்யனுக்கு தனக்குத்தான் எப்போதுமே குருவின் பாராட்டு கிடைக்க வேண்டும் என எதிர்ப்பார்ப்பு இருந்துகொண்டே இருக்கும். அதற்கு பங்கம் வந்தால் அவனிடம் கர்வமும் பொறாமையும் குடிகொள்ளும், எவ்வளவு குணவான் ஆயினும் அவனுள் ஆத்திரம் குடிகொண்டால் அவன் புத்தி மட்டமாகிவிடும், அந்த நிலையை படத்தின் பிற்பாதிகளில் மிகச்சரியாக உள்வாங்கி நடித்துள்ளார் இவர். இவருக்கு சமுத்திரக்கனி குரல் கொடுத்ததன் மூலம் சமுத்திரக்கனியும் ஒரு அங்கமாகிவிட்டார். இவரின் மதுரைத்தமிழ் மிகவும் சுத்தம். கருப்பு வாங்கித் தரும் மோதிரத்தை கையில் வாங்கியவர், எதுக்குடா வீண்செலவு? என்று கேட்டு விட்டு அதை வாங்கி போட்டுக்கொண்டு நல்லாருக்குடா, என்று கருப்பை பாசத்துடன் பார்ப்பார். மிகவும் ரசித்தேன். அண்ணன் தம்பியாகவே பழகியவர்கள் கடைசிக் காட்சியில் நிலவொளியில் நிலத்தில் புரண்டு அடித்துக் கொள்ளும் காட்சி நன்றாக எடுக்கப்பட்டிருக்கிறது, கருப்புவின் அம்மாவின் சாவில் உண்மையிலேயே வருத்தத்துடன் வந்துவிட்டு, பேட்டைக்காரனின் திறமைரீதியான ஒப்பீட்டுதலால் கருப்புவின் மீது சடாரென ரஜோகுணம் கொண்டு, அக்ரீமெண்டு போட்டிருக்கு!!! நினைவிருக்குல்ல? சீக்கிரம் போட்டி நடக்கட்டும்!!! என்று கறாராய் சொல்வது எல்லாம் க்ளாஸ்.

பேட்டைக்காரனின் நண்பன் உதவியாளன் அயூப்பாக வந்தவர் பெரிய கருப்ப தேவர், படத்தின் மூன்று முக்கியபாத்திரமான ஆணிவேர் கதாபாத்திரங்கள் பேட்டைக்காரன், ரத்னசாமி பின்னே இவர். மொத்தமே ஐந்து அல்லது எட்டு நிமிடம் தான் காட்டப்படுவார் . ஆனால் பாதி படம் முழுக்க இவரைப் பற்றி பேசுகின்றனர். அதன் மூலம் இவர் சேவல் சண்டைக்கு அளித்த பங்களிப்பை நாம் கண்கூடாக அறிகிறோம். நடக்கப்போகும் தன் மகள் திருமணத்துக்கு சீதனமாய் மோட்டார் பைக்கும் மொத்த திருமணச்செலவையுமே ரத்தினசாமி ஏற்பதாய் சொல்லியும், தடுமாறாமல் 40 வருடகால நட்பே முக்கியம் என்று சீறி விலகும் பாத்திரம். மிக முக்கியமானது.பணத்தால் எல்லோரையும் விலைக்கு முடியாது என சொன்ன பாத்திரம்.

28வயது மூத்த பேட்டைக்காரனுடன் அவரின் சேவல்சண்டை வெற்றிகளை ரசித்து, ஆசைப்பட்டு ஓடிவந்து சேர்ந்து வாழும் மீனாள் பாத்திரம், குறிப்பிடவேண்டிய ஒன்று. இவரின் தவமாய் தவமிருந்து அண்ணி பாத்திரம் கூட மறக்க முடியாதது, நாம் வாழும் சமூகத்தில் அடித்தட்டு வர்க்க மக்களிடையே மனதுக்கு பிடித்திருந்தால் இது போல ஓடிவந்து சேர்ந்து வாழும் சூழல் இருக்கிறது. அதை நம்பும் படி பிரதிபலித்திருக்கிறார். ஒருகட்டத்தில் அதிகம் பிடித்த பேட்டைக்காரன் மீது ,அதீத வெறுப்பு ஏற்பட்டு மண்ணைவாரி தூற்றிவிட்டு, இனிமேலும் நான் இங்கருந்தா எனக்கும் விஷம் வைத்து கொன்னுடுவே!!!!,என்று கதறி அழுது நைட்டியுடனேயே வீட்டைவிட்டு வெளியேறும் காட்சிகள் சிறந்த சான்று.ஒரு ஆணின் சந்தேகம் எந்த அளவுக்கு அவனை விரும்பிய பெண்ணை உடையச்செய்யும் என விளக்கும் பாத்திரம்.

நடுப்பல்லில் சொத்தையுடன் கருப்புவின் வலது கையாய் வரும் நண்பன் ஊளையை குறிப்பிட்டு சொல்லவேண்டும். அதிரடியான கருப்புவுக்கு எதையுமே பகுத்தறிந்து பார்க்கத் தெரியாது , ஆனால்? ஊளைக்கு தெரியும். இரவு 7மணிக்கு எந்த தெருடா வெறிச்சோடியிருக்கு?, தப்பா தெரியுதுடா, பணம் பூராத்தையும் அவர் தான் ஆட்டைய போட்டிருப்பாரோன்னு சந்தேகமாருக்குடா!!!! , எனச் சொல்லி கருப்புவிடம் சத்து சத்தென அடி வாங்குகிறார். நண்பனுடன் நிழலாகவே நடந்திருக்கிறார். தூய நட்பு எதிர்பார்ப்பற்றது, அத்தூய நட்புக்கு சான்று தான் ஊளை பாத்திரம்.

தனுஷின் அம்மாவாக வந்த பெண்மணி சுப்ரமணியபுரத்தின் அழகருக்கு அம்மாவாக வந்த பெண்மணி எனத் தெரிந்தது, அந்த அம்மா மிக மிக இயல்பான பாத்திரம், என் தலைவிதி ஆயுசுக்கும் கோழிப்பீயை அள்ளிச் சுமக்கனும்!!!! என அங்கலாய்க்கும் பாத்திரம். என் அம்மா நினைவுக்கு வந்தது. அம்மா என்பவள் எத்தனை மேலான படைப்பு, தெய்வத்துக்கும் மேலானவள் தாய் என நினைக்கத் தோன்றுகிறது. எப்போதோ இறந்த கணவரின் நினைவை அவர் வாழ்ந்த வீட்டு சுவற்றிலும் தரையிலும் உணர்ந்தவர், அது கணவன் கடன் வாங்கியதால் இன்னும் அடமானத்தில் இருப்பதால் அவ்வீட்டிற்க்கு அடுத்த ஒரு சிறிய ரேழியியையே ஒத்திக்கு எடுத்து குடியிருக்கிறார். இது மதுரையில் நான் நிறைய பார்த்திருக்கிறேன். மதுரையின் மனிதர்கள், ஆடம்பரத்தை வெறுப்பவர்கள். 8 அடி அகலம் 20 அடி நீளம் இருந்தாலே அதில் 2 குடித்தனம் கூட இருக்கும். அந்த ரியாலிட்டிக்காக இதை சொல்லவந்தேன். பேட்டைக்காரன் வசிக்கும் ஊருக்கு வெளியே அமைந்த மலையடிவார வீடும் ஒரு ரியாலிட்டி காட்சியாக்கத்துக்கு சான்று. போலீஸ் ஸ்டேஷன் காட்சிகள், சேவற்சண்டை டோர்னமெண்ட் காட்சிகள். ஃபெளெக்ஸ் சைன் போர்டில் பேட்டைக்காரனுக்கும் துரைக்கும் ரத்னசாமிக்கும் வைக்கப்படும் அரச தோரணை தீம்கள். ஆரவாரமான எதிர்ப்பார்ப்பைக் கூட்டும் சேவற் சண்டை காட்சிகள் என ஒவ்வொன்றும் அருமையாக பார்த்துப் பார்த்து இழைத்த ரகம்.

புறநகர அரசுப்பள்ளியில் படித்து வெளியேறிய மாணவர்களுக்கும் ஏனைய புற நகர் மக்களுக்கும் அடிக்கடி தங்கள் தெருவில் நடக்கும் ஒன்றைத் தெரிந்திருக்கும். கூடப்படிக்கும் அழகான பெண்ணுக்காக மாணவர்கள் அடித்துக்கொள்ளும் காட்சி தான் அது , அதை சால்வ் செய்வதற்க்கென்றே ஒரு பழைய மாணவரும், மிகவும் ஆடி முடித்த சித்தப்புவும் இருப்பார்கள், அது போல இப்படத்தில் ஒரு காட்சி, ”தங்கச்சி ரெண்டு பேர்ல நீ யாரை லவ் பண்றேன்னு சொல்லும்மா”!!!அண்ணங்க நாங்க பாத்துக்கறோம் என்கிறார்கள். செம நோஸ்டால்ஜியா கிளம்புகிறது.

அய்லினாக வந்த தப்ஸி மிகமிக அழகு, பெண் மனசு ஆழம் என்று சொல்லுவார்கள், பெண் மனம் மிகவும் புதிர், பேரழகனைக்கூட திரும்பிப் பார்க்காத சில பெண்கள் மிகவும் சாதாரணமாய் இருக்கும் பலருக்கு விருப்ப துணையாக அமைந்து விடுவதுண்டு, அதை நானே பல இடங்களில் பார்த்திருக்கிறேன், இதை வைத்து தான் விவேக் கூட வாடா நாமளும் நம்ம மூஞ்சியில் ஆசிட் ஊத்திக்கலாம், அப்போதான் பொண்ணுங்க நம்மையும் பார்க்கும்!!! என மின்னலேவில் லந்தாக சொலுவார். ஆகவே அய்லினுக்கு நாயகன் கருப்புவின் மீது காதல் வருவது என்னைப்பொறுத்த வரை நம்பும்படியாகத்தான் உள்ளது, தவிர பெண்களுக்கு, தனக்கு எல்லாம் தெரியும் என இறுமாந்திருப்பவனை விட தனக்கு தெரியாது என்பவனை மிகவும் பிடிக்கும் போலும், அதனால் தான் படிக்காத குடிகாரன், சேவல் சண்டை கட்டாரி தன்னிடமே காசு பிடுங்கிய கருப்புவைக் கூட காதலிக்க வைக்கிறது.

இது தவிர நான் பல்லாவரம் வெட்ரன் லைன்ஸ் [veteran lines] பகுதிகளில் பால்யத்தில் அதிகம் சுற்றியிருக்கிறேன். அங்கே ஏனைய ஆங்கிலோ இந்திய இளம்பெண்கள் ஆங்கிலோ இந்தியரல்லாத மற்ற சாதி ஆண்களையே அதிகம் விரும்பி வீட்டை எதிர்த்து வெளியேறியிருக்கிறார்கள். அவர்களையே திருமணமும் செய்து கொண்டு ஒண்டுக் குடுத்தனத்தில் கஷ்டப்பட்டுக் கொண்டு, எதாவது நிறுவனமொன்றில் டெலிபோன் ஆபரேட்டராக இருப்பர். அவர்களின் கணவன் ஒன்று சூதாடியாகவோ, குடிகாரனாக இருப்பான், அல்லது எதாவது நிறுவனத்தில் கடைநிலை ஊழியனாக இருப்பான். இதை வடசென்னையைப் பற்றி நன்கு அறிந்தவரான வெற்றிமாறன் அங்கே பெரம்பூரின் ஆங்கிலோ இந்தியக் குடியிருப்புகளில் அதிகம் புழங்கியிருப்பார் போல.அவர்களின் சமூகம் சம்பந்தப்பட்ட காட்சிகள் பக்கா.

இதை நன்கு அவதானித்து தான் அய்லின் பாத்திரத்தையும் அய்லின் கருப்பு காதலையும் உருவாக்கி சேர்த்திருக்கிறார். இதில் திணிப்பு, செயற்கை இல்லவே இல்லை என்பேன். என் நண்பன் சீனி என்பவன் தன் வீட்டுக்கு அடுத்த ஆங்கிலோ இந்திய குடித்தனப் பெண்ணான ஆண்ட்ரியா என்பவளை 15 வயதிலேயே ஃபிகர் மடித்தது, அதைப்பார்த்து நாங்கள் நமக்கு உசாராகலையேடா!!! என வயிறெரிந்தது எல்லாம் என் வாழ்விலேயே நடந்த படியால் நான் இந்தக் காதலை நம்புகிறேன்.

படத்தில் வந்த எல்லா பாத்திரங்களையுமே எழுத்தில் வடிக்க ஆசைதான் ஆனால்!!!, அது அவ்வளவு எளிதா என்ன? படத்தை ஏற்கனவே 4 முறை பார்த்தாகிவிட்டது , ஒவ்வொறு முறையும் பார்க்கையில் ஒவ்வொன்றைப் பார்க்கிறேன். குறைகள்?!!! படத்தில் குறைகள் என்று பார்த்தால் ஒன்றிரண்டு உள்ளன, அதை பெரிது படுத்தி, தானம் வந்த மாட்டை பல்பிடித்து பார்கப்போவதில்லை.நல்ல படம் வருவதே அரிது!!!

இசை, பாடல்கள் அடடா அருமையோ அருமை, ஜிவி பிரகாஷ்!!! வெகுநாளாகவே நீங்கள் சாதிக்க ஆசைகொண்டு சிறந்த பங்களிப்பை ஆற்றி வருகின்றீர்கள், ஆனால் அது இன்னும் முழுமையடையவில்லை, அது எல்லா துறையினருக்குமே விதிவிலக்கல்ல. உங்களிடம் உள்ள குறையே நீஙகள் எல்லாமாகவும் ஆக ஆசைப்பட்டு எதாகவும் ஆக முடியாமல் போவது போல், உங்களை நீங்கள் நம்பாதது தான். இப்படத்திலேயே நிறைய பாபெல், அமெர்ரோஸ் பெர்ரோஸ், 21 க்ராம்ஸ் பிண்ணணி இசை பாதிப்புகள். நிறைய அந்நிய படைப்புகள், இசைக்கோர்வைகள் சங்கீதம் கேட்கும் நீங்கள் அதை அதன் பாதிப்பை, ஒரு கொலாஜ் போல வெளிக்காட்டிவிடுகிறீர்கள், பல இடங்களில் எளிமையே அழகு, பல இடங்களில் சத்தமே தேவையில்லை, பாடல்களில் எந்த குறையுமில்லை, பிண்ணணி இசை பிரமாதமாக இருந்தும் எதற்கு எதைப் போடுவது என்ற தெரிவு இல்லை, ஆனால் அது பலவருட தவம், இந்த உங்கள் இடத்தை இளம் வயதில் அடைந்தமைக்கு பாராட்டுக்கள். இப்படத்தில் உங்கள் இசை தனுஷின், மீனாளின், அய்லினில் சிலபல வசனங்களை கபளீகரம் செய்துவிட்டது, மற்றபடி எல்லா பாடல்களும், அதற்கு அளிக்கப்பட்ட இசைப்பங்களிப்பும், குரல் தெரிவையும் மிகவும் ரசித்தேன்.

வேல்ராஜின் கேமராவைப் பற்றி சொல்லவேண்டுமானால் ஒரு பதிவு போதாது, நான் இதுவரை எந்த தமிழ் சினிமாவிலுமே இரவு ஒளிஅமைப்பில் இப்படி ஒரு ஒளிஓவியத்தை பார்த்ததில்லை,கதாபாத்திரங்களின் மீது விழும் நிலவு ஒளி, அங்கே ஏறபடுத்தும் சையோகிராஃபியை [நிழல்குத்து] உற்று நோக்குங்கள். அந்த நகாசு வேலைய ரசியுங்கள். உங்களுக்கு இந்த வேல்ராஜ் என்னும் மனிதனை பிடித்துப் போய்விடும். சந்தோஷ் சிவனின் பிஃபோர் த ரெயின்ஸ் படத்தை விட நன்றாக இருந்த ஒளிப்பதிவு. இரவு நிலவொளி வீட்டுக்குள்ளே விழுகையில் மஞ்சள் டோன் சேபியாவும்.இரவு நிலவொளி வீட்டுக்கு வெளியே விழுகையில் நீல நிற டோன் சேபியாவும் சேர்த்திருந்தார். இன்னும் சூரிய ஒளி கதாபாத்திரங்களின் மீது உண்டுபண்ணும் சயோகிராஃபியை க்ளோஸப் காட்சிகளில் மிகவும் ரசித்தேன்,ஹாட்ஸ் ஆஃப் வேல்ராஜ்.

பொல்லாதவனுக்கு அடுத்து மூன்று வருடம் தீஸிஸ் செய்து அதிரடியாய் மீள் நுழைந்து சதம் அடித்த வெற்றிமாறனுக்கு வாழ்த்துக்கள், நன்றிகள். இவரின் பேட்டி த சண்டே இந்தியனில் வெளிவந்ததை என் நண்பர் மின்னஞ்சலில் அனுப்பியிருந்தார். மிக முக்கியமான பேட்டி அது!!!! ஆகவே உங்களுக்கும் அதைப் பகிர்கிறேன். படிக்கவும்.

=====================0000=========================

இயக்குனர் வெற்றி மாறனின் பேட்டி

"என் மனோநிலையைப் பொறுத்து என் ஹீரோவை வடிவமைக்கிறேன்"
ஆடுகளத்தில் வெற்றிகரமாக ஆடிமுடித்த உற்சாகத்துடன் பேசுகிறார் இயக்குநர் வெற்றிமாறன். பாலுமகேந்திராவின் மாணவர். காற்றில் கதைகளைத் தேடாமல் மக்களின் வாழ்க்கையில் கண்டடையும் இயக்குநராக பரிணமித்திருக்கிறார். சர்வதேசப் படங்கள், இலக்கியம், எழுத்து என தனது ஈடுபாடுகள் குறித்து த சன்டே இந்தியனிடம் பேசும்போது பகிர்ந்துகொண்டார்.

நீங்கள் எப்படி சினிமாவுக்கு வந்தீர்கள். உங்களுடைய பின்னணி என்ன?

என்னுடைய அப்பா சித்திரவேல், கால்நடை மருத்துவ ஆராய்ச்சியாளர். அம்மா மேகலா சித்திரவேல், எழுத்தாளர். அக்கா டாக்டர். எனக்கு பதினைந்து வயதிலேயே சினிமா மீதான ஆர்வம் வந்துவிட்டது. ஆனால் அதை வெளிப்படுத்துகிற துணிச்சல் மட்டும் இல்லாமல் இருந்தேன். பள்ளிப்படிப்பை முடித்து லயோலா கல்லூரியில் சேரும்போதுதான், அதற்கான தருணம் வாய்த்தது. அந்த தைரியத்தை பேராசிரியர் ராஜநாயகம் கொடுத்தார். 'சினிமாதான் உன் எதிர்காலம் என்று நினைத்தால் அதில் ஈடுபடு' என்று உற்சாகமாகப் பேசினார். இந்தப் பயணத்திற்கு அவர்தான் தொடக்கம். அவரே என்னை இயக்குனர் பாலுமகேந்திராவிடம் உதவி இயக்குநராகவும் சேர்த்துவிட்டார். 1997 முதல் 2005 அதுவொரு கனாக் காலம் வரை அவரிடம் பணியாற்றினேன். 2004 ஆகஸ்டில் தனுஷ் படம் செய்யலாம் என்று சொன்னார். பொல்லாதவன் வெளியான ஆண்டு 2007 நவம்பர். வாழ்க்கையிலும் காத்திருத்தல் என்பது தொடர்ந்துவந்த சங்கடமாக இருந்தது. ஏழு ஆண்டுகள் காதலித்தேன். ஒரு படம் இயக்கிவிட்டு திருமணம் செய்துகொள்ளலாம் என்று காத்திருந்தேன். ஆனால் பையன் படம் பண்ணப் போகிறான் என்று வீட்டில் திருமண தேதியெல்லாம் குறித்துவிட்டார். படம் தள்ளிப்போனது, திருமணம் மட்டும் நடந்தது.

பாலுமகேந்திராவிடமிருந்து என்ன கற்றுக் கொண்டீர்கள். அவருடைய பாணியிலிருந்து எப்படி மாறுபடுகிறீர்கள்?

எங்களிடம் இருப்பது பாலுமகேந்திரா கற்றுக்கொடுத்த சினிமாதான். ஆனால் அதை எங்களுடைய எண்ணத்தில் எடுத்துக் கொண்டிருக்கிறோம். அவரிடமிருந்து வேறுபடவேண்டும் என்பதற்காகவே எந்த சினிமாவையும் எடுக்கவில்லை. அப்பாவும் நாமும் ஒன்றுதான் என்றாலும் ரேகைகள் வேறுபடுகின்றனவே. நமக்கு என்ன வருமோ அதுதான் பிரதிபலிக்கும். வளர்ப்புமுறை, சிறுபிராயத்தில் பார்த்த சினிமாக்கள், உள் மனம் எல்லாமும் சினிமா மொழியை, நாம் இயக்கும் படத்தின் உள்ளடக்கத்தைத் தீர்மானிக்கின்றன. அவருடைய உயரத்துக்கு வர முடியாது. சின்ன அளவில்தான் அவரை நாங்கள் பின்தொடர்கிறோம். நம்முடைய இயல்பு என்னவோ அதுதான் படத்தில் கதையாக வருகிறது.

தனுஷூடன் சேர்ந்தே இரண்டு படங்களை செய்துள்ளீர்கள். இருவரும் சேர்ந்தே நல்ல வளர்ச்சியை அடைந்துள்ளீர்கள். ஒரு இயக்குனராக தனுஷை எப்படி பார்க்கிறீர்கள்?

அதுவொரு கனாக் காலம் படத்திலிருந்து தனுஷூடன் பழக்கமுண்டு. அவர் ஒரு டைரக்டர் ஆர்டிஸ்ட். ஒவ்வொரு காட்சியையும் நன்கு புரிந்துகொண்டு நடிப்பார். எல்லா படங்களிலும் அவர் கற்றுக்கொண்டே போய்க்கொண்டிருக்கிறார். ஒரு இயக்குனர் சொல்வதை மட்டும் கேட்பது பெரிய விஷயமில்லை. ஆனால் நமக்கு என்ன தேவையோ, ஸ்கிரிப்ட்டுக்கு என்ன தேவையோ அதை மட்டுமே அவர் தருவார். ஒரு மில்லி மீட்டர் அளவுகூட ஸ்டார் என்பதை எந்த காட்சியிலும் வெளிப்படுத்த மாட்டார். இப்படி செய்துகொள்ளலாமா என்றும் கேட்டு காட்சிக்கு மெருகு சேர்ப்பதில் ஆர்வமாக இருப்பார். என்னுடைய மனோநிலை, உடலமைப்பு ஆகியவற்றைப் பொறுத்து என்னுடைய ஹீரோவை வடிவமைக்கிறேன். 72 மணி நேரம் நான் தூங்காமல் வேலை பார்த்துக்கொண்டே இருப்பேன். எனவே எனது படங்களில் தூங்குவது போன்ற காட்சிகளை வைக்கமாட்டேன். என்னால் இரண்டுபேரை அடிக்க முடியும். அதுக்குமேலே முடியாது என்றால் என் ஹீரோவும் அப்படித்தான். தனுஷை மனதில் வைத்துக்கொண்டுதான் கதைகளை எழுதுகிறேன். இதுவரை 5 ஸ்கிரிப்டுகள் எழுதி, 2 படங்களைத்தான் எடுத்திருக்கிறேன். வேறொருவரை வைத்து எழுத எனக்கே பயிற்சி வேண்டும். ஆடுகளம் படத்தில் பட காட்சிகளில் வெறுமனே நிற்பார்; சும்மா உட்கார்ந்திருப்பார். படம் வெளிவந்ததும் யாரைப் பற்றிப் பேசுவார்கள் என்று அவருக்குத் தெரியும்.

கமர்ஷியல் பார்முலாக்களிலிருந்து விலகி தமிழ் சினிமா, தமிழ் வாழ்க்கையை சற்று நெருக்கமாகப் பார்க்கத் தொடங்கியுள்ளது. இந்தப் போக்கு குறித்த உங்கள் கருத்தை சொல்லுங்கள்?

தமிழர்களின் அடையாளங்களை தமிழ் வாழ்வியலை கூர்ந்துப் பார்த்து படங்கள் எடுப்பது புதியதல்ல. பல ஆண்டுகளாக நடந்து வருகிறது. ஆனால் சமீபத்தில் நமக்குக் கிடைக்கத் தொடங்கிய சர்வதேசப் படங்களின் பரவலான அறிமுகம் நம்முடைய அடையாளங்களைத் தேடவைத்திருக்கிறது. அது 2002 வாக்கில் நிகழ்ந்தது. இப்படி டிவிடிக்களை மக்களிடம் ஜனநாயகப்படுத்திய பர்மா பஜார் வியாபாரிகளுக்கு ஒரு படத்தை அர்ப்பணிக்கலாம் என்று நினைத்திருக்கிறேன். சில படங்களை படவிழாக்களில்தான் பார்க்கமுடியும். அவர்கள் அதையெல்லாம் எளிதாக்கிவிட்டார்கள்.
எந்த அளவு துல்லியமாக நம் மண்ணின் அடையாளங்களைச் சொல்கிறோமோ, அந்த அளவு அது சர்வதேச எல்லையைத் தொடும். சர்வதேசப் படங்கள் உள்ளே வரும்போது தன்னுடைய மண்சார்ந்த அடையாளங்களை தக்கவைத்துக்கொள்ளும் நோக்கம் அதிகரிக்கிறது. என் முதல் படத்தில் சென்னை வாழ்க்கையைச் சொன்னேன். அதைவிட சேவல் சண்டையின் மிகப்பெரிய பதிவாக ஆடுகளம் இருப்பதால், ஒரு சமூகத்தின் வாழ்க்கையைச் சொன்ன திருப்தி இருக்கிறது. ஆடுகளம் படத்திற்கு Ôஅமரோஸ் பரோஸ்Õ என்ற படம்தான் ஆரம்பப்புள்ளியாக இருந்தது. அதில் ஒரு நாய்ச்சண்டையின் ஊடே பல விஷயங்கள் சொல்லப்பட்டிருக்கும். சர்வதேசப் படங்களைத் திறந்துவிட்டதுதான் நம்முடைய வேர்களை நோக்கி பயணிக்கத் தூண்டுதலாக அமைந்தது.
ஒரு சினிமா இயக்குனர் என்பதற்கான உங்களது தனிப்பட்ட இலக்கணம் என்ன?
ஓர் உண்மையைச் சொல்வதென்றால் ஆக்ஷன், கட் சொல்வதால் மட்டும் இயக்குநராகி விடமுடியாது. ஒரு முழுமையான விழிப்புணர்ச்சியுள்ள நிலையை அடைந்து, ஒரு நல்ல படத்தை எடுத்துவிடுவேன் என்ற நம்பிக்கையில்தான் ஓடிக்கொண்டிருக்கிறோம். அதற்கான ஒரு பயணத்தில் இருப்பதாகவே உணர்கிறேன். பொல்லாதவன் படத்தில் பணியாற்றிய படக்குழுவினரை ஆடுகளம் படத்தின் மூலம் ஒரு படிமேலே உயர்த்தி வைத்திருக்கிறேன். அந்த வகையில் நாங்கள் எல்லோரும் ஒரு வளர்ச்சியைக் கண்டிருக்கிறோம்.
வாசிப்பு அனுபவம் சினிமாவுக்கு எப்படி உதவுகிறது?
இருபத்தைந்து வயதில் ஸ்கிரிப்ட் எழுதத் தொடங்கிவிட்டேன். ஒரு சராசரி வாழ்க்கையை வாழ முயற்சித்தாலும் சில நேரங்களில் அது இயலாமல் போய்விடுகிறது. ஒரு முப்பது ஆண்டு அனுபவத்தை வைத்துக்கொண்டு, அடுத்த முப்பது ஆண்டுகளுக்கு எப்படி கதைகள் எழுத முடியும். இரண்டு, புத்தகங்கள் என் மனப்போக்கை மாற்றியமைத்தன என்று சொல்லலாம். மங்கோலிய நாடோடிகளின் வாழ்க்கையைச் சொன்ன ஜியாங் ராங்கின் 'உல்ஃப் டோட்டம்'என்ற 600 பக்க நாவல், இருபது ஆண்டுகால வாழ்க்கையை சாறாகக் கொடுத்தது. அந்த எழுத்தாளரின் பல ஆண்டு அனுபவங்களை பத்து நாட்களில் புரிந்துகொள்கிறோம். மாணவப் பருவத்தில் படித்த அலெக்ஸ் ஹேலியின் Ôரூட்ஸ்Õ என்ற நாவல். என் வாழ்க்கையை ரூட்ஸ¨க்கு முன் பின் என்று பிரித்துக் கொள்ளலாம். ஓர் ஆப்பிரிக்க குடும்பத்தின் ஏழு தலைமுறையினரின் வலியைச் சொன்ன நூல் அது. ஒரு மனிதன் சக மனிதனை எந்த அளவுக்கு கொடுமைப்படுத்துகிறான் என்பது புரிந்தது. புத்தகங்கள்தான் உலகத்தைப் பற்றிய முழுமையை நமக்குக் கொடுக்கின்றன. சினிமாக்கள் ஒரு மனிதனின் வாழ்க்கையை மாற்றுவதில்லை. நல்ல புத்தகங்கள்தான் அதைச் செய்கின்றன. நாங்கள் ஒரு கதையை வெளிப்படுத்தும் கட்டாயத்தில் இருப்பதால், சுவைக்காக படிப்பதற்குப் பதிலாக உள்ளடக்கத்திற்காக படிக்கும் கட்டாயம் வந்துவிட்டது.

உங்களுக்குப் பிடித்த சர்வதேச, இந்திய, தமிழ், இயக்குனர்களைப் பற்றிச் சொல்லுங்கள்?

அகிரோ குரோசவா, அலெக்சாண்டர் கொன்சாலஸ் இனாரிட்டு, தமிழில் பாலுமகேந்திரா, மணிரத்னம்.
தமிழ் சினிமாவின் வணிகக்கூறுகளை தக்க வைத்துக்கொண்டே இயல்பான ஒரு கதையைச் சொல்கிறீர்கள். அதுதான் உங்கள் பாணியா?
ஒரு படத்திற்கு 10 கோடி ரூபாய் முதலீடு செய்கிற தயாரிப்பாளர், முதலில் அது கிடைக்கவேண்டும் என்றுதான் நினைப்பார். அதுவும் கிடைக்காவிட்டால் தொடர்ந்து படங்கள் செய்ய முடியாது. அது நிறைவேற வேண்டும். வேறெதையும்விட சினிமா என்ற கலையில் மட்டும்தான் அறிவியலும் வணிகமும் சேர்ந்திருக்கிறது. மினிமம் கேரண்டி இல்லாவிட்டால் எப்படி அடுத்த படத்தை எடுக்க முடியும். அதற்கு உத்தரவாதம் கிடைத்துவிட்டால், நாம் என்ன நினைக்கிறோமோ அதை செய்துகொள்ளமுடியும். எனக்கு இரண்டு படவாய்ப்புகளும் அப்படித்தான் அமைந்தன. என் விருப்பங்களுக்கு குறுக்கீடாக யாருமே நிற்கவில்லை. பொல்லாதவன் படத்தில் ஒரு காமெடி காட்சியை மட்டும் விருப்பமில்லாமல் வைத்தேன்.

வஐச ஜெயபாலனை எப்படி தேர்ந்தெடுத்தீர்கள்?

எங்களுடன் பணியாற்றிய உதவி இயக்குநர் ஹசீன்தான், கவிஞர் வஐச ஜெயபாலனை அறிமுகப்படுத்தினார். 'ஒருமுறை அவரைப் பாருங்கள். நாம் தேடுகிற கதாபாத்திரத்திற்கு அவர் சரியாக இருப்பார்' என்று சொன்னார். அவரைப் பார்த்ததும் ரொம்பவும் பிடித்துவிட்டது. நடிக்கிறீர்களா என்று கேட்டேன். உடனே சரி என்றார். பேட்டைக்காரராக உருவாக்கிவிட்டோம்.

உங்களுடைய அடுத்த ஆடுகளம் என்ன?

இன்னும் தீர்மானிக்கவில்லை. கிளவுட் நைன் நிறுவனத்திற்காக அடுத்த படத்தை இயக்குகிறேன். என்மீதான எதிர்பார்ப்புகள் அதிகரித்திருப்பதால், ஏற்கெனவே எழுதிவைத்திருந்த கதைக்களனை மாற்றலாம் என்றிருக்கிறேன்.

சுந்தரபுத்தன்
நன்றி: http://geethappriyan.blogspot.com

கணவன் மனைவி இருவரும் உழைக்கும் குடும்பத்தில் நன்மைகள் பிரச்சனைகள்

2011-01-27T19:27:00.007+01:00

கலாநிதி பவித்ரா கைலாசபதி

கைலாசபதி நினைவுப் பேருரை

இலங்கை இலக்கிய, விமர்சன, முற்போக்கு அணி ஆகியவற்றில் என்றும் மறக்க முடியாத தடங்களை விட்டுச் சென்றவர் பேராசிரியர் கைலாசபதி ஆகும். அவரது நினைவாக, நினைவுப் பேருரைகளை வருடா வருடம் கைலாசபதி நினைவுக் குழு மற்றும் இலங்கை முற்போக்கு கலை இலக்கிய மன்றம் நடாத்தி வருகின்றனர்..

இவ்வருட கைலாசபதி நினைவுப் பேருரையைச் செய்தவர், கொழும்பு பல்கலைக் கழகத்தில் விரிவுரையாளராகக் கடமையாற்றும் அவரது மகளான கலாநிதி பவித்ரா கைலாசபதி ஆகும்.

பேராசிரியர் சபா ஜெயராசா தலைமை வகித்தார். அவர் தனது தலைமையுரையில் பேராசிரியர் க.கைலாசபதி யாழ் பல்கலைக்கழகத்தில் பேராசிரியராகவும், துணைவேந்தராகவும் கடமையாற்றிய காலத்தில் ஆற்றிய பெரும் பணிகளை நினைவு கூர்ந்தார்.

இன்று பல்கலைக்கழகங்களின் தர மேம்பாடு பற்றிப் பேசப்படுகிறது. ஆயினும் பேராசிரியர் கைலாசபதிபணியாற்றிய காலங்களில் யாழ் பல்கலைக்கழகம் உயர்தரத்தில் இருந்தது என்றார். அத்துடன் ராமநாதன் நுண்கலைக் கல்லூரியாக இருந்ததை யாழ் பல்கலைக்கழகத்துடன் இணைத்தது மிகப் பெரிய சேவையாகும். இன்று பலர் B Fine arts பட்டம் பெற்று இருக்கிறார்கள் எனில் அதற்கு அத்திவாரம் இட்டவர் அவரே ஆவர் என்றார்.

தான் அதன் தலமைப் பொறுப்பை ஏற்றிருந்த காலங்களில் இவை தொடர்பான பல்கலைக் கழக ஆவணங்களைப் பார்த்த போது ராமநாதன் நுண்கலைக் கல்லூரியை தரம் உயர்த்துவதற்கு அவர் எடுத்த முயற்சிகள் தெரிய வந்தது என்றார்.

இன்று யாழ்பல்கலைக்கழக நூலகம் தென்கிழக்கு ஆசியாவிலேயே சிறந்த நூலகம் எனப் போற்றப்படுகிறது. இதற்கும் முக்கிய பங்கு வழி வகுத்தவர் அவர்தான்.

முக்கியமாக மாற்றுவழிச் சிந்தனையுள்ள நூல்களை அதற்குக் கொண்டு வந்தார். உளவியல் என்பது தனிமனிதம் பற்றிய விடயமாக இருந்த போது அதற்கு சமூக வலுக் கொடுக்கும் சகத்தியாக மார்க்சிய உளவியல் வந்தது. மார்க்சிய உளவியல் தொடர்பான நூல்களை யாழ்பல்கலைக்கழக நூலகத்திற்கு கொண்டுவர வழி வகுத்தார்.

தனிப்பட்ட ரீதியில் தான் பணம் கொடுத்து வாங்கிய நூல்கள் பலவற்றைத் தான் படித்து முடித்த பின்னர் யாழ்பல்கலைக்கழக நூலகத்திற்கு அன்பளிப்பு செய்வது அவரது வழக்கமாக இருந்தது என்றார். மிக வித்தியாசமான முறையில் இயங்கி தமிழில் ஆழ்ந்த பற்றும் அதன் வளர்ச்சியில் பங்காளியாகவும் இருந்து அழியாத சுவடுகளைப் பதித்தவர் பேராசிரியர் கைலாசபதி என விதந்து போற்றினார்.

நினைவுப் பேருரை ஆற்ற வந்த செல்வி பவித்ரா கைலாசபதி பற்றிக் குறிப்பிடும் போது மனித வள அபிவிருத்தி (Human resource development - HRD)துறையில் புலமையாளர் எம் மத்தயில் மிகக் குறைவு. இவர் அத்துறையில் கலாநிதிப் பட்டம் பெற்றவராவார்.கொழும்பு பல்கலைக் கழகத்தில் செல்வாக்குப் பெற்ற விரிவுரையாளராக இருக்கிறார்.

கலாநிதி பவித்ரா கைலாசபதி 'இலங்கையின் மனித வள அபிவிருத்தி :- இரு உழைப்பாளி குடும்பம் பற்றிய கண்ணோட்டம்' என்ற பொருளில் நினைவுப் பேருரையை ஆற்றினார்.

இலாப நோக்குள்ள நிறுவனங்கள் மட்டுமின்றி சேவை நிறுவனங்கள், அரச நிறுவனம் போன்ற அனைத்திற்கும் அவற்றின் செயற்பாட்டிற்கு மனித வளம் அவசியம்.

தொழிலில் வெற்றி பெற்றோருக்கு மனிதவளத்தின் முக்கியத்துவம் புரியும். அதனால்தான் முன்னாள் தொழிலதிபரான கென் பாலேந்திராவிடம் உங்கள் நிறுவனத்தின் வெற்றிக்கு காரணம் யார் என்று கேட்டபோது "மூன்று காரணங்கள் உள்ளன. முதலாவது காரணம் மக்கள், இரண்டாவது காரணம் மக்கள், மூன்றாவது காரணம் மக்கள்" என்றார். மக்கள் என அவர் குறிப்பிட்டது தனது நிறுவனங்களில் பணிபுரியும் மனித வளத்தையே ஆகும்.

அதே போல மைக்கிரோ சொப்ட் நிறுவன பில் கேட்சிடம் கேட்ட போது அவர் கூறினார் "Greatest asset is the people who out of the building daily after their work" அவர் குறிப்பிட்டது தனது நிறுவன ஊழியர்களான மனித வளத்தையே.

மனிதனானவன் தன் மீது கவனிப்பு இருக்கும் போது அவனது செயலூக்கமும் உற்பத்தி திறனும் அதிகரிக்கிறது. Hawthorne Effect ஆளணி முகாமைத்துவத்தில் கவனிப்புப் பெறுகிறது. மனிதனை இயந்திரமாகக் கணியாது உணர்வுள்ள மனிதனாக மதிக்கும்போது தொழில் திறன் அதிகரிக்கிறது.

அரசுகளும் வேலை நேரக் கட்டுப்பாடு, ஓய்வு நேரம், மகப் பேற்று லீவு, போன்ற பலவற்றையும் சட்டங்கள் மூலம் அங்கீகரித்துள்ளன. இவை யாவும் மனித வளத்தை சரியான முறையில் முகாமைப்படுத்துவதற்கான நடவடிக்கைகளே என்றார்.

தொடர்ந்து பேருரையின் முக்கிய பகுதியான இரு உழைப்பாளி குடும்பம் பற்றிய பகுதி சுவார்சமானது. இன்று குடும்பங்களில் கணவன், மனைவி என இருவர் உழைப்பாளிகளாக வேண்டிய நிலை ஏற்பட்டுள்ளது.

இருவர் தொழில் செய்ய வேண்டிய நிலைக்கான காரணங்கள் என்ன?

1)பெண் கல்வி விருத்தியடைந்ததால் கல்வி கற்ற பெண்கள் தொழிலுக்கு செல்ல வேண்டிய நிலை ஏற்பட்டது.
2)இன்றைய வாழ்வுக்கு அதிக பொருளாதாரம் தேவை. இதனால் ஒருவர் உழைப்பது போதாது. இருவரும் உழைக்க வேணடியது அவசியமாயிற்று.
ஆயினும் இதனால் பல புதிய பிரச்சனைகளுக்கு முகம் கொடுக்க வேண்டியது அவசியமாயிற்று.

1)இருவரும் வேலைக்கு செல்வதால் குடும்ப வேலைககளைச் செய்வதற்கு நேரம் குறைந்து விட்டது. 8 மணி நேர வேலை, போக்குவரத்து நேரம், தூக்கம் போக குறைந்தளவு நேரமே வீட்டு வேலைகளுக்கு ஒதுக்க முடிகிறது.

2)அதிலும் குழந்தைகள் உள்ள குடும்பம் எனில் வீட்டு வேலையின் கனம் அதிகரிக்கிறது. பாடசாலைக்கு கூட்டிச் செல்லல், பாடம் சொல்லிக் கொடுத்தல், அவர்களுக்கு துணையாக இருப்பது, அவர்கள் நலனைக் கவனிப்பது எனப் பல

3)இதனால் கணவன் மனைவி ஆகிய இருவரும் வீட்டு வேலைகளில் ஈடுபட வேண்டிய அவசியம் நேருகிறது. ஆயினும் பெரும்பாலான வீட்டு வேலைகள் பெண்கள் தலையிலேயே விழுகிறது.

4)சமையல், துணி துவைத்தல், குழந்தை பராமரிப்பு, வீடு கூட்டுதல் போன்ற பலவும் அவளின் பணியாக இருக்கிறது. இருவரும் வேலையால் வீடு வந்ததும் கணவன் ரீவீ அல்லது கணனி முன் உட்கார அவளே தேநீர் தயாரிப்பு முதல் அனைத்து வேலைகளிலும் ஈடுபட நேர்கிறது. கணவனுக்கு வீட்டில் சில திருத்த வேலைகள், தண்ணீர் கரண்ட் பில் கட்டுதல், வாகனப் பராமரிப்பு என சிலவே இருக்கின்றன.

5)பாலியல் ரீதியான வேறுபாடு ஏற்படுகிறது. அதிக சுமை பெண் தலையிலேயே.

6)அதனால் கணவன் மனைவி இடையே பிரச்சனைகள் ஏற்படுகின்றன.

7)கலியாணம், மரணச் சடங்கு போன்ற பல சமூகக் கடன்களை நிறைவேற்றுதில் சிரமம் ஏற்படுகிறது.

8)அதிருப்தி நிலை தேன்றுகிறது.

9)போதைப் பொருள் பாவனை, மன அழுத்தம், மனச் சோர்வு போன்றவற்றிக்கு இட்டுச் செல்கிறது.

10)வேலையில் அதிருப்பதி ஏற்பட்டால் திடீரென வேலைக்குச் செல்லாமை, அடிக்கடி லீவு எடுப்பது போன்ற சிக்கல்கள் தோன்றுகினறன.

11)பாலியல் பாத்திரம் தொடர்பான நம்பிக்கையீனம் ஏற்படலாம்.

கொழும்பு பல்கலைக் கழக Business administration Cource தொடர்பான ஆய்வில் பட்டப் படிப்பிற்கான நிலையில் (under graduate level) பெண்களே அதிகளவில் கற்க வந்தார்கள். ஆனால் பட்ட மேற்படிப்பு (Post Graduate level) என வரும்போது மிகக் குறைந்தளவு பெண்களே தோற்றினார்கள்.

காரணம் வெளிப்படையானது. பெண்கள் வேலைக்குப் போனாலும் தமது தொழிலில் தம்மை மேம்படுத்த கல்வி கற்க முடியாத சூழலே நிலவுகிறது. ஏனெனில் இத்தகைய பட்ட மேற்படிப்புகள் பொதுவாக வார இறுதி நாட்களிலேயே நடைபெறுகின்றன. வீட்டு வேலைகளுக்கு அப்பால் தமது மேற் படிப்பிற்கு பெண்களால் நேரம் ஒதுக்க முடியாது உள்ளது.

பெருந்தோட்ட துறையில் செய்யப்பட்ட மற்றொரு ஆய்வில் குழந்தை பராமரிப்பு நிலையங்கள் உள்ள தோட்டங்களில் பெண்கள் வேலைக்கு வராமல் இருப்பது குறைவு என்பது தெரிய வந்தது. ஏனெனில் குழந்தை பராமரிப்பின் ஒரு பகுதியை அத்தகைய நிலையங்கள் பொறுப்பேற்றதால் அவளால் தனது வேலையில் கூடியளவு ஈடுபட முடிந்தது.

எவ்வாறு உதவலாம்

இருவரும் தொழில் செய்ய நேரும்போது ஏற்படும் சிக்கல்களைத் தவிர்க்க என்ன செய்யலாம்?

1)கணவன் மனைவி இடையே நெருங்கிய உறவின் மூலம் பல பிரச்சனைகளதைத் தீர்க்கலாம். முக்கியமாக வேலையால், கணவன் மனைவிக்கு ஏற்படக் கூடிய பிரச்சனைகள் பற்றி வெளிப்படையாக அவளிடம் கேட்டறிந்து உதவி செய்யலாம். உதாரணமாக பாத்திரம் கழுவுதல் வீடு கூட்டுதல் போன்று சில பணிகளையாவது தான் செய்து கொடுத்து அவளது வேலைப் பளுவைக் குறைக்க உதவுவது அவசியம்.

2)திருமணப் பொருத்தம் பார்க்கும்போது சாத்திரப் பொருத்தம் தேவையில்லை. கருத்தியல் (Ideology) பொருத்தம் எப்படி என்பதைப் பார்க்க வேண்டும். அவர்களிடம் புரிந்துணர்வு இருக்க வேண்டும். அதாவது குடும்ப வாழ்வில் கணவன் மனைவியின் பங்குகள் பற்றி திறந்த மனப்பான்மை உள்ள கணவன் விரும்பத்தக்கது.

3)பெற்றோரின் உதவி. கணவன் அல்லது மனைவியின் பெற்றோர் கூட இருந்தால் குழந்தை பராமரிப்பு, வீட்டு வேலைகள் ஆகியவற்றில் இருவரும் உழைக்கும் குடும்பத்தின் சுமுகமான நடப்பிற்கு உதவும். ஒரு ஆய்வின்போது இத்தகைய குடும்பங்களில் 75% பெற்றோர் கூட இருப்பது நன்மையளித்ததாகத் தெரிகிறது.

4)குழந்தை பராமரிப்பு நிலையங்கள். இது இருந்தால் பெற்றோர்கள் தமது குழந்தைகளின் பொறுப்பை அங்கு விட்டுவிட்டு நிம்மதியாக தொழில் செய்ய முடியும்.

5)நெகிழ்வு நேரம். குறிப்பிட்ட நேரத்தில் வேலைக்குப் போய் குறிப்பட்ட நேரத்தில் திரும்ப வேண்டும் என இல்லாமல் நெகிழ்வு நேரம் உதவும். உதாரணமாக ஒரு மணி நேரம் தாமதமாகப் போய் மாலையில் ஒரு மணிநேரம் கூடுதலாக வேலை செய்வதின் மூலம் உதவலாம்.

6)கூடுதலான நேரம் வேலை செய்பவர்தான் உண்மையான ஊழியர் என்ற எண்ணம் பல மேலதிகாரிகளுக்கு இருக்கிறது.ஆயினும் குறைந்த நேரத்தில் அவ்வேலையை நிறைவு செய்து விட்டு மிகுதி நேரத்தை குடும்பத்துடன் செலவளிக்க உதவலாம். இதன் மூலம் அவர்களின் பணித் திறனை அதிகரிக்கவும் முடியும்.

7)சாதகமான சட்டங்கள். உதாரணமாக maternity leave, Paternity leave, Family leave போன்றவை உதவும்

8)பகுதி நேர வேலை. பெண்களால் முழு நேர வேலைக்குப் போக முடியாத நிலையில் அவர்களுக்கு பகுதி நேர வேலை கொடுப்பதன் மூலம் வேலைக்குப் போகும் மனநிறைவைக் கொடுப்பதுடன் குடும்பத்தைக் கவனிக்கவும் முடியும்.

9)அவுஸ்திரேலியாவில் பல இவ்விடயத்தில் பல முற்போக்கான நடைமுறைகள் உள்ளன. பிள்ளைகள் பராமரிப்பு நிலையங்கள் ஆரம்பிப்பதற்கு நிதியுதவியை அரசாங்கம் செய்கிறது. ஊக்கப்படுத்துகிறது. அத்துடன் அவற்றின் செயற்பாடுகள் பற்றி கண்காணிப்பு செய்யப்படுகிறது. இதனால் அங்கு அதிகளவு பெண்கள் வேலைக்குச் செல்லக் கூடியதாக இருக்கிறது.

இறுதியாக கலாநிதி பவித்ரா கைலாசபதி இந்த நினைவுப்பேருரை பற்றிக் குறிப்பிடும்போது தான் இதில் பேசுவதற்குக் கிடைத்த சந்தர்ப்பத்தையிட்டு மிகவும் மகிழ்ச்சியடைவதாகக் கூறினார்.

" உங்கள் எல்லோருக்கும் கைலாசபதி ஒரு நண்பர், தோழர், அல்லது விமர்சகராக இருக்கிறார். ஆனால் அவர் எனக்கு அப்பா. இந்த வகையில் நான் அவரது நினைவுப் பேருரையை செய்யக் கிடைத்த சந்தர்ப்பத்தை மிகவும் பெருமைக்குரிய, மனநிறைவை அளிக்கும் சம்பவமாகக் கருதுகிறேன்"

உள்ளத்தைத் தொடும் இந்தச் சிறுகுறிப்புடன் அவர் தனது உரையை நிறைவு செய்த போது கூட்டத்தில் இருந்த ஒவ்வொருவரும் ஒரு கணம் மன நெகிழ்வுற்றதை உணரக் கூடியதாக இருந்தது. அவரோடான தம் உறவை மீளநினைந்து உறவின் புத்துயிர்ப்பின் ஈர்ப்பில் இருக்கையிலிருந்து எழ மறந்து நினைவுகளில் ஆழ்ந்தனர்.

suvaithacinema.blogspot.com/

ஆஸ்திகர்களிலும் பார்க்க நாஸ்திகர்கள் மேலானவர்கள்

2011-01-25T12:24:00.003+01:00

முன்நாள் நீதியரசர் விக்கினேஸ்வரன்

படத்தில் கிளிக் செய்து பெரிதாக்கிப்படியுங்கள்

போதையின் பிடியில் இளைஞர் சமூகம்

2011-01-16T10:14:00.003+01:00

தற்பொழுது எம்மத்தியில் அண்மையில் சில காலமாக போதைப்பொருட்கள் என அறிந்தும் சிலர் அறியாமலும் சில பகுதி களில் இளைஞர் சமூகம் போதைப்பொருட்கள் பாவனையுடன் சம்பந்தப்பட்டுக் கொண்டிருப்பதாக தகவல்கள் வெளிவந்து கொண்டிருக்கின்றன. இதைக் கேள்வியுறும்போது கவலைப்பட வேண்டிய அதேவேளை, சென்ற காலங்களை விட அண்மைக்காலமாக பெரும்பான்மையான பகுதிகளில் எமது இளைஞர்கள் சிந்தித்துச் செயலாற்றும் சிறந்த புத்திசாலிகளாகப் பல பகுதிகளில் மாறி புகைத்தலையும் போதைப்பொருட்களையும் கைவிட்டு வருவதை அவதானிக்கும்போது ஏனைய புகைபிடிப்போருக்கும் போதைப்பொருட்கள் பாவிப்போருக்கும் சிறந்த பாடமாகவும் முன்மாதிரியாகவும் இருப்பதைப் போற்றாமலும் இருக்க முடியாது.

எனவே, இன்றைய இளைஞர் தினத்தில் அதுபற்றிய ஒரு விளக்கத்தை இங்கு தெளிவு படுத்துவது மிகவும் பொருத்தமாக இருக்கும்.

போதைப்பொருட்கள் பாவனையை அடியோடு இல்லாதொழிக்க வேண்டும். நாம் சிரமப்பட்டு உழைக்கும் பணத்தைப் பிரயோசனமாகப் பாவிக்காமல் விலைகொடுத்து ஏன் நோயை வாங்க வேண்டும்? மாறாக போஷாக்கான உணவுகளைச் சாப்பிட்டு நோயற்ற வாழ்க்கையை வாழ முடியுமே, மாறாக அதனால் ஏற்படும் தேவையற்ற பயங்கரமான நோய்களிலிருந்து எம் சமூகத்தை நாம் பாதுகாத்துக்கொள்ள வேண்டும். அதன் மூலம் தனிப்பட்டவர்களுக்கும் கிராமத்திற்கும் நாட்டிற்கும் அரசுக்கும் ஏற்படும் வீண்செலவுகளைத் தவிர்த்துக் கொள்வதற்கு எம்மால் முடியுமான பூரண ஒத்துழைப்பை நல்குவதற்கு வழிவகுக்க வேண்டும். எனவே, எதிர்கால சந்ததியினருக்கு முன் மாதிரியாக வாழ்ந்து காட்டுவோம். அனைவரும் ஆரோக்கியமான சுகதேகிகளாக வாழ திடசங்கற்பம் கொள்வோம் என நாம் முதற்கண் உறுதி பூண்டுகொள்ள வேண்டும்.

போதைப்பொருட்கள் என்று கூறும்போது ஹெரொயின்,அபின்,கஞ்சா என்பவற்றுடன் கள்,கசிப்பு,விஸ்கி,சாராயம்,பியர்,சிகரட்,

சுருட்டு, புகையிலை,பீடி போன்றவைகளைக் குறிப்பிடலாம்.

விசேடமாக புகையில் இருப்பது"காபன் மொனாக்ஸைட்' என்பதாகும். மேலும் ஒரு சிகரெட் பாவிக்கும்போது அச்சந்தர்ப்பத்தில் ஏற்படும் உஷ்ணத்தின் அளவு 900 செல்சியஸ் ஆகும். இது நீர் கொதிக்கும் உஷ்ணத்தின் அளவாகும் என்றால் எமது உடல் எந்தளவு பாதிப்பிற்கு முகங்கொடுக்கின்றது என்பதைச் சற்றுச் சிந்தித்துப் பார்க்க வேண்டும். அது மாத்திரமல்ல, சிகரெட்டில் 4 ஆயிரம் பதார்த்தங்கள் உண்டு. அதில் நச்சுப்பொருட்கள் (உடலை கொல்லக்கூடிய இரசாயனப் பொருட்கள்) 400 வகைகள் இருப்பதாகவும் கண்டுபிடிக்கப்பட்டுள்ளது. ஏன் நாம் எமது உடலை இவ்வாறு வீணாக அழித்துக்கொள்ள வேண்டும்?

(சர்வதேச புகைபிடிக்கும் தினம் 2009,2010 ஆம் ஆண்டுகளில் வானொலி,தொலைக்காட்சி செய்திகளில் குறிப்பிடப்பட்ட சில முக்கியமான விடயங்களையும் நீங்கள் அவதானித்திருப்பீர்கள். என்றாலும் உங்கள் சிந்தனைக்கு மீண்டும் அவ்விடயங்களைச் சுருக்கமாக இங்கு ஞாபகப்படுத்திக்கொள்ள விரும்புகின்றேன்.)

இலங்கை ரீதியில் நோக்கும்போது

2006 ஆம் ஆண்டிலிருந்து புகைப்பிடிப்போர் தொகை குறைந்து செல்கின்றது. எனினும், புகைத்தலினால் அதிகம் பாதிப்புக்குள்ளானோர் 4,500 பேர். இதில் 50 பேர் உறுதியாக புற்றுநோயாளர்கள் எனக் கண்டுபிடிக்கப்பட்டுள்ளனர். மேலும், எமது நாட்டில் தற்பொழுதும் கூட ஒரு வருடத்திற்கு 20,000 பேர் இறந்து கொண்டும் இருக்கிறார்கள் என்பதும் குறிப்பிடத்தக்க விடயமாகும்.

உலக ரீதியில் நோக்கும்போது

தற்பொழுது 6 இலட்சத்திற்கும் அதிகமானோர் புகை பிடிக்கிறார்கள் எனவும் 3054 இலட்சம்பேர்/100 கோடி பேர் ஒவ்வொரு வருடத்திலும் இறக்கின்றனர்.

22%35% அபிவிருத்தியடைந்த நாடுகளிலுள்ளோர்.

50% அபிவிருத்தியடைந்துவரும் நாடுகளிலுள்ளோர்.

25 கோடி மக்கள் அபிவிருத்தியடைந்துவரும் நாடுகளிலுள்ள பெண்கள் எனவும் அத்துடன், சிறுவர்களில் 1/2 பங்கினர் புகைப்பழக்கத்திற்குள்ளாகின்றனர். 6 செக்கனுக்கு ஒருவர் மரணமடைகின்றனர் என்ற விபரங்களைக் கேள்விப்படும்போது அதிர்ச்சியாகவும் கவலையாகவும் உள்ளதல்லவா? எனவே, இந்நிலைமையை மாற்றியமைக்கும் பொறுப்பும் சக்தியும் இன்றைய இளைஞர்கள் வசமேயுள்ளது என்பதை மனதிற்கொண்டு செயல்படக் கடமைப்பட்டுள்ளனர்.

இவ்வாறான நிலைமைக்கு இளைஞர்களையும் ஏனையவர்களையும் மாற்றியமைக்கும் சக்தி (போதைப் பொருட்கள் பாவனையை ஊக்குவிக்கும் தவறான காரணிகள்) என்ன என்பதை ஆராய்ந்து பார்க்கும்போது கேவலமான பின்வரும் போலிக் காரணங்களேயாகும். இவற்றை மாணவர்களும் வாலிபர்களும் கற்றவர்களும் கற்காதவர்களும் உணர்வதில்லை.எனவே, இந்நிலைமையை தற்பொழுது சமூகத்தின் மத்தியில் மாற்றத்தை ஏற்படுத்திக் கொண்டிருக்கும் இளைஞர்கள்,ஏனையவர்களுக்கும் உணர்த்துவார்கள் என்பதில் சந்தேகமில்லை.

* மகிழ்ச்சி,திருப்தி,உல்லாச உணர்வு ஏற்படுகிறது என நினைத்தல்.

* பிரச்சினைகளை மறக்கலாம் என நினைத்தல்.

* நம்பிக்கை,சண்டித்தனம் ஏற்படுகிறது என ஏற்றுக்கொள்வது.

* களைப்புணர்வு இல்லாமல் போகும் என நினைத்தல்.

* பாலியல் சக்தி அதிகரிக்கும் என ஏற்றுக்கொள்ளல்.

* தனித்துவமாக இருக்கலாம் என நம்புதல்.

* படைப்பாற்றல் அதிகரிக்கும் என நினைத்தல்.

* அழகான கற்பனை உலகில் வாழலாம் எனக் குறிப்பிடல்.

* குளிரில்லாமல் போகின்றது என எண்ணுதல்.

* பசியை ஏற்படுத்துகின்றது என நம்புதல்.

நம்பிக்கையை ஏற்படுத்தக்கூடிய இப்போலியான கருத்துகளை ஏற்றுக்கொள்ளல் மூலம் போதைப்பொருள் பாவனை இனிமையான பயன் உள்ளதென ஏற்றுக்கொண்டு தவறான பாதையில் சென்று கொண்டிருக்கின்றனர்.

எனவே,இவைகளின் உற்பத்தி, சந்தைப்படுத்தல்,எடுத்துச் செல்லல், பாவனை என்பவற்றைக் குறைப்பதற்கு நடவடிக்கையெடுக்கப்படல் வேண்டும். மேலும் புகையிலை பயிர்ச் செய்கையினால் ஏனைய விவசாயப் பயிர்ச் செய்கைகள் பாதிப்படைகின்றன. மேலும், ஏற்படக்கூடிய பாதிப்புகள் என்ன என்பதையும் மக்களுக்குச் சிறந்த முறையில் உணர்த்தப்படல் வேண்டும்.

நோய் ஏற்படல்

கல்லீரலுடன் தொடர்பான சிரோசிஸ் நோய், உயர் குருதியமுக்கம்,இருதய நோய்கள்,சுவாசக் குழாய் தொடர்பான புற்றுநோய், உணவுக்கால்வாயுடன் சம்பந்தப்பட்ட புற்றுநோய் போன்றவைகள் மாத்திரமல்ல, மரணம் சம்பவித்தல், விபத்துகள் ஏற்படுதல், மகிழ்ச்சியை ஏற்படுத்தும் நிலைமைகள் இல்லாமல் போதல், குடும்பத்தில் பிரச்சினை உருவாதல், மனைவி மக்களின் அன்பு,ஆதரவு இல்லாமல்போதல், தமது சொத்துகள் ஏனைய செல்வங்கள் இல்லாமல் போதல், மன வளர்ச்சி தடைப்படுதல் போன்ற விபரங்களுடன் போதைப்பொருட்களின் இரசாயனத்தாக்கமும் விரும்பத்தக்கதல்ல என்ற விபரங்களையும் எடுத்துக் காண்பித்தல் மிகவும் அவசியமாகும்.

குடிப்பாவனை மூலம்

எரிவை ஏற்படுத்துகின்றது,கசப்பானது,நாற்றமுள்ளது,குமட்டக் கூடியது, உடல் பலவீனமாக உணர்வது.

புகைப்பாவனை மூலம்

இருமலை உண்டாக்கக் கூடியது,கண்ணீர் ஏற்படக்கூடியது, நகம்,பற்கள்,மஞ்சள் நிறமாகின்றது,முகத்தில் தோல் சுருக்கம் ஏற்படுகின்றது, உதடுகள் கறுப்பு நிறமாகின்றது, கசப்பானது, நாற்றமுள்ளது.

ஹெரோயின் பாவனை மூலம்

தலைசுற்றல் ஏற்படக்கூடியது, வாந்தி ஏற்படுவது போன்ற உணர்வு ஏற்படுவது,நித்திரை வருவது போன்ற உணர்வு உண்டாவது போன்ற தனக்கே வெறுப்பை ஏற்படுத்தக்கூடிய நிகழ்வுகளை உருவாக்குகின்றன என்ற கருத்துகளையும் ஒரேயொரு சிகரெட் செய்யும் பாதிப்பு என்னவென்பதையும் எடுத்துச் சொல்வது அவசிய தேவையாக இருக்கின்றது. அதாவது சுவாசப்பையினுள் விஷக்காற்றின் அளவு பொறுத்துக்கொள்ள முடியாதளவுக்கு அதிகரிக்கச் செய்யும். அப்பொழுது இரத்தம் சரியான முறையில் சுத்திகரிக்கப்படுவதில்லை. நாடி ஓட்டம் ஒரு நிமிடத்திற்கு 21 முறை அதிகரிக்கப்படுகின்றது. அதனால் உங்களை மிக விரைவில் இருதய நோயாளராக ஆக்கிக்கொள்கின்றீர்கள். உடம்பின் உஷ்ணநிலை 5 பாகை பரனைட் (94.45=89.4) குறைவடைந்து விடும். இதனால் பல்வேறு நோய்களை ஏற்படுத்தும். பக்றீரியா,வைரஸ் கிருமிகளும் இலகுவாக உடம்பினுள் செல்வதற்கு சந்தர்ப்பம் கிடைக்கின்றது.

அதுமாத்திரமல்ல, குடும்ப வருமானத்தின் தாக்கத்தைப் பற்றிச் சிந்தித்துப் பார்க்கும்போது புகைக்கும் அல்லது மதுவருந்தும் பழக்கமுள்ள ஒருவர் இருக்கும் குடும்பத்தில் ஏற்படக்கூடிய வீண்செலவுகள் பற்றிப் பின்வருமாறு மதிப்பிடப்படுகின்றன. (அண்ணளவாக)

1 நாளைக்கு 5 சிகரெட்களுக்கு 20/=து5 =100/=

1 நாளைக்கு மது அருந்துவதற்கு =250/=

1 நாளைக்கு சிகரெட் மற்றும் மதுவுக்கு =350/=

1 மாதத்திற்கு சிகரெட் மற்றும் மதுவுக்கும் 350/= து30 =10,500/=

1 வருடத்திற்கு சிகரெட் மற்றும் மதுவுக்கு 10,500/= து 12 = 1,26,000/= ஆகும்.

எனவே, ஒரு வீட்டிலிருந்து ஒரு வருடத்திற்கு சிகரெட்டுக்கும் மதுவுக்கும் விரயமாகும் தொகை 1,26,000 ரூபாவாகின்றது. அவ்வாறே ஒரு கிராமியப் பொருளாதாரத்தின் மீதுள்ள தாக்கம் வீண்விரயம் (அண்ணளவாக200 குடும்பங்கள் இருப்பின்)

1 நாளைக்கு 5 சிகரெட்டுகளுக்கு 20/= து 5 =100/=

1 நாளைக்கு மது அருந்துவதற்கு 250/=

1 நாளைக்கு ஒரு வீட்டிலிருந்து 350/=

1 மாதத்திற்கு ஒரு வீட்டிலிருந்து (350து30) =10,500/=

1 மாதத்திற்கு 200 வீடுகளிலிருந்து (10,500/= து 200/=)= 21,00,000/=

1 வருடத்திற்கு 200 வீடுகளிலிருந்து (21,00,000/=து 12)= 2,52,00,000/= ரூபாவாகும்.

எனவே, 200 வீடுகளிலிருந்து ஒரு வருடத்திற்கு சிகரெட்டுக்கும் மதுவுக்கும் மாத்திரம் விரயமாகும் தொகை 2,5200000/= ஆகும் என்றால் இந்த வீண்விரயங்கள் மூலம் தனிப்பட்ட குடும்பத்தினருக்கும் கிராமத்திற்கும் நாட்டிற்கும் அரசுக்கும் ஏற்படுகின்ற வீண்விரயம் என்பதை மக்கள் விளங்கிக்கொள்ள வேண்டும். நாம் விளங்கப்படுத்த வேண்டும். இப்பணத்திற்கு தனது குடும்பத்திலுள்ள எத்தனை பிரச்சினைகளைக் குறைத்துக் கொள்ளலாம்? அவ்வாறே தமது கிராமத்திலுள்ள எத்தனை அபிவிருத்தி வேலைகளைச் செய்யலாம்? அதேபோன்று எமது நாட்டின் எத்தனை குறைகளை நிவர்த்தி செய்யலாம்? மாறாக எமது பணத்தை வெளிநாடொன்றுக்கு ஏன் அனுப்ப வேண்டும்? இதுபற்றி எம் நாட்டில் வாழும் பொருத்தமற்ற இவ்வாறான வேலைகளைச் செய்வோர் சற்று சிந்தித்துப் பார்த்து உணர்ந்து இவ்வாறான செயற்பாடுகளை அடியோடு நிறுத்திக்கொள்ள வேண்டும். இவற்றைத் துணிச்சலோடு விளங்கப்படுத்தி சீரானதோர் செயற்பாடுகளைச் செய்ய முடியுமான ஒரே குழுவினர் இன்றைய இளைஞர்களே என்று சொல்வது மிகவும் பொருத்தமாகும். எனவே, அவர்களது சேவை முயற்சி மிகவும் அவசியமாகும்.

எனவே, இவற்றைத் தடுப்பதற்கு பின்வரும் விடயங்களைத் தனிப்பட்ட ரீதியில் மாத்திரமல்ல, இளைஞர்கள் சமூகத்தில் தனிப்பட்ட ஒவ்வொருவரும் (எல்லோரும்) ஒன்றிணைந்து செயல்பட வேண்டும்.நிச்சயம் வெற்றி கிடைக்கும்.மேலும், போதைப்பொருட்கள் பாவிப்பவரைக் கண்டால்,

*அவர் அப்படிச் செய்தது குடித்திருந்ததன் காரணமாக என மன்னிப்பு அளிக்கக் கூடாது.

*குடித்துக் கண்டபடி நடத்தல்,பகிடி என நினைத்து நகைக்காமல் மடத்தனமான செயல் என நேரடியாகக் கூற வேண்டும்.

* பக்கத்தில் உள்ளவர் பீடி,சிகரெட்,சுருட்டு பிடித்தால் நாற்றம் என மறுப்புத் தெரிவிக்க வேண்டும்.

* சிகரெட்,மது ஆகியவற்றுக்குப் பொய்யான மதிப்பைக் கொடுக்கும் சாம்பல் தட்டுக்களையும் வெறும் போத்தல்களையும் அலங்காரப் பொருட்களாக எமது வீடுகளில் காட்சிக்கு வைக்காமல் அகற்றிவிட வேண்டும்.

* குடித்த பின் செய்வதெல்லாம் நடிப்பெனப் புலப்படுத்த வேண்டும். அதனை வெகுளித்தனமான செயல்களென சமூகம் ஏற்றுக்கொள்ளாத மடத்தனமான செயல் எனப் புலப்படுத்த வேண்டும்.

* செய்தித்தாள்களிலுள்ள சிகரெட்,மது சம்பந்தப்பட்ட விளம்பரங்களில் திருத்தங்களைச் செய்ய வேண்டும்.

* மது,சிகரெட் எனும் போதைப்பொருட்கள் சம்பந்தப்பட்ட பொய்யான நம்பிக்கைகளை வெளிப்படுத்தும்போது அவை தவறு எனச் சுட்டிக்காட்டத் தயங்கக்கூடாது.

அடுத்து புகைத்தலை கைவிட்டு விட்டால் என்ன நடைபெறும் என்பதைப் பற்றியும் தெரிந்திருப்பது அவசியமாகும். அதாவது;

புகைத்தலை கைவிட்டு விட்டால்

2 மணித்தியாலங்களுக்குள் உங்கள் குருதியில் உள்ள நிகொட்டின் அளவு இல்லாமல் போய்விடும்.

6 மணித்தியாலயங்களுக்குள் உங்கள் நாடியோட்டம் சாதாரண நிலைக்குள்ளாகிவிடும்.

2 நாட்களில் நிகொட்டினின் பக்க விளைவுகள் உங்கள் இரத்தத்திலிருந்து இல்லாமல் ஆகிவிடும். குருதியில் இருந்த விஷப்பொருள் "“காபன் மொனாக்ஸைட்' அழிந்துவிடும்.

ஓரிரு கிழமைகளானதும்

நுரையீரலில் சேர்ந்து கட்டியாகியிருந்த சளி இலகுவாகி 2 மாதங்களில பூரணமாக இல்லாமலாகிவிடும். நாவின் ருசியை உணரும் உணர்ச்சி மீண்டும் செயற்பாடடைந்துவிடும். உங்களுக்குச் சிறந்த சுகம் ஏற்படுவது போன்று நீங்கள் மீண்டும் சுகதேகியான மனிதராகவும் வாழும் சந்தர்ப்பமும் உருவாகின்றது.

எனவே, இதனடிப்படையில் சமூகத்தில் ஏற்பட வேண்டிய மாற்றங்கள் பின்வரும் அடிப்படையில் நிகழ இளைஞர் சமூகம் முழு ஒத்துழைப்பையும் வழங்க வேண்டும்.

எனவே, இன்றைய இளைஞர் தினத்தில் இளைஞர்கள் மட்டுமல்ல, ஏனையவர்கள் எவராயிருப்பினும் தவறுகள் எங்கு இடம்பெறுகின்றதோ அவற்றைத் தட்டிக்கேட்டு அவைகளுக்குச் சிறந்த பரிகாரங்களைப் பெற்றுக்கொடுக்க முயல வேண்டும்.

மேற்கூறப்பட்ட தவறான விடயங்களை தவறான வழியில் இட்டுச்செல்லக்கூடிய எச்செயல்களாயிருப்பினும் (சிறுவர் துஷ்பிரயோகம்,தவறான வழியில் பாவிக்கப்படும் கையடக்கத் தொலைபேசிப் பாவனை, பெரியோர்களைக் கௌரவப்படுத்தாமை, கல்வி கற்பதில் காட்டப்படும் அக்கறையின்மை போன்ற தவறுகள்) எம் சமூகத்தின் மத்தியில் இல்லாதொழித்து மாறாக,சிறந்த செயற்பாடுகள் எம்மத்தியில் மேம்படச் செய்வதற்கும் அத்தவறுகளை வேரோடு கிள்ளியெறியவும் திடசங்கற்பம் கொள்வதுடன், எதிர்கால சந்ததியினருக்கு சிறந்த வழிகாட்டிகளாகவும் சிறந்த ஆரோக்கியமானவர்களாகவும் அனைவருக்கும் தம்மால் பிரயோசனமுள்ளவர்களாகவும் நாட்டிற்கு நல்ல பிரஜையாகவும் வாழ்வோமாக.

(நன்றி தினக்குரல் 16.01.11)

நெட்புக்குகள் (Net book) பற்றிய ஒரு அலச

2010-12-29T05:56:00.013+01:00

தமிழ் 25

உலகம் சுற்றும் வலைப்பூ

நெட்புக்குகள் (சிலநேரங்களில் மினி நோட்புக்குகள் அல்லது அல்ட்ராபோர்ட்டபிள்கள் என்றும் அழைக்கப்படுகின்றது)
துணைநோட்புக்களின் கிளையாகின்றன, பொதுவான கணக்கிடுதல் மற்றும் வலை அடிப்படையான பயன்பாடுகளை அணுகுதல் ஆகியவற்றுக்கான விரைவாக மதிப்பிட சிறிய வகையில், எளிய மற்றும் விலைகுறைந்த லேப்டாப் கணினிகள்

அவை பெரும்பாலும் "தோழமைச் சாதனங்களாக" சந்தைப்படுத்தப்பட்டன, அதாவது பயனரின் பிற கணினி அணுகல் விவாதம். வால்ட் மோஸ்பெர்க் அவற்றை "சிறிய, எளிமையான, குறைக்கப்பட்ட மற்றும் மலிவான லேப்டாப்களின் புதிய வகை" என்று அழைத்தார். 2009 ஆம் ஆண்டு ஆகஸ்டில், CNET நெட்புக்குகளை "அதிகம் சிறிய மலிவான நோட்புக்குகள்" என்று அழைத்தது.2007 இறுதியில் அவர்களின் தொடக்கத்தில் — சிறிய நோட்புக்குகள் குறைந்த எடை மற்றும் குறைவான விலைக்கு ஏற்புடைதாக்கப்பட்டது போன்று நெட்புக்குகள் முக்கிய அம்சங்களைத் தவிர்த்தன (உ.ம்., ஆப்டிக்கல் டிரைவ்), சிறிய திரைகள் மற்றும் விசைப்பலகைகளை சேர்த்தது, மேலும் குறைக்கப்பட்ட விபரங்களையும் கணிப்பு ஆற்றலையும் வழங்கின. அவர்களின் மதிப்பீட்டின் வழியில், நெட்புக்குகள் அளவில் குறைந்தது 5" இலிருந்து 10,1" வரையில், மற்றும் ~1 kg இலிருந்து (2-3 pounds) என்றவாறு அளவிடப்பட்டிருந்தன. பிற லேப்டாப்களை விடவும் குறிப்பிடத்தகுந்த அளவில் விலை குறைவாக இருக்கின்றன, 2009 இன் மத்தியில், நெட்புக்குகள் ஒரு நீட்டிக்கப்பட்ட சேவை ஒப்பந்த வாங்குதலுடன் பயனர்களுக்கு "இலவசக் கட்டணத்தை" வழங்கின.

அவற்றின் தோற்றத்திலிருந்து குறைந்த இடைவெளியில், நெட்புக்குகள் அளவு மற்றும் வசதிகளில் வளர்ச்சியடைந்தது, இப்போது புதிய சிறிய, எடைகுறைந்த நோட்புக்குகளை சந்திக்கின்றன. 2009 இன் மத்தியில், டெல் நெட்புக்குடன் டெல் நோட்புக்கை ஒப்பிடுகையில், "விவரக்குறிப்புகள் அனைத்தும் மிகவும் ஒத்திருப்பதால் சராசரியான நுகர்வோருக்கு ஒன்றை விட மற்றொன்று சிறந்ததாக உள்ளதான குழப்பத்தை ஏற்படுத்தும்" என்று CNET குறிப்பிட்டது, மேலும் "சாதங்களுக்கிடையே உண்மையில் எந்த வேறுபாடும் இல்லை என்பதுதான் ஒரே முடிவு" என்றும் குறிப்பிடுகின்றது

1990களின் மத்தியில் நெட்வொர்க் கணினி (NC) கருதுகோளில் நெட்புக்குகளின் தொடக்கங்களை அறிய முடியும். 1997 ஆம் ஆண்டு மார்ச்சில் ஆப்பிள் கம்ப்யூட்டர் eMate 300 ஐ மிகவும் சிறியதான லேப்டாக அறிமுகப்படுத்தியது, அது ஆப்பிள் நியூட்டன் PDA மற்றும் வழக்கமான லேப்டாப் கணினி ஆகியவற்றுக்கு இடையேயானது. 1998 ஆம் ஆண்டில் eMate கணினியானது அனைத்து பிற நியூட்டன் சாதனங்களுடன், ஸ்டீவ் ஜாப்ஸ் உடன் திரும்பியதுடன் நிறுத்தப்பட்டது. மிகவும் சமீபத்தில், ப்சியானின் நெட்புக் வரிசை OLPC XO-1 (தொடக்கத்தில் 100 US$ லேப்டாப் என்று அழைக்கப்பட்டது) மற்றும் சிறியதாகவும்,

போர்ட்டபிளாகவும் நெட்வொர்க் இயக்கப்பட்டகணினிகளாகவும் இருந்த பாம் ஃபோலியோ ஆகியவை தற்போது நிறுத்தப்பட்டுள்ளன. "நெட்புக்" என்ற வார்த்தைப் பயன்பாடு பொதுவாக உள்ளது, இருப்பினும் 2007 இன் தொடக்கத்தில் ஆசஸ் நிறுவனம் ஆசஸ் இ PC ஐ வெளியிட்டது. உண்மையில் சந்தையை நிலைநிறுத்துவதற்காக, 23 x 17 cm (8.9" × 6.5") சாதனம் சுமார் 0.9 kg (2 pounds) எடையுடன் மற்றும் 7" திரை அம்சம், விசைப்பலகையானது இயல்பான விசைப்பலகையின் சுமார் 85% அளவில், நிலையான இயக்ககம் மற்றும் எளிமையாக்கப்பட்ட பயனர் இடைமுகத்துடன் கூடிய லினக்ஸின் (Linux) தனிப்பயன் பதிப்பு ஆகியவற்றை நெட்புக் பயன்பாட்டிற்கு மாற்றியது. ஈ PC இன் தொடர்ச்சியாக, எவரெக்ஸ் நிறுவனம் அதன் லினக்ஸ்-அடிப்படை க்ளவ்டுபுக்கை அறிமுகப்படுத்தியது, Windows XP மற்றும் Windows Vista வகைகளையும் அறிமுகப்படுத்தியது; MSI நிறுவனம் விண்டை (Wind) வெளியிட்டது, டெல் மற்றும் HP இரண்டும் "மினி" வரிசைகளை (இன்ஸ்பிரான் மினி மற்றும் HP மினி) வெளியிட்டனர், மேலும் பிற நிறுவனங்கள் ஏற்புடையதை விரைவில் தொடர்ந்தனர்.

OLPC திட்டம், வளரும் நாடுகளுக்காக நீடித்து உழைக்கும், சிறந்த விலை மற்றும் ஆற்றல் செயல்திறன் மிக்க நெட்புக் தயாரிப்பில் அதன் கண்டுபிடிப்புக்கு பிரபலமானது, இது நுகர்வோர் விற்பனைச் சந்தைக்காக குறைந்த விலை நெட்புக்குகள் உருவாக்கத்தின் தொடக்கத்திற்கு முன்னணி கணினி வன்பொருள் உற்பத்தியாளர்களுக்கு வழிவகுத்த முக்கிய காரணிகளில் ஒன்றாகக் கருதப்படுகின்றது. முதல் ஆசஸ் இ PC நான்கு மாதங்களில் 300,000 யூனிட்கள் விற்ற பொழுது, டெல் மற்றும் ஏசர் போன்ற நிறுவனங்கள் இதனைக் குறித்துக்கொண்டு, அவர்களின் சொந்த மலிவான நெட்புக்குகளை உற்பத்திசெய்யத் தொடங்கின. பிற உற்பத்தியாளர்களின் நெட்புக்குகளை விட OLPC XO-1 ஆனது வேறுபட்ட நுகர்வோரை இலக்காகக் கொண்டிருந்தது, OLPC இப்போது இயைபு இயக்கத்தை ஊக்குவிப்பது போன்ற போட்டியைச் சந்திப்பதாகக் தோன்றுகின்றது. வளரும் நாடுகள் இப்போது மிகப்பெரிய விற்பனையாளர் விருப்பத்தைக் கொண்டுள்ளன, அவர்கள் விரும்பும் குறைந்த விலை நெட்புக்கை அவற்றிலிருந்து அவர்கள் தேர்வு செய்ய இயலும்.

2008 இன் இறுதியில், நெட்புக்குகள் லேப்டாப்களில் இருந்து விலகி பங்கு சந்தையில் பங்கெடுக்கத் தொடங்கின. முந்தைய மினி கணினிகளை விலையுயர்ந்த தளங்களுக்கு அவசியமான உரிமையாளருக்குரிய மென்பொருள் பயன்பாடுகள் அல்லது கண்டிப்பான பயன்பாட்டு வரையறைகளை சுமத்துதல் தொடர்பில் கட்டமைக்கப்பப்பட்ட முக்கிய தனிநபர் கணினி சாதங்களின் புதிய பிரிவாக நிலை நிறுத்தும் முயற்சிகளில் ஏற்பட்ட மிகப்பெரிய தோல்விகளில் முரண்பாடாக,

நெட்புக்குகளின் சமீபத்திய வெற்றியானது PC பயனர்களில் பெரும்பான்மையானவர்களின் தேவைகளுக்குப் பொருந்தும் போதுமான செயல்திறனுடன் முழுமையான விலை தனிப்பயனாக்கப்பட்ட செயலாக்கங்களை அனுமதிக்க போதுமான முதிர்ச்சியை PC தொழில்நுட்பம் கொண்டிருப்பதன் காரணத்திற்கு கற்பிதமும் கூறலாம். இது நெட்புக்கின் பொதுவான கணினி செயல்திறன் 2001 ஆம் ஆண்டில் முக்கியமான PC அளவுகளில் இருக்கின்றது என்ற உண்மையால் சுமார் ஒரு காலாண்டு மதிப்பில் தெளிவுபடுத்தப்படுகின்றது.

இந்த செயல்திறன் அளவானது பெரும்பாலான பயனர் தேவைகளுக்குப் போதுமானதாக இருக்கின்ற வேளையில், இது கூகிளின் Chrome போன்ற ஆதார செயல்திறன்மிக்க பயன்பாடுகளில் ஆர்வத்தை அதிகரிப்பை விளைவித்தது, மேலும் மைக்ரோசாப்டை பாதுகாப்பான பங்கு சந்தையின் காரணமாக Windows XP இன் நீட்டிக்கப்பட்ட கிடைக்கும் தன்மைக்கு நிர்பந்தித்தது. இது 2007 ஆம் ஆண்டில் (400,000) விற்றதை விட 2008 ஆம் ஆண்டில் (11.4 மில்லியன், இதில் 70% ஐரோப்பாவில் விற்றது) சுமார் முப்பது மடங்குகளுக்கும் அதிகமான நெட்புக்குகள் விற்றதாக மதிப்பிடுகின்றது. 2009 ஆம் ஆண்டில்,

விற்பனையானது 35 மில்லியனுக்கு உயரும் என்று எதிர்பார்க்கப்படுகின்றது, 2013 ஆம் ஆண்டில் உயந்து 139 மில்லியன்களாக மதிப்பிடப்பட்டுள்ளது. இந்த போக்கானது மொபைல் நெட்வொர்க்கிங் போன்ற வலை-அடிப்படையான பயன்பாடுகளின் வளர்ச்சியால் வலுவூட்டப்படுகின்றது, மேலும் வயர்டு பத்திரிக்கையின் கருத்துப்படி, நெட்புக்குகள் "வல்லுநர்களுக்கான சூப்பர்-போர்ட்டபிள் லேப்டாப்களில்" மதிப்பிடப்படுகின்றன. நடைமுறையிலுள்ள பொருளாதார நெருக்கடியும் நெட்புக்குகளின் விற்பனை வளர்ச்சியில் உதவுகின்றது.

கிரீஸ் அனைத்து 13 வயது மாணவர்களுக்கும் (நடுநிலைப்பள்ளி, அல்லது ஜிம்னாசியம் , புதியவர்கள்) மற்றும் அவர்களின் ஆசிரியர்களுக்கும் 2009 ஆம் ஆண்டில் "டிஜிட்டல் வகுப்பறை முன்மாதிரி" திட்டம் வாயிலாக இலவச நெட்புக்குகளை வழங்குகின்றது. மாணவர்கள் ஒவ்வொருவருக்கும் ஒரு தனிப்பட்ட கூப்பன் அளிக்கப்படுகின்றன,

அதைக் கொண்டு அவர்கள் €450 விலை உச்சவரம்பு வரையில் நாடு முழுவதும் கலந்துகொள்கின்ற கடைகளில் தங்களின் விருப்பத்தில் நெட்புக்கைப் பெற்றுக்கொள்ளலாம். இந்த நெட்புக்குகள், Windows XP (அல்லது உயர் பதிப்பு) அல்லது ஓப்பன் சோர்ஸ் (உ.ம். லினக்ஸ்) இயக்க முறைமைகளின் உள்ளூர்மயமாக்கப்பட்ட பதிப்புகள், கம்பியுடனான மற்றும் கம்பியிலா நெட்வொர்க் செயல்பாடுகள், வைரஸ் எதிர்ப்பு பாதுகாப்பு, செயலாக்கப்பட்ட பெற்றோர் கட்டுப்பாடுகள் மற்றும் ஒரு கல்வி மென்பொருள் தொகுப்பு ஆகியவற்றைக் கொண்ட தொகுப்பாக வருகின்றன.

மைக்ரோசாப்ட் மற்றும் இன்டெல் ஆகிய நிறுவனங்கள் முக்கிய நோட்புக் PC விற்பனையைப் பாதுகாக்க "சிமெண்ட்" நெட்புக்குகளை சந்தையின் தாழ்வு முனையில் முயற்சித்திருக்கின்றனர், ஏனெனில் அவை குறைந்த விலை வகைகளில் குறைவான இலாபத்தைப் பெறுகின்றனர். இந்த நிறுவனங்கள் நெட்புக்குகளின் விவரக்குறிப்புகளைக் கட்டுப்படுத்துகின்றன, ஆனால் இதற்கு முரண்பாடாக உண்மையான உபகரண உற்பத்தியாளர்கள் 2009 ஆம் ஆண்டு மேமாதத்தில் உயர்வகை நெட்புக் வகைகளை அறிவித்திருக்கின்றன.
2008 இன் இறுதியில் வெளிவந்த அறிக்கையானது,

பொதுவான நெட்புக் 1.4 kg (3 lb) எடை, 9" (23 cm) திரை, வயர்லெஸ் இணைய இணைப்பு, லினக்ஸ் அல்லது Windows XP, இண்டெல் ஆட்டம் செயலி மற்றும் 400 US$ க்கும் குறைவான விலை ஆகியவற்றை அம்சமாகக் கொண்டிருப்பதாக வெளியிடப்பட்டது.. 2009 இன் மத்தியில் வெளிவந்த செய்தித்தாள் கட்டுரை ஒன்று , பொதுவான நெட்புக் 1.2 kg (2,5 lb), 300 US$ மற்றும் 10" திரை, 1 GB நினைவகம், 160 GB இயக்ககம் மற்றும் வீடு மற்றும் மொபைல் நெட்வொர்க்குக்கான வயர்லெஸ் ட்ரான்சீவர் ஆகியவற்றைக் கொண்டிருப்பதாகக் கூறியது. வாங்குபவர்கள் நெட்புக் சந்தையை பெரிய திரைகளை நோக்கி நகர்த்தினர், அவை பழைய ஆசஸ் இ PC 700 இல் 7" இலிருந்து 10,1" வகைகள் 2009 இன் கோடையில் வளர்ந்தது.

செயலி கட்டமைப்புகள்

X86

பெரும்பாலான நெட்புக்குகள், ஆசஸ், பென்க்யூ, டெல், தோஷிபா, ஏசர் ஆகிய நிறுவனங்களிலிருந்து வந்தவை போன்றவை இண்டல் ஆட்டம் நோட்புக் செயலியை (பொதுவாக N270 1.6 GHz ஆனால் 1.66Ghz இல் N280 செயலியும் கிடைக்கின்றது) பயன்படுத்துகின்றன,

ஆனால் x86-இணக்க VIA தொழில்நுட்பங்கள் C7 செயலி HP மற்றும் சேம்சங்க் போன்ற பல வேறுபட்ட உற்பத்தியாளர்களிடமிருந்து வரும் நெட்புக்குகளையும் ஆளுகின்றது. VIA நெட்புக்குகள் போன்றே குறைந்த விலை மற்றும் மொபைல் பயன்பாடுகளை இலக்காகக் கொண்ட ஒரு புதிய x86-64-இணக்க கட்டமைப்பான நானோவையும் வடிவமைத்திருக்கின்றது. தற்போது நானோவை ஒரு நெட்புக் பயன்படுத்துகின்றது; அது சேம்சங் NC20. சில மிகவும் குறைந்த விலை நெட்புக்குகள் சிப்பில்-கணினி Vortex86 செயலியை உட்பொதிக்கப்பட்ட கணினிகளுக்கு பயன்படுத்துகின்றன, இது வெறும் "Windows இணக்கமுடையது", ஆனால் மிகக்குறைந்த செயல்திறன் கொண்டது.

ARM

ARM ஹோல்டிங்க்ஸ் நெட்புக்குகளுக்காக தனிச்சிறப்பான அடிப்படையில் இருக்குமாறு குறைந்த மின் தேவைகள் மற்றும் குறைந்த விலை ஆகியவற்றுடனான செயலி தொழில்நுட்பத்தை வடிவமைத்து உரிமம் பெற்றுள்ளது. குறிப்பாக, சமீபத்திய ARM Cortex-A9 MPCore செயலி வரிசை மையங்கள் நெட்புக்குகளுக்கான x86 க்கு மாற்றுத் தளமாக ARM மூலமாக விளம்பரப்படுத்தப்பட்டது. இந்த அமைப்புகள் கிடைக்கின்ற போது ஸ்மார்ட்புக்குகளாக வர்த்தகப்படுத்தப்படும்.

ARM சில்லுகளின் உற்பத்தியாளரான ப்ரீஸ்கேல் நிறுவனம், 2012 ஆம் ஆண்டில் அனைத்து நெட்புக்குகளில் பாதி ARM இல் இயங்கும் என்ற செயல்திட்டத்தை வகுத்துள்ளது. 2009 ஆம் ஆண்டு ஜூனில் என்விடியா டஜன் மொபைல் இணைய சாதனங்கள் ARM அடிப்படை டெக்ரா SoCகளை இயக்குகின்றன, அவற்றில் பல நெட்புக்குகளாக இருக்கும் என்று அறிவித்தது.
ஸ்மார்ட்புக்குகள், எப்போதும் ஆனில் நாள் முழுவதும் பேட்டரி லைப், 3G இணைப்பு மற்றும் GPS (பொதுவாக ஸ்மார்ட்போன்களில் காணப்படுபவை) ஆகியவற்றை லேப்டாப்-ஸ்டைல் அமைப்பில் 5 முதல் 10 அங்குலத் திரையில் மற்றும் க்வெர்டி (QWERTY) விசைப்பலகை உள்ளிட்ட அம்சங்களை வழங்குகின்றன. இந்தக் கணினிகள் பாரம்பரிய Microsoft Windows இன் x86 பதிப்புகளில் இயங்காது, மாறாக தனிப்பயன் Linux இயக்க முறைமைகளில் (கூகிளின் Android அல்லது Chrome OS) இயங்கும். ARM இன் ஏற்பிற்கான பிற தடைகள் மெதுவாக அகற்றப்பட்டு இருக்கின்றன, உதாரணமாக ARM க்கான Flash player செயலாக்கத்தில் இறுதியாக Adobe இயங்குகின்றது.

MIPS

சில நெட்புக்குகள் MIPS கட்டமைப்பு-இணக்க செயலிகளைப் பயன்படுத்துகின்றன. அவை இன்ஜெனிக் சிஸ்டம் ஆன் சிப் அடிப்படையிலான ஸ்கைட்டன் ஆல்பா 400 மற்றும் 400 மில்லியன் கட்டளைகள் விநாடிக்கு என்ற செயல்திறனுள்ள 64-பிட் லூங்சன் செயலியை பயன்படுத்துகின்ற ஜ்டியம் நெட்புக்குகள் ஆகியவற்றைக் கொண்டுள்ளன. இந்தக் கணினிகள் விலையுயர்ந்தவையாக இருந்தாலும், தற்போதைய MIPS செயல்படுத்தல்களின் செயலாக்கத் திறன் வழக்கமாக தற்போதைய நெட்புக்குகளில் காணப்படும் அவற்றின் x86-செயல்படுத்தல்களுடன் பொருத்தமற்ற முறையில் ஒப்பிடப்படுகின்றது.

ARM பதிப்பின் பின்னர் அடோப் நிறுவனம் இப்போது இறுதியில் MIPS தளத்திற்கான Adobe Flash Player (பதிப்பு 10.1) பதிப்பை வெளியிடவும் திட்டமிடுகின்றது.

இயக்க முறைமைகள் (OS)

Windows

ஜனவரி 2009, அமெரிக்காவில் நெட்புக்குகளின் 90% (2009 ஆம் ஆண்டு பிப்ரவரியில் மைக்ரோசாப்ட் 96% என்று கூறியது) மேல் Windows XP உடன் அனுப்ப மதிப்பிட்டிருந்தனர், பின்னர் இதில் மைக்ரோசாப்ட் ஒவ்வொரு நெட்புக்கிற்கும் US$15 முதல் US$ 35 வரையில் விற்பனை மதிப்பீடு செய்தது. மைக்ரோசாப்ட் ஜூன் 2008 முதல் ஜூன் 2010 வரையில் மிகக்குறைந்த விலை தனிநபர் கணினிகளுக்கான Windows XP இன் கிடைக்கும் தன்மையை நீட்டித்திருக்கின்றது. இருப்பினும்,

தள்ளுபடி உரிம விலைகள் குறைக்கப்பட்ட அளவு மற்றும் செயல்பாடுடைய நெட்புக்குகளுக்கு மட்டுமே பொருந்துகின்றன, இது குறைந்த விலை PCகளின் தயாரிப்பை செயல்படுத்துகின்ற சாத்தியமுள்ள அதே நேரத்தில் முதன்மை டெஸ்க்டாப் மற்றும் "மதிப்புமிக்க" லேப்டாப்கள் ஆகியவற்றின் அதிகபட்ச லாபத்தை தக்கவைக்கின்றன, அதே போன்று நெட்புக்குகளில் லினக்ஸ் நிறுவுதல்களின் பயன்பாடு அதிகரிப்பதைத் தவிர்க்கின்றது. மைக்ரோசாப்ட் இந்த வகையான சாதனங்களுக்காக Windows 7 இன் 'தொடக்க' பதிப்பு சோதனையும் செய்கின்றது மற்றும் செயல்விளக்கங்களையும் செய்துகொண்டிருக்கின்றது, மேலும் நெட்புக்குகளில் Windows 7 XP க்கு பதிலாக்கப்பட இருக்கின்றது. இருப்பினும், 7 க்கான கூப்பன் சேர்த்து Vista உடன் விற்கப்படுகின்ற வழக்கமான டெஸ்க்டாப்கள் அல்லது நோட்புக்குகள் போன்று இல்லாமல், பயனர்கள் நெட்புக்கை வாங்கியிருந்தால் 7 தொடக்கத்திற்கான கூப்பனை அவர்கள் பெறமுடியாது. Windows CE அதன் குறைக்கப்பட்ட அம்ச வடிவமைப்பின் காரணமாக நெட்புக் பயன்பாடுகளில் பயன்படுத்தப்பட்டு வருகின்றது, அது நெட்புக்குகளின் வடிவமைப்பு கொள்கையைப் பேணுகின்றது.

பெரும்பாலான நெட்புக்களின் BIOS இல் அமைப்பு பூட்டப்பட்ட முன்நிறுவுதல் (SLP) குறைபாட்டைக் கொண்டுள்ளதால், அவை மைக்ரோசாப்ட் கீ மேலாண்மை சேவையை (KMS) பயன்படுத்தி நிறுவனச் சூழலில் Windows ஐ இயல்புநிலையில் செயலாக்க இயலாமல் இருக்கின்றன. இந்த விடுபட்ட அம்சம் செயற்கையாக நிறுவன வாடிக்கையாளர்களை தாழ்வு நிலை நெட்புக் சந்தையிலிருந்து வேறுபடுத்துகின்றது; சில வன்பொருள் விற்பனையாளர்கள் கூடுதல் விலையில் நிறுவன வாடிக்கையாளர்களுக்கு விருப்ப SLP-இணக்க BIOS ஐ வழங்குகின்றனர்.

லினக்ஸ் (Linux)

நவம்பர் 2009 இன் படி, தனிப்பயனாக்கப்பட்ட லினக்ஸ் வழங்கல்கள் உலக அளவில் நெட்புக்குகளின் 32% சதவீதத்தில் அனுப்ப மதிப்பிடப்பட்டுள்ளன, இது Windows க்கு பின்னர் இரண்டாவதாக மிகவும் பிரபலமான இயக்க முறைமையாக உருவாக்குகின்றது.

Linux அமைப்புகள் இயல்பாக மென்பொருளை இணைய மென்பொருள் களஞ்சியத்தில் இருந்து நிறுவுவதால், அவற்றுக்கு மென்பொருளை நிறுவ ஆப்டிக்கல் டிரைவ் தேவையில்லை. இருப்பினும், இ பீ போன்ற பழைய நெட்புக்குகள் Linux மென்பொருளின் முழு அளவிலான கிடைக்கும் தன்மைக்கான அணுகலை முடக்கியதாலும் மற்றும்Windows, Mac OS X மற்றும் Linux முறைமைகளில் இருந்து எதிர்பார்த்து வந்திருக்கின்ற பயனர்களுக்கு இயல்பான டெஸ்க்டாப் அனுபவத்தை வழங்கத் தவறியதாலும் இந்த அம்சத்தைப் பயன்படுத்துவதில் தோல்வியடைந்தன.

நெட்புக்குகள், உபுண்டு நெட்புக் ரீமிக்ஸ் மற்றும் ஈசி பீசி போன்ற பல புதிய லினக்ஸ் பங்கீடுகளை உருவாக்கத் தூண்டின. முழு நெட்புக் பங்களிப்புகளின் பட்டியலைக் காண்க. இன்டெல் வழங்கிய Moblin பதிப்பு 2.0 இன் பீட்டா பதிப்பு 2009 இன் இலையுதிர் காலத்தில் கிடைத்தன.

ஆண்ட்ராய்டு (Android)
மொபைல் தொலைபேசி ஹேண்ட்செட்டுகளுக்காக வடிவமைக்கப்பட்ட கூகிளின் ஆண்ட்ராய்டு மென்பொருள் தளம், ஆசஸ் இ PC இல் செயல்முறை விளக்கம் செய்யப்பட்டிருக்கின்றது, மேலும் அதன் Linux இயக்க முறைமை உண்மையான ஆசஸ் ஈ PC 701 உள்ளிட்ட மொபைல் இணைய சாதனங்களுக்கான கொள்கைகளைக் கொண்டிருக்கின்றது. ஆசஸ் பொறியாளர்களை Android அடிப்படையான நெட்புக்கை உருவாக்க ஒதுக்கியிருக்கின்றது. ஃப்ரீஸ்கேல் நிறுவனமும் Android இல் இயங்குகின்ற குறைந்த விலை ARM அடிப்படை நெட்புக் வடிவமைப்பிற்கான திட்டங்களை அறிவித்தது. 2009 ஆம் ஆண்டு மே மாதத்தில் Dell இன் ஒப்பந்ததாரர் டெல் நெட்புக்குகளுக்கான Android க்கு Adobe Flash Lite முனைவை அமைத்துள்ளதாக அறிவித்தது. ஏசர் நிறுவனம் Q3/2009 ஆம் ஆண்டில் Android நெட்புக்குகள் கிடைக்கும் என்று அறிவித்தது.

2009 ஆம் ஆண்டு ஜூலையில், புதிய திட்டமான Android-x86, குறிப்பாக நெட்புக்குகளுக்காக x86 தளத்தில் Android க்கான ஓப்பன் சோர்ஸ் தீர்வை வழங்க உருவாக்கப்பட்டது.

Mac OS X

Mac OS X முறைமையானது OSx86 திட்டத்தின் முடிவாக பல்வேறு நெட்புக்குகளில் செயல்முறை விளக்கம் செய்யப்பட்டது. இருப்பினும் இது இயக்க முறைமையின் இறுதிப் பயனர் உரிம ஒப்பந்தத்தின் விதிமீறலாகும்.ஆப்பிள் நிறுவனம் எவ்வாறு ஆப்பிள் அல்லாத வன்பொருளில் OS X ஐ நிறுவுவது என்ற தகவலை வெளியிட்டதற்காக (Wired மற்றும் யூடியூப் (YouTube) உள்ளிட்ட) தளங்கள் மீது புகாரளித்திருக்கின்றது, அத்தளங்கள் அந்தப் புகாருக்குப் பதிலளிக்கும் பொருட்டு அந்த உள்ளடக்கத்தை அகற்றிவிட்டன.
2009 ஆம் ஆண்டு நவம்பரில், ஆப்பிள் கார்ப்பரேசன் ஆப்பிள் அல்லாத வன்பொருளில் Mac OS X ஐ நிறுவுதலில் இருந்து தடுக்கும் ஆப்பிளின் செயல்முறை DMCA ஆல் பாதுகாக்கப்பட்டுள்ளது என்ற அடிப்படையில் ப்சிஸ்டாருக்கு எதிரான வழக்கில் தீர்ப்பை வென்றது.

2008 ஆம் ஆண்டில், ஆப்பிள் நிறுவனம் மேக்புக் ஏர் என்பதனை வெளியிட்டது, அதை "அல்ட்ரா போர்ட்டபிள்" லேப்டாப்பாக சந்தைப்படுத்தியது. இருப்பினும் பெரும்பாலான பிற நெட்புக்குகளை விடவும் ஏர் குறிப்பிடத்தக்க வகையில் அதிக விலையுயர்ந்ததாக இருக்கின்றது மற்றும் அதன் எடைகள் எடைமிகுந்த நெட்புக்குகளை போன்று(1.6 kg/3 பவுண்டுகள்) எடை மிகுந்ததாக இருக்கின்றது, இது அதிவேகமான கோர் 2 டியோ செயலி மற்றும் சிறிய எண்ணிக்கையிலான சேர்க்கப்பட்ட சாதனங்களைக் கொண்டுள்ளது. மேக்புக் ஏர் நெட்புக்குக்கான ஆப்பிளின் சந்தைப்படுத்துதல் அதன் 0.4-1.94 cm (0.16-0.76") மெல்லியதன்மையில் மையப்படுத்தியது.
ஆப்பிள் ஜனவரி 27, 2010 அன்று ஐபாட்டை வெளியிட்டது. இருப்பினும் அதிகாரப்பூர்வமாக டேப்லெட் PC ஆன ஐபாட் ஆப்பிளின் நெருங்கிய நிறுவனங்களால் Windows-அடிப்படையிலான நெட்புக்குகளுக்கு போட்டியாக கருதப்படுகின்றது. ஐபாட் Mac OS X க்கு பதிலாக iPhone OS இல் இயக்கப்படும்.
மற்றவை

நெட்புக்குகள் FreeBSD, OpenBSD, Darwin மற்றும் Moblin உள்ளிட்ட பிற இயக்க முறைமைகளில் இயங்குவது நிரூபித்துக்காட்டப்பட்டுள்ளன.
Cloud இயக்க முறைமை நெட்புக்குகளின் குறைக்கப்பட்ட இலக்கில் பயன்படுத்திக்கொள்ள முயற்சித்தது. இந்த இயக்க முறைமையை உலாவியாக உருவாக்குவதில் பயனர் பகுதி உலாவி பயன்பாட்டுக்கு மட்டுமே கட்டுப்படுத்தப்பட்டுள்ளது. வேறுவிதமாக கூறினால் அங்கு இயக்க முறைமை எதுவுமில்லை; பயனர் உலாவி மட்டுமே உள்ளதாக கருதலாம்.

http://tamil25.blogspot.com/2010/12/net-book.html

படைவலிமை (குறள் தரும் விளக்கம்)

2010-12-06T12:37:00.006+01:00

"கூற்று உடன்று மேல்வரினும் கூடி எதிர்நிற்கும்

ஆற்றல் அதுவே படை"

கந்தப் புராணத்திலே முருகப் பெருமானுக்கும் சூரனுக்கும் நடந்த யுத்தம் பதினெட்டு யுகங்களில் முடிந்தது. கம்பராமாயணத்தில் இராமனுக்கும் இராவணனுக்கும் நடந்த யுத்தம் பதினெட்டு மாதங்களிலே முடிந்தது. மகாபாரத யுத்தமும் பதினெட்டு நாட்கள் தான் நடந்தது. அது போல ஈழ யுத்தமும் மே பதினெட்டாம் திகதிதான் முடிந்து போனது! பதினெட்டுக்கு அப்படியொரு பெருமை போலும்!

தலைமை அழிந்தது! தளபதிகள் அழிந்தார்கள்! படைகள் அழிந்தன! மக்கள் அழிந்தார்கள்! சிலர் மண்டியிட்டார்கள்! இன்னும் சிலர் காட்டிக் கொடுத்தார்கள்! பலர் கைதானார்கள்! உண்மைதான்!ஆனால் திருக்குறளின் படை மாட்சி என்ற அதிகாரத்து ஐந்தாவது குறளுக்கு ஏற்ப போராடி மறைந்த ஈழ மறவர்களையும் இந்த யுத்தத்தில் உலகம் கண்டுதான் இருக்கிறது!

மன்னார் மடுவிலே தொடங்கிய பின்னடைவு தொடர்ந்து கொண்டு போகிறது! பின்வாங்குகின்றன படைகள் தளபதிகள் கட்டளைப்படி! கிளிநொச்சி வீழ்கிறது! அதனால் படைகளின் ஒழுங்கு சிதைகிறது! விளைவு பரந்தனும் ஆனையிறவும் மணலாறும் கூட கைவிட்டுப் போகின்றன! எங்குமே ஓட முடியாத நந்திக் கடல் கரையிலே எஞ்சிய படைகளும் மிஞ்சிய மக்களும் குவிகிறார்கள்! பிள்ளைகள் வெளிநாட்டிலே மனைவி வெளிநாட்டிலே என்று ஓயாமல் பேசப்பட்ட தலைமையும் வன்னியின் முள்ளி வாய்க்கால் மண்ணிலே குடும்பத்தோடு ஒதுங்குகிறது மக்களை விட்டுப் போகாமல்! போக மனம் இல்லாமல்!

இராணுவம் நான்கு புறமும் மூன்று வகைப் படையோடும் சூழ்ந்து கொண்டு தாக்க எத்தனிக்கிறது! புலம் பெயர் சமூகமும் உலகம் முழுவதும் போராடிக் களைத்துவிட்டது எதுவுமே செய்ய முடியாமல்! நட்பும் பகையும் நடுநிலமையும் என்றிருந்த உலகம் பகை என்ற ஒரு கொடிக்கு கீழே ஒடுங்கி விடுகிறது காரணம் இல்லாமல்! தென்னகத்து வேடதாரிகள் தீர்வு தெரிந்தும் தீண்டி விடுகிறார்கள் குழப்பத் திரியை!

தோல்வி நிச்சயம் என்று தெரிகிறது! மக்கள் மடியப் போகிறார்கள் என்றும் தெரிகிறது! நாமும் அழியும் நேரம் வந்து விட்டது என்று படைகள் உணர்கின்றன. மறுகணமே அந்த வீரர்கள் ஆயதங்களை எடுத்துக் கொண்டு எழுகின்றார்கள்! தாக்கத் தொடங்குகிறார்கள்! இதைச் சற்றும் எதிர்பாராத எதிரியின் கண்கள் அகல விரிகின்றன ஆச்சரியத்தால்! தப்ப முடியாது என்று தெரிந்தும் தாக்குகிறார்கள் என்று தகவல் கொடுக்கிறார் தலைமைத் தளபதி! பயத்தோடு!

வெட்கத்தால் முகம் சிவக்கின்றன வீழ்த்த நினைத்த நாடுகள்! வெம்பு வெம் சேனையோடும் வேறுள கிளைஞரோடும் தம்பியை இழந்து கிடப்பனோ தமையன் மண்மேல்? என்று கேட்பாரே கம்பர்! ஆம்! தலைமைக்கு முன்னே தம்மை மாய்த்துக் கொள்கிறார்கள் அந்த வீரர்கள்!

எதிரி பீரங்கிகளால் சுட்டும் வானத்திலிருந்து குண்டுமழை பொழிந்தும் கூட சிறு சிறு குழுக்களாக் கூடித் தாக்கிவிட்டு வீழ்ந்து மடிகிறார்கள் அந்த வேங்கைகள்! அவர்கள் புறமுதுகிட்டு ஓடவில்லை! கவச வாகனங்களை வெறும் நிலத்தில் நின்று தாக்குகிறார்கள்! தாக்கிய படியே செத்தும் போகிறார்கள் அந்த வீரர்கள்! வீராங்கனைகள்!

வெட்கத்தை விட்டு வெளிப்படையாகவே சொன்னது இராணுவம் இறுதி நாளில் ஆயிரக்கணக்கில் படையினரை இழந்தோம் என்று மிரட்சி மாறாமல்!

வள்ளுவர் சொன்னார்! கூற்றுவன் எனப்படும் இயமனே கோபங்கொண்டு எதிரே வந்தாலும் அஞ்சாமல் ஒன்று கூடி எதிர்த்து நிற்கும் ஆற்றல் உடையதே படையாகும் என்றார் அவர்.

கூற்று உடன்று மேல்வரினும் கூடி எதிர்நிற்கும்
ஆற்றல் அதுவே படை

கூற்று உடன்று – இயமனே கோபம் கொண்டு: மேல்வரினும் – தங்களுடன் போருக்கு வந்தாலும்: கூடி எதிர் நிக்கும் – உயிருக்குப் பயந்து பின்வாங்காமல் தம்முள் ஒன்று கூடி எதிர்த்து நிற்கும்: ஆற்றல் அதுவே படை – ஆற்றலை உடையதே படையாகும்!

இயமனே கோபம் கொண்டு தங்களுடன் போருக்கு வந்தாலும் உயிருக்குப் பயந்து பின்வாங்காமல் தம்முள் ஒன்று கூடி எதிர்த்து நிற்கும் ஆற்றலை உடையதே படையாகும்!

திருக்குறளின் படை இலக்கணத்துக்கு எடுத்துக்காட்டாக அவர்கள் வாழ்ந்து விட்டுப் போய்விட்டார்கள் ஈழ மண்ணை விட்டு! மானத்தோடும் தான்! மாசும் இல்லாமலும் தான்!

இரா. சம்பந்தன்

நன்றி~ எழில்நிலா

Wiki leaks ஆட்டங்காண வைத்துள்ள உலக அந்தரங்கங்கள்

2010-12-02T11:18:00.005+01:00

படத்தில் கிளிக் செய்து பெரிதாக்கிப் படியுங்கள்

ஒரு கதவும் கொஞ்சம் கள்ளிப் பாலும்...

2010-11-29T21:15:00.007+01:00

தாமரை

கசப்பாக இருந்தது
அம்மா அப்பாவையும்
ஆற்றோர கிராமத்தையும்
நூறுமைல் தூரத்தில்
விட்டுவந்து
அப்படியென்ன படிப்பு?

விடுதி
சென்ம விரோதியாயிற்று...
காற்றடித்து என்
பிறந்தமண்ணை அள்ளி
வந்து போட்டதால்
சன்னல் மட்டும்
சிநேகிதியாயிற்று...

வாரம் ருமுறை நானும்
மும்முறை பெற்றோரும்
வந்து போனோம்...
ஆனாலும்
இதென்ன படிப்பு
இதென்ன வாழ்க்கை...?

குறைந்தது நூறுமுறை
என் கடிதம்
சுமந்து போனது
கண்ணீரையும்,
கடந்தகாலத்தையும்,
வந்து
அழைத்துப் போங்களையும்...

திடீரென்று எனக்குள் ஒருகதவு
அறைந்து திறந்தது
என் அறைக் கதவு
திறந்தது போலவே...

அறைத் தோழியாய் வந்தவள்
என்னைவிடச் சின்னவள்
அகதிகள் ஒதுக்கீட்டில்
இடம் கிடைத்திருக்கிறது.
யாழ்ப் பாணத்துக் காரியாம்!
இறுக்கி மூடிய உதட்டுக்குள்ளிருந்து
கள்ளிப்பால் போல் ஒவ்வொன்றாய்
சொட்டிய கதைகள்...

என் நேற்றைய கடிதம் கண்டு
அம்மா வியந்திருக்க வேண்டும்
''அம்மா நான் மிக நலம்
அடிக்கடி வர வேண்டாம்
அழுவதை நான் நிறுத்திவிட்டேன்
அடுத்தமுறை அங்கே
வரும்போது
ஒரு சிநேகிதியை அழைத்து
வருவேன்...
முடிந்தால் அவளையும்
மகளே என்று விளி..."

''''''''''''''''''''''''''''''''''''''''''''''''''''''''''''''''''''''''''''''''''''''''''''''
கவிஞர் தாமரையின் கவிதைகள் படிக்க

http://kavingerthamarai.blogspot.com/
''''''''''''''''''''''''''''''''''''''''''''''''''''''''''''''''''''''''''''''''''''''''''''''

யாழ்ப்பாண வரைபடம்

2010-11-05T09:00:00.007+01:00

இலங்கை நாட்டின் வட மாகாணத்தின் முடிவு எல்லையில் யாழ் மாவட்டம் அமைந்துள்ளது. தலைநகர் கொழும்பில் இருந்து கிட்டத்தட்ட 410 கிலோ மீற்றர் தொலைவில் யாழ்ப்பாணம் உள்ளது. 7 தீவுகள் அடங்கலாக யாழ்ப்பாணத்தின் மொத்த நிலப்பரப்பு கிட்டத்தட்ட 1025 சதுர கிலோ மீற்றர்களாகும். யாழ் மாவட்டம் தீவு, வலிகாமம், வடமராட்சி மற்றும் தென்மராட்சி ஆகிய நான்கு பிரிவுகளாக பிரிக்கப்பட்டுள்ளதுடன் 15 பிரதேச செயலாளர் பிரிவுகளையும் கொண்டுள்ளது.
யாழ் அரச நிர்வாக கட்டமைப்பு
யாழ் குடாநாடு வடக்கு, கிழக்கு மற்றும் மேற்கில் இந்தியப் பெருங்கடலை எல்லையாகக் கொண்டுள்ளது. யாழ்ப்பாணத்தின் தெற்கு எல்லைகளாக யாழ்ப்பாண கடனீரேரியும் கிளிநொச்சி மாவட்டமும் அமைந்துள்ளன. தரைவழியாக ஆனையிறவு கடநீரேரியை கடந்து யாழ்ப்பாணத்துக்குள் பிரவேசிக்க வேண்டும். இவ்ஆனையிறவு கடநீரேரி இலங்கையின் மிக முக்கியமான உப்பளங்களில் ஒன்றாக திகழ்ந்தது என்பது குறிப்பிடத்தக்கது.ஒரு நாடு அல்லது ஒரு பிரதேசம் பிரபலம் அடைய வேண்டும் என்றால் அங்கு துறைமுகங்கள், விமான நிலையங்கள் இருக்க வேண்டும். அந்தவகையில் யாழ்பாணத்துக்கு பெருமை சேர்க்கும் வகையில் பலாலி விமானநிலையமும் காங்கேசந்துறை துறைமுகமும் அங்குள்ளன. இவற்றின் மூலம் யாழ் மாவட்டத்திற்கான தொடர்புகள் மேலும் இலகுபடுத்தப்படுகின்றன. ஒரு காலங்களில் யாழ்ப்பாணத்தின் இளவட்டங்கள் காலையில் படகு மூலம் தென் இந்தியாவிற்கு சென்று அங்கு வெளியாகும் புதிய தமிழ் திரைப்படங்களை பார்த்துவிட்டு மாலையில் திரும்புவது வழமையாகும். இன்றும் யாழ்ப்பாணத்தில் உள்ள வயதில் பெரியவர்களிடம் பேசிப்பார்த்தால் அவர்களின் இளவயது நினைவுகள் எமக்குத் தெரியவரும்.

யாழ் மாவட்டம் ஒரு உலர் வலயப் பிரதேசமாகும். இங்கு பனை மற்றும் தென்னை ஆகிய பயிர்கள் திடல்களாக பரந்து விரிந்துள்ளன. பழங்காலங்களில் பெண்களுக்கு சீதனம் வழங்கும்போது பனந்திடல்களை வழங்கினார்கள். அதனால் முழுக்குடும்பமுமே பசி, பட்டினி இன்றி வாழ்ந்ததுடன் பனந்திடல்களை வழங்குவதை அவர்கள் கௌரவமாக நினைத்தார்கள்.
ஒக்டோபர் தொடக்கம் டிசம்பர் வரையான காலப் பகுதியில் வட கிழக்கு பருவப்பெயர்ச்சி மூலம் இங்கு மழை வீழ்ச்சி கிடைக்கிறது. இப்பகுதி மக்கள் இப்பருவப்பெயர்ச்சி மழை மூலம் கிடைக்கும் நீரைக்கொண்டு நெல்லை பெரும்போகமாக பயிரிட்டு அறுவடை செய்து வருடம் முழுவதும் வளத்தோடு வாழ்கிறார்கள். 2008 ஆம் ஆண்டு இம்மாவட்டத்திற்கு 1811.8 மில்லி மீற்றர் மழை வீழ்ச்சியைப் கிடைக்கப்பெற்றுள்ளது.மார்ச் மற்றும் ஏப்ரல் மாதங்களில் அதிகளவான வெப்பநிலை இங்கு காணப்படும். இம்மாவட்டத்தில் 2008 ஆம் ஆண்டு 21.40 தொடக்கம் 32.40 சென்ரிகிரேட் வெப்பநிலையும் பதிவாகியுள்ளது. இங்குள்ளவர்கள் சிறுபோககாலங்களில் பயறு, உழுந்து, சணல், கௌபி, தினை, குரக்கன், சாமை போன்ற சிறு தானியங்களை பயிரிட்டு தமது தேவைகளை நிறைவேற்றுகிறார்கள். இங்கு பயிரிடப்படும் புகையிலை, முந்திரி, வெங்காயம், மிளகாய், மாம்பழம், பலாப்பழம், வெற்றிலை, உருளைக்கிழங்கு போன்ற பொருட்களுக்கு உள்ளூர் சந்தையில் மாத்திரமல்ல தென்னிலங்கையிலும் நல்ல கிராக்கி காணப்படுகிறது.
யாழ்ப்பாண மாவட்டத்தைப் பொறுத்தவரையில் இரண்டு பிரதான தொழில்களாக விவசாயமும் மீன் பிடியும் காணப்படுகிறது. விவசாயத்தில் தன்நிறைவு பெற்ற மாவட்டமாக திகழும் யாழ் மாவட்டம் மீன் பிடித்துறையிலும் சிறந்து விளங்குகிறது. தமது உள்ளூர் சந்தைத் தேவையையும் நிறைவு செய்வது மட்டுமல்லாமல் தென்னிலங்கைக்கும் மீன்கள் மற்றும் கருவாடுகளை அனுப்பும் திறமை அவர்களிடம் உண்டு.
இவ்வாறு தன்னிறைவு பெற்ற மாவட்டமாகத் திகழும் யாழ்ப்பாணம் பற்றிய பல்சுவை விபரங்களைத் கொடுப்பதில் மிகவும் மகிழ்ச்சி அடைகிறோம்.

நன்றி~ யாழ்மண்

புலம்பெயர் தமிழர்களை இலக்கு வைத்து இந்தியாவின் ‘ஒப்பரேசன் பூமாலை 2

2010-10-27T22:28:00.003+02:00

கடந்த வருடம் மே 18 முதல் எந்த முடிவுக்கும் வர முடியாத நிலையில் சிக்கலில் இருந்து இந்தியா தன்னைத்தானே விடுவித்துக்கொள்ளும் முடிவு ஒன்றை எடுத்துள்ளது. முன்னாள் பிரதமர் ராஜிவ்காந்தி படுகொலை செய்யப்பட்ட வழக்கின் குற்றவாளிகள் பட்டியலில் இருந்து விடுதலைப்புலிகளின் தலைவர் பிரபாகரன், அந்த இயக்கத்தின் உளவுப் பிரிவுத் தலைவர் பொட்டு அம்மான் ஆகிய இருவரது பெயர்களையும் நீக்குவதாக தடா நீதிமன்ற நீதிபதி தட்சிணாமூர்த்தி அறிவித்துள்ளார்.

விடுதலைப் புலிகளின் தலைவர் கொல்லப்பட்டுவிட்டார் என்ற அறிவிப்புடன் சிங்கள தேசம் வெளியிட்ட காட்சிப் பதிவுகளின் உண்மைத் தன்மை குறித்து உலகம் முழுவதும் ஆய்வு செய்யப்பட்டது. உலகின் பல திசைகளிலும் வாழும் தமிழர்களில் பெரும்பான்மையினர் இந்தக் காட்சிப்படுத்தல் சிங்கள அரச படைகளால் திட்டமிட்டு தமிழர்கள் மீது மேற்கொள்ளப்பட்ட உளவியல் யுத்தம் மட்டுமே. இதில் நம்புவதற்கு எதுவுமேயில்லை என்று நிராகரித்தார்கள்.

ஆரம்பத்தில் இந்தக் காட்சிப் பதிவுகள் போலியானது. தேசியத் தலைவர் அவாகள் பாதுகாப்பாக உள்ளார் என்று அறிவித்த கே.பி., ஒரு வார காலத்தில் தடம் புரண்டு ‘தேசியத் தலைவர் அவாகள் வீர மரணம் அடைந்துவிட்டார்’ என்ற அறிவித்தலோடு தன்னைத்தானே விடுதலைப் புலிகளின் தலைவர் எனவும் பிரகடனப்படுத்திக்கொண்டர்.

கே.பி. மீதான புலம்பெயர் தமிழர்களின் கோபம் இந்தச் செய்தியை திரும்பத் திரும்ப ஒளிபரப்பு செய்த ஜி.ரிவி. தொலைக்காட்சி மீது திரும்பியது. நிலமையின் விபரீதத்தைப் புரிந்து கொண்ட ஜி.ரிவி. அந்தச் செய்தியை ஒளிபரப்பச் செய்ததற்காக தமிழ் மக்களிடம் மன்னிப்புக் கேட்டதன் மூலம் தன்னைப் பாதுகாத்துக் கொண்டது.

தேசியத் தலைவர் குறித்த இந்த அறிவிப்பு கே.பி. மீதான நம்பகத் தன்மையைக் கேள்விக் குறியாக்கியது. இதன் மோசமான விழைவு காரணமாகவே, கே.பி. மலேசியாவில் வைத்துக் கைது செய்யப்பட்டு கொழும்புக்கு கொண்டு செல்லப்பட்டார் என்ற செய்தி புலம் பெயர் தமிழர்கள் மத்தியில் எந்தவொரு எதிர்வினைவையும் ஏற்படுத்தவில்லை.

ஆனாலும், புலம்பெயர் தேசங்கள் எங்கும் உள்ள கே.பி. குழுவினர் தொடர்ந்தும் தேசியத் தலைவரது இருப்புக் குறித்து அவ்வப்போது எதிர்வு கூறி வந்தாலும் அதனைப் புலம்பெயர் தமிழர்கள் இன்றுவரை நிராகரித்தே வந்துள்ளார்கள். ஆனாலும், நாடு கடந்த தமிழீழ அரசின் கே.பி. சார்பு உறுப்பினர்கள் அனைவரும் அவர்களால் பிரதமராக அறிவிக்கப்பட்டுள்ள திரு.ருத்திரகுமாரன் அவர்கள் மூலமாக தேசியத் தலைவர் அவர்களது இருப்புக்கு ஒரு முடிவு கட்டும் முயற்சியில் தொடர்ந்தும் ஈடுபட்டு வருகின்றார்கள்.

புலம்பெயர் தமிழர்களின் மனவிருப்புக்கு எதிராகத் தான் எடுக்கும் எந்த நகர்வும் தனது அரசியல் எதிர்காலத்தைக் கேள்விக்குறியாக்கிவிடும் என்பதை திரு. ருத்திரகுமாரனும் நன்கு அறிவார். இதனால்தான், கடந்த இரு வாரங்களுக்கு முன்னர் தமிழக சஞ்சிகையான ஜுனியர் விகடன் செய்தியாளர் தேசியத் தலைவர் அவர்களது இருப்புக் குறித்துக் கேட்ட கேள்விக்கு ஆணித்தரமான பதில் எதுவும் சொல்லாமல் ‘காலம் பதில் சொல்லும்’ என்று நழுவியுள்ளார்.

மாவீரர் தின நிகழ்வு நாள் நெருங்கிவரும் நிலையில், ‘இதுவரை சிங்கள அரசு விடுதலைப் புலிகளின் தலைவர் பிரபாகரன் அவாகளது மரணச் சான்றிதழை வழங்கவில்லை’ என்ற காரணத்தோடு அந்த விவாதத்திலிருந்து ஒதுங்கியிருந்த இந்தியா திடீரென ‘இலங்கைப் போரில் பிரபாகரன், பொட்டம்மான் இருவரும் கொல்லப்பட்டதால் அவர்களது பெயர்களை ராஜீவ் வழக்கிலிருந்து நீக்குவதாக’ சென்னை நீதிமன்றம் தெரிவித்துள்ளது.

1991 மே 21-ம் தேதி தேர்தல் பிரசாரத்துக்காக சிறீ பெரும்புதூர் வந்த ராஜிவ்காந்தி மனிதவெடிகுண்டால் படுகொலை செய்யப்பட்டார். இதுதொடர்பான வழக்கில் முதல் குற்றவாளியாக பிரபாகரன் பெயரும், இரண்டாவது குற்றவாளியாக பொட்டு அம்மான் பெயரும் சேர்க்கப்பட்டிருந்தது. கடந்த வருட இறுதி யுத்தத்தின் இறுதி நாட்களில் அந்த இருவரும் கொல்லப்பட்டு விட்டதாக சிறிலங்கா அரசு தெரிவித்திருந்த போதும் இந்தியா இந்த வழக்கிலிருந்து அந்த இருவரது பெயரையும் நீக்கவில்லை.

கடந்த ஒன்றரை வருட காலமாக சிங்கள தேசத்தின் அறிவித்தனை உதாசீனம் செய்து வந்த இந்தியா தற்போது ராஜீவ் காந்தி படுகொலையின் முதலாவது குற்றவாளியான விடுதலைப் புலிகளின் தலைவர் வே. பிரபாகரன் அவர்களும், இரண்டாவது குற்றவாளியான பொட்டு அம்மான் என்று அழைக்கப்படும் சண்முகநாதன் சிவசங்கரன் ஆகிய இருவரது பெயர்களையும் அந்த வழக்கிலிருந்து நீக்குவதாக சென்னை தடா நீதிமன்ற நீதிபதி தட்சிணாமூர்த்தி அறிவித்துள்ளார்.

ஈழத் தமிழர்களுக்கு கெடுதலையும், அழிவையும் தவிர வேறு எதையுமே இதுவரை செய்திராத இந்தியா தற்போது தேசியத் தலைவர் அவர்களது இருப்புக் குறித்த செய்தியை வெளியிட்டிருப்பதன் பின்னணியிலும் ஏதோ ஒரு நோக்கம் இருப்பதாக அரசியல் ஆய்வாளர்கள் கருதுகின்றனர்.

இந்தியா தனது நோக்கங்களுக்காக பாதுகாப்பாக வளர்த்துவரும் முன்னாள் வட-கிழக்கு முதலமைச்சர் வரதராஜப்பெருமாளை புலம்பெயர் தமிழர்களின் நாடி பிடித்து அறிய ஐரோப்பிய நாடுகளுக்கு அனுப்பி வைத்துள்ளது. வழக்கம் போலவே பிரான்ஸ் – சார்சல் நகரில் சில பத்துப் பேர்களுடன் இவரும் இரகசிய ஆலோசனை மேற்கொண்டதாகத் தகவல்கள் தெரிவிக்கின்றன.

விடுதலைப் புலிகளை அழித்து விடுவதன் மூலம் தனக்கு ஆதரவான தளம் ஒன்றை ஈழத் தமிழர்கள் மத்தியில் உருவாக்கிவிடலாம் என்ற நம்பிக்கையுடன் இருந்த இந்தியாவுக்கு இன்றுவரை அது கைகூடுவதாகத் தெரியவில்லை. தங்கள்மீது சிங்கள அரசு நடாத்திய பேரழிவுகளுக்கும், பெரும் அவலங்களுக்கும் பின்னணியில் இந்தியாவே உள்ளது என்று நம்பும் ஈழத் தமிழர்கள் இந்தியா மீது கொண்டுள்ள அதிருப்திகள் இன்றுவரை தொடர்கின்றது.

சீனாவின் பக்கம் வேகமாகச் சாய்ந்துவரும் சிறிலங்காவைத் தடுத்து நிறுத்த இந்தியா இன்றும் நம்பும் ஒரே துருப்புச் சீட்டாக ஈழத் தமிழர்களே உள்ளார்கள். அவர்களை முற்றாகத் தவிர்த்து விட்டு சிறிலங்காவை வழிக்குக் கொண்டு வருவது முடியாத காரியம் என்பதை இந்தியா உணர்ந்தே உள்ளது. யுத்தம் முடிந்த பின்னர், ஏதோ ஒரு அரைகுறைத் தீர்வைப் பெற்றுக்கொடுத்து ஈழத் தமிழர்களைத் தன்வசப் படுத்தும் இந்திய முயற்சிக்கு சிறிலங்கா இடம் கொடுப்பதாக இல்லை.

சிங்கள தேசம் தான் பெற்ற யுத்த வெற்றியின் மூலம் தனது நீண்டநாள் கனவான பௌத்த சிங்கள சிறிலங்கா என்ற இலக்கை நோக்கி வேகமாகப் பயணித்து வருகின்றது. திட்டமிட்ட நிகழ்ச்சி நிரலுடன் தமிழர் பிரதேசங்கள் இராணுவக் குடியிருப்புக்களாலும், சிங்களக் குடியேற்றங்களாலும் நிறைக்கப்பட்டு வருகின்றது. இதனையும் இந்தியாவால் தடுத்து நிறுத்த முடியாது உள்ளது.

எனவே, சிங்கள தேசத்திற்கு அதிர்ச்சி வைத்தியம் செய்ய வேண்டிய நிலைக்கு இந்தியா தள்ளப்பட்டுள்ளது. இந்தியாவின் சித்து வேலைகளுக்கு விடுதலைப் புலிகளோ, விடுதலைப் புலிகளின் புலம்பெயர் கட்டமைப்புக்களோ இணங்கி வரமாட்டார்கள் என்பது இந்தியாவுக்கு நன்றாகவே புரியும். தளத்தில் தமிழ்த் தேசியக் கூட்டமைப்பு ஊடாக நகர்வுகளை மேற்கொள்ளும் இந்தியாவுக்கு புலத்துத் தமிழர்களின் பலம் அசைக்க முடியாததாகவே உள்ளது.

விடுதலைப் புலிகளின் தலைவர் பிரபாகரன் அவர்களது இருப்புக் குறித்த புலம்பெயர் தமிழர்களது நம்பிக்கை, மாற்றுத் தலைமை ஒன்றை உருவாக்கும் இந்தியாவின் புதிய நகர்வுக்கும் தடைக் கல்லாக உள்ளது. நாடு கடந்த தமிழீழ அரசாங்கம் ஊடான இந்திய நகர்வுக்கும் தேசியத் தலைவர் பிரபாகரன் அவர்களது இருப்பு குறித்த புலம்பெயர் தமிழர்களின் நம்பிக்கையே ஆப்பு வைத்துள்ளது.

இதனால், மாவீரர் தினத்திற்கு முன்னதாக, விடுதலைப் புலிகளின் தலைவரது இருப்புக் குறித்த அறிவிப்பை வெளியிடுவதன் மூலம் புலம்பெயர் தமிழர்கள் மத்தியில் உளவியல் யுத்தம் ஒன்றை இந்தியா ஆரம்பித்து வைத்துள்ளது. இந்தியா போட்ட இந்தக் கோட்டின்மேல் ரோட்டுப் போடும் வேலைகளை கே.பி. குழுவினர் தொடர்வார்கள் என்பதே இந்தியக் கணிப்பாகும். அதன் மூலம் புலம்பெயர் தமிழர்கள் மத்தியில் உள்ள விடுதலைப் புலிகள் பற்றிய நம்பிக்கையைத் தகர்த்து, தனக்கு ஆதரவான தளத்தினை நிர்மாணிப்பதே இந்திய விருப்பமாக உள்ளது.

ஆனால், விடுதலைப் புலிகளின் தியாகமும், தேசியத் தலைவர் குறித்த தமிழீழ மக்களின் நம்பிக்கையும் தகர்க்க முடியாததொரு சக்தியை ஈழத் தமிழர்களிடம் ஏற்படுத்தியுள்ளது. புலம்பெயர் தமிழர்கள் விடுதலைப் புலிகளைத் தாண்டிச் சிந்திக்க முடியதவர்களாகவே உள்ளார்கள்.

விடுதலைப் புலிகளின் பெயரை உச்சரிக்காமலும், தேசியக் கொடியை உயர்த்தாமலும் எந்த நகர்வையும் யாருமே மேற்கொள்ள முடியாது என்பதை நாடு கடந்த தமிழீழ அரசின் இரு அமர்வுகளும்கூடப் பதிவு செய்துள்ளது. இதுதான் யதார்த்தம். இதை இந்தியாவும் புரிந்து கொண்டே அடுத்த நகர்வை மேற்கொள்ள வேண்டும்.

- அகத்தியன்

இரணைமடுக் குளமும் நீர்ப்பாசனமும்

2010-09-16T07:37:00.016+02:00

திருமதி சுபாஜினி உதயராசா
புவியியற்றுறை சிரேஷ்ட விரிவுரையாளர்
யாழ்ப்பாணப் பல்கலைக்கழகம்

(வீரகேசரியில் வெளியான ஆய்வு)

இலங்கையில் இனங்காணப்பட்டுள்ள 103 ஆற்று
வடிநிலங்களில் வட மாகாணத்தில் மிகுந்த
முக்கியத்துவம் வாய்ந்ததும் மிகப் பெரியதுமான
ஆற்று வடிநிலம் கனகராயன் ஆற்று வடிநிலமாகும்.

இந்த ஆறு 90 கிலோமீற்றர் நீளமானதும் 906 சதுர
கிலோமீற்றர் நீரேந்து பரப்பையும் (Catchments area)
கொண்டுள்ளது. (Arjuna’s Atlas of Sri Lanka page 26).

இது சேமமடுக் குளத்தில் உற்பத்தியாகி வடக்கு நோக்கி ஓடி தட்டுவன்கொட்டி
ஊரியான் பகுதியை அண்டிய ஆனையிறவு கிழக்கு கடனீரேரியில்
சங்கமிக்கின்றது. இதன்மூலம் வருடம் ஒன்றிற்கு சராசரி
24 மில்லின் கனமீற்றர் நீர் வெளியே செல்கின்றது
எனக்கணிப்பிடப்பட்டுள்ளது. (The National Atlas of Sri Lanka – 1989).

கனகராயன் ஆற்றின் வடி நிலப்பரப்பில் சேமமடுக்குளம்,
கனகராயன்குளம், இரணைமடுக்குளம் போன்ற பெரிய
நீர்ப்பாசனக் குளங்களும் நூற்றுக்கும் மேற்பட்ட சிறிய
நீர்ப்பாசனக் குளங்களும் உள்ளன. கனகராயன் ஆற்று
வடிநிலத்தினுள் அமைந்து காணப்படுவதும் வடமாகாணத்தில்
மிகப்பெரியதுமான நீர்த்தேக்கம் இரணைமடு ஆகும்.

கனகராயன் ஆற்றினால் ஆனையிறவு கடல் நீரேரியில்
வீணே கொட்டப்படும் நீரைத்தேக்கி விவசாயத்திற்கு
பயன்படுத்த வேண்டியதன் நோக்கத்தை 1879 ஆம்
ஆண்டில் யாழ்ப்பாண மாவட்டத்தில் அரச அதிபராக
இருந்த சேர் வில்லியம் துவைனம் என்பவர் அரசிற்கு
வற்புறுத்தினர்.

இதனை அடுத்து இலங்கை நீர்ப்பாசனக் பகுதியினரால் இரணைமடு நீர்த்தேக்கத்தினை அமைக்கும் பணி 1902 ஆம் ஆண்டில் ஆரம்பிக்கப்பட்டு 1920 ஆம் ஆண்டு நிர்மாணித்து முடிக்கப்பட்டு 22 அடி உயர நீரைக் கொள்ளளவாகப் பெறும் நிலைக்கு கொண்டுவரப்பட்டது.

இது கடல் மட்டத்திலிருந்து 26.7 மீற்றர் (89அடி) உயரத்தில்
40,000 ஏக்கர் அடி நீரைத் தேக்கக்கூடியதாக அமைக்கப்பட்டது.
இரணைமடுக்குளத்தின் (கட்டுமானப் பணிகள்) புனரமைப்பு
வேலைகள் நான்கு முறைகள் நடைபெற்றுள்ளமை குறிப்பிடத்தக்கது.

பௌதிகப் பின்னணி
வடிகாலின் அமைப்பினையும் விருத்தியினையும்
தீர்மானிப்பதில் பௌதிகப் பின்னணி முக்கிய இடம்
வகிக்கின்றது. இவற்றில் புவிச்சரிதவியல்,
தரைத்தோற்றம், மண்வளம், காலநிலை,
இயற்கைத்தாவரம் போன்றன
பிரதான இடத்தினை பெற்றிருக்கின்றபோதும்
இங்கு தரைத்தோற்றமும் காலநிலையும்
சுருக்கமாக

ஆராயப்பட்டுள்ளது.

தரைத்தோற்றம்
தரையின் மேற்பரப்பு அம்சங்களையும் தரையுயர்ச்சி மற்றும்
குத்துயர வேறுபாடுகள் போன்றவற்றையும் விளக்குவதே
தரைத்தோற்றமாகும்.

கனகராயன் ஆற்றுவடிநிலம் 100 மீற்றர் உயரத்திற்கு
குறைந்ததாகவும், மென்சாய்வினை உடைய தட்டையான
மேற்பரப்பையும் கொண்டு காணப்படுகின்றது.

இத்தகைய தரைத்தோற்ற இயல்பிற்கேற்ப இவ்ஆறு
90 மீற்றர் உயரப் பிரதேசத்தில் அமைந்துள்ள சேமமடுக்
குளத்தில் உருவாகி தெற்கிலிருந்து வடக்கு நோக்கிய
சமவெளி ஊடாகப் பாய்ந்து 30 மீற்றர் உயரத்தினுள்
இணைந்து காணப்படும் இரணைமடு நீர்த்தேக்கத்தினுள்
நீரினைச் செலுத்தி மேலதிக நீர் 3 மீற்றரிலும் குறைந்த
உயரமுடைய ஆனையிறவு கடனீரேரியினுள் சென்றடைகின்றது.

இரணைமடு நீர்த்தேக்கத்தின் அணைக்கட்டுப்பகுதி மாத்திரமே
கிளிநொச்சி மாவட்டத்தில் அமைந்துள்ளது. 106,500 ஏக்கரடி
நீரினைத் தேக்கக்கூடிய அதனது ஏனைய பகுதிகள்
முல்லைத்தீவு மாவட்டத்தினுள் அமைந்துள்ளது.

காலநிலை
காலநிலையைப் பொறுத்தவரையில் வெப்பநிலையும்
மழைவீழ்ச்சியும் முக்கியம் பெறுகின்றன. இரணைமடுக்குளப்
பிரதேசத்தின் உயர் வெப்பநிலையாக 90 பாகை பரனைற்றும்
இழிவு வெப்பநிலையாக 73 பாகை பரனைற்றும் நிலவுகின்றது.

மே மாதம் முதல் செப்ரெம்பர் மாதம் வரை அதிக வெப்பநிலை
இங்கு நிலவும். கனகராயன் ஆற்று வடிநிலப்பிரதேசத்திற்கு
வடகீழ் பருவக்காற்றின் மூலம் மழைவீழ்ச்சி கிடைக்கின்றது.

இக்காற்று வங்காள விரிகுடாவிற்கு ஊடாக வருவதனால்
ஈரத்தன்மையைப் பெற்று வரண்ட வலயத்தில் அதனை
படியச்செய்வதன் மூலம் வடிநிலப்பிரதேசம் முழுவதும்
வடகீழ் பருவக்காற்றால் ஒக்ரோபர் தொடக்கம் பெப்ரவரி
வரை மழைவீழ்ச்சியைப் பெறச்செய்கின்றது.

இத்தகைய மழைவீழ்ச்சி, வெப்பநிலை நிலைமைகளினால்
வடிநிலப் பிரதேசத்தில் அமைந்து காணப்படும். நூற்றுக்கும்
மேற்பட்ட குளங்களில் நீர் தேக்கப்பட்டு சிறு சிறு கிளையாறு
களினால் பிரதான ஆற்றினுள் சேர்க்கப்பட்டு நவம்பர் மாத
முற்பகுதியில் பெருக்கெடுத்து ஓடும் கனகராயன் ஆறானது
ஏறத்தாழ மூன்று மாதங்கள் வரை ஓடி பின் பெப்ரவரி
மாதமளவில் நீரின்றி அல்லது அதன் சில இடங்களில் மட்டும்
நீரைக் கொண்டதாகக் காணப்படும். இத்தகைய நிலைமைகளே
இரணைமடுக்குளப் பிரதேசத்திலும் காணப்படுகின்றது.

நீர்ப்பாசனம்

1920களில் இரணைமடுக்குள நிர்மாண
வேலைகள் குறிப்பிடத்தக்க அளவில்
நிறைவுபெற்ற நிலையிலும்கூட இந்நீரை
பயன்படுத்தி உற்பத்தி செய்கையில்
சாதனை படைக்கும் நிலை அப்போது
காணப்படவில்லை.

இரணைமடுக்குளம் அமைக்கப்பட்ட
காலத்தில் அதன் முன்னணி
நிலத்தில் மானாவாரி நெல் வயல்கள்
இருந்தன. அவை பரவிப்பாஞ்சான்
என்ற கண்டமாக விளங்கின. கனகராயன் ஆறும் திருவையாறும்
தங்குதடையின்றிப் பரவிப்பாய்ந்த பகுதி இதுவாகும்.

இரணைமடுக்குளம் அமைக்கப்பட்டதும் 1936இல் பரவிப்பாஞ்சான்
பகுதியில் வயல்காணிகள் அவற்றை செய்கை பண்ணியவர்களுக்கே
பகிர்ந்தளிக்கப்பட்டன. இதே ஆண்டில் கணேசபுரத்தில் ஆரம்பிக்கப்பட்ட
குடியான்கள் குடியேற்றத்திட்டம் மூலம் முதலாவது நீர்ப்பாசன
விவசாய செய்கைமுறை இப்பிரதேசத்தில் இடம்பெறத் தொடங்கியது.

1950களை அடுத்து யாழ் குடாநாட்டின் சனத்தொகைப் பெருக்கமும்,
நிலப்பஞ்சமும் வன்னிப் பிரதேசத்தின் குடியேற்றங்களைத் தூண்டுவித்தன
. இதன்பொருட்டு இரணைமடுக்குளத்தின் இடது கரைக் கால்வாயை
அடிப்படையாகக்கொண்டு 1950இல் உருத்திரபுரம் 10ஆம் வாய்க்கால்
குடியேற்றத்திட்டம் உருவாக்கப்பட்டது.

இரணைமடுக்குளத்தின் இடதுகரைக்கால்வாயை அடுத்துக் காடாகக்
கிடக்கும் ஆயிரக்கணக்கான ஏக்கர் நிலங்களை விருத்தி செய்ய
முடியும் என உணரப்பட்டபோது இரணைமடுக்குளத்தின் நீர்க்
கொள்ளளவை அதிகரிக்க வேண்டிய அவசியமேற்பட்டது.
இதனால் 1951இல் இரணைமடுக்குளத்தின் அணைக்கட்டு
மீண்டும் 28 அடியாக உயர்த்தப்பட்டு நீர்க்கொள்ளளவு 71,000
ஏக்கரடியாக்கப்பட்டதுடன் 1952இல் உருத்திரபுரம் 8ஆம்
வாய்க்கால் குடியானவர் குடியேற்றத்திட்டமும் உருவாக்கப்பட்டது.

இரணைமடுக்குளத்திலிருந்து வலதுகரைக் கால்வாய் 1952இல்
அமைத்து முடிக்கப்பட்டதைத் தொடர்ந்து 1953இல் வட்டக்கச்சி
குடியேற்றத்திட்டமும் 1954இல் மூன்றாவது தடவையாக
இரணைமடுக்குளத்தின் அணைக்கட்டு 30 அடியாக உயர்த்தப்பட்டு
அதன் நீர்க்கொள்ளளவு 82,000 ஏக்கரடியாக அதிகரிக்கப்பட்டு
1955இல் ஆறாவது குடியேற்றத்திட்டமாக இராமநாதபுரமும்
உருவாக்கப்பட்டது.

இவ்வாறாக இரணைமடுக்குளத்தின் கீழான குடியானவர்
குடியேற்றத்திட்டங்கள் மட்டுமன்றி 1955இல் கண்டாவளையில்
(1740 ஏக்கர்) 696 ஹெக்ரேயர் தாழ் நிலங்கள் 4 ஹெக்ரேயர் (10 ஏக்கர்)
வீதமும், 1958இல் புளியம்பொக்கணையில் 800 ஹெக்ரேயர்
(2000 ஏக்கர்) தாழ்நிலங்கள் நான்கு ஹெக்ரேயர் வீதமும்,
200 மத்தியதர வகுப்பினருக்கும் வழங்கப்பட்டது.

மேலும் திருவையாற்றில் இரணைமடுக்குளத்தை சூழ்ந்த பரப்பில்
108 ஹெக்ரேயர் (270 ஏக்கர்) 27 மத்தியதர வகுப்பினருக்கும்
வழங்கப்பட்டது. இவற்றுடன் இராமநாதன் கமம், புதுமுறிப்புக்குளம்,
பகுதியிலும் மத்தியதர வகுப்பினர் திட்டங்கள் ஏற்படுத்தப்பட்டன.

இவை தவிர 1966இல் இரணைமடு ஏற்று நீர்ப்பாசன வசதியோடு
திருவையாறு படித்த வாலிபர் திட்டம் மூன்று கட்டங்களாக உருவாக்கப்பட்டு
425 இளைஞர்களுக்கு 510 ஹெக்ரேயர் (1275 ஏக்கர்) நிலப்பரப்பும்,
திருவையாறு படித்த பெண்கள் திட்டத்தில் 200 ஹெக்ரேயர் நிலப்பரப்பு
25 பெண்களுக்கும் பகிர்ந்தளிக்கப்பட்டது.

திருவையாறு திட்டக் காணிகளுக்கு நீர் வழங்கும் பொருட்டு
1977ஆம் ஆண்டு மீண்டும் நான்காவது தடவையாக இரணைமடுக்
குளத்தின் அணைக்கட்டு 34 அடியாக உயர்த்தப்பட்டு
நீர்க்கொள்ளளவு 106,500 ஏக்கர் அடியாக அதிகரிக்கப்பட்டது.

இரணைமடு நீர்த்தேக்கத்தினால் நீர்ப்பாசனம் செய்யப்படும்
முக்கிய பரப்பாக கனகராயன் ஆற்று வடிநிலத்தின் கழிமுகப்
பகுதியான கிளிநொச்சி மாவட்ட கண்டாவளை உதவி அரசாங்க
அதிபர் பிரிவுப் பிரதேசம் விளங்குகின்றது.

இங்கு வருடந்தோறும் பெரும்போகத்தில் மாத்திரம் 30,480 மீற்ற
ர் நீளமுடைய பிரதான கால்வாய்கள், 13,860 மீற்றர் நீளமுடைய
கிளை வாய்க்கால்கள், 156,540 மீற்றர் நீளமுடைய வயல்
வாய்க்கால்கள் என்பவற்றின் மூலம் 8,352 ஹெக்ரேயர் பரப்பிற்கு
பாசனம் செய்யப்படுகின்றது.

_____

இரணைமடு
நீர்த்தேக்க
நீரியற் தரவுகள்

நீர்த்தேக்கத்தின் பெயர் - இரணைமடு
ஆள்கூறு - A/19 (8.35 x 6.57)
நீர்ப்பாசனப் பிரதிப்பணிப்பாளர் பிராந்தியம்
- கிளிநொச்சி
மாவட்டம் - கிளிநொச்சி
நதிப்படுக்கை - கனகராயன் ஆறு
மொத்த நீர்க்கொள்ளளவு - 106,500 ஏக்கர் அடி
நீரேந்து பரப்பு - 906 சதுர கிலோமீற்றர்
விவசாயப் பரப்பளவு - 8354 ஹெக்ரேயர்
நீரெந்து சாய்வு - 1 வீதத்திலும் குறைவு
நீர்கொண்டுவரும் ஆற்றின் நீளம் - 58 கிலோமீற்றர்
பிரதேசத்தின் தன்மை - வரண்டது, சிறுபகுதி மத்திமம்

நீர்த்தேக்கம்
பூரண நீர் விநியோக மட்டம் - 30.3 மீற்றர் (கடல் மட்டத்திலிருந்து 101 அடி)
அதியுயர் வெள்ள நீர்மட்டம் - 32.57 மீற்றர் (108.5 அடி)
பூரண நீர்விநியோக மட்டத்தின் பரப்பளவு - 27,680 ஹெக்ரேயர்
உபயோகிக்கப்படாத நீர்க்கொள்ளளவு - இல்லை
அணைக்கட்டு
மேல்மட்டம் - (கடல் மட்டத்திலிருந்து 33.6 மீற்றர் (112 அடி)
மேல்மட்ட அகலம் - 4.2 மீற்றர் (14 அடி)
அதியுயரம் - 13.5 மீற்றர் (45 அடி)
நீளம் - 2955 மீற்றர் (9850 அடி)
உட்பக்கச்சாய்வு - 1.2 மீற்றர்
வெளிப்பக்கச்சாய்வு - 1.2 மீற்றர்

வான்
இடதுகரை தெளிவான மேலான Radial Gate 30.3 m
(கடல் மட்டத்திலிருந்து 101 அடி)
வலதுகரை உடைப்புப் பகுதி (இயற்கை) -
கடல் மட்டத்திலிருந்து 32.1 m (107 அடி)

துரிசு
இடதுகரை கோபுரத் துரிசு - கடல் மட்டத்திலிருந்து 20.1 m (67 அடி)
வலதுகரை கோபுரத்துரிசு - கடல் மட்டத்திலிருந்து 21m

பிரதான வாய்க்காலின் நீளம் - 30,480 m
கிளை வாய்க்காலின் நீளம் - 13,860 m
பிரிவு வாய்க்காலின் நீளம் - 8,370 m
வயல் வாய்க்காலின் நீளம் - 156,540 m

பொது
இறுதியாக புனரமைக்கப்பட்ட ஆண்டு - 1977
விவசாயப் பரப்பளவு (பிரத்தியேகம்) - 8352.8 ஹெக்ரேயர்
விவசாயப் பரப்பளவு (மதிப்பீடு) - 9,400 ஹெக்ரேயர்

Source: Kilinochchi District Irrigation Department 1993

_______

நீர்ப்பாசனம்
தொடர்பான
பிரச்சினைகள்
இரணைமடுக்குள நீர்ப்பாசனம் தொடர்பாக
பல பிரச்சினைகள் காணப்படுகின்றன.
இதில் மிக முக்கியமானது இரணை
மடுக்குள புனரமைப்பும், கால்வாய்
அபிவிருத்தியும் ஆகும்.

இக்குளத்தின் நீர்க்கொள்ளளவை
அதிகரிக்க குளக்கட்டினை உயர்த்துதல்
அவசியமாகும். 1977ஆம் ஆண்டிற்குப் பின்னர் நீர்ப்பாசனம்
தொடர்பாக எந்த அபிவிருத்தி முயற்சிகளும் மேற்கொள்ளப்
படவில்லை. இக்குளத்தின் மூலம் நீர்ப்பாசனம் செய்யப்படும்
நீர்ப்பாசனக் கால்வாய்கள் அனைத்தும் பாதிப்படைந்துள்ளதனை
நேரடியாக அவதானிக்க முடிந்தது.
அத்துடன் இக்கால்வாய்கள் அனைத்தும் மண் கால்வாய்களாக
இருப்பதால் அவை தூர்ந்துபோய் காணப்படுகின்றன. இதனால்
சில இடங்களில் கால்வாய்களின் ஆழம் குறைவடைவதுடன்
அகலம் அதிகரிக்கின்றது. சில இடங்களில் கால்வாய்கள்
முழுவதும் புற்களும், செடிகளும் வளர்ந்துள்ளன. இதனால்
நீர் ஓட்ட வேகம் தடைப்படுவதோடு புற்களும் செடிகளும்
நீரினை உறிஞ்சிக்கொள்வதால் நீர் தேவையான விவசாயப்
பரப்பிற்கு போதுமான நீர் சென்றடைவதில்லை.

அத்துடன் கால்வாய்களுக்கு அருகில் வசிக்கும் மக்கள் தமது
வீட்டுக் கழிவுப்பொருட்களான குப்பை கூழங்கள், மிருகக்கழிவுகள்
போன்றவற்றை கால்வாய்களிலே வீசிவிடுகின்றனர்.

மேலும் 1990-1999 வரையான காலப்பகுதியில் இடம்பெற்ற
இராணுவ நடவடிக்கையினாலும் கால்வாய்கள் பாதிப்படைந்துள்ளன
. இராணுவ நகர்வுகள், பதுங்கு குழிகள், காவலரண்கள் போன்றன
கால்வாய்களுக்கு குறுக்காகவும் நெடுக்காகவும் அமைக்கப்பட்டிருந்தன.

அத்துடன் விமானக் குண்டு வீச்சுக்களும், ஷெல் தாக்குதல்களும்
கால்வாய்களின் கட்டமைப்பினை சீர்குலைத்துள்ளன.குறிப்பாக
உருத்திரபுரம் D1,D2,D9, D10, முரசுமோட்டை, பரந்தன் பகுதிகளில்
உள்ள கால்வாய்கள் முழுமையாக இராணுவ நடவடிக்கையினால்
பாதிப்படைந்துள்ளன.

பிரதானமான கால்வாய்கள் உள்ள பகுதிகளில் புதைக்கப்பட்டுள்ள
கண்ணிவெடிகளும் கால்வாய்களின் அபிவிருத்தியை இன்றுவரை
தடைப்படுத்தியுள்ளன.

கால்வாய்கள் மட்டுமன்றி மதகுகள், நீர்த்தடுப்பு பலகைகள், சுலுசுகள்
முதலியனவும் முற்றுமுழுதாக பாதிக்கப்பட்டுள்ளமை நீர்ப்பாசனத்தில்
காணப்படும் மற்றொரு பிரச்சினையாகும்.

திருவையாற்றுப் பிரதேசத்திற்கு நீரை வழங்கிவந்த ஏற்று நீர்ப்பாசன
ப் பம்புகள் யாவும் 1988இற்கு பின்னர் செயலிழந்துள்ளமையும் ஒரு
முக்கிய பிரச்சினையாகும். இதுமட்டுமன்றி இரணைமடுக்குள
நீர்ப்பாசனத்தோடு தொடர்புபட்ட ஏராளமான பிரச்சினைகளை மேலும்
குறிப்பிடலாம்.

எதிர்காலத் திட்டங்கள்
இலங்கையின் நீர்ப்பாசனத்
திணைக்களத்தால் கனகராயன் ஆற்று
வடிநிலப்பிரதேசத்தில் நிர்மாணிக்கப்பட்ட
முதலாவது நீர்த்தேக்கமான இரணை
மடுக்குளம் H.T.S Ntl; (H.T.S.Ward) என்ற
நீர்ப்பாசனப் பணிப்பாளரினால் 1902ஆம்
ஆண்டில் தயாரிக்கப்பட்ட வேலைத்திட்ட
அறிக்கை சார்ந்து நிர்மாணிக்கப்பட்டதாகும்.

90 கிலோமீற்றர் நீளமான கனகராயன்
ஆற்றை மறித்து கட்டப்பட்ட அணை
மூலம் இந்நீர்த்தேக்கம் உருவாக்கப்பட்டது.
கிளிநொச்சி மாவட்டத்தின்
அபிவிருத்தியை முதன்மை நோக்கமாகக்
கொண்டிருந்தபோதும் வரண்ட
வலயத்தின் மிகப்பெரும் வரட்சிப் பகுதியாகிய யாழ்ப்பாணக்
குடாநாட்டின் நீர்வள அபிவிருத்தியுடன் இது தொடர்புபட்டிருக்கின்றது.
இதற்கென நாட்டின பெரும் திட்டமென வர்ணிக்கப்படும்
மகாவலிகங்கை அபிவிருத்தி திட்டத்துடனும் இது இணைப்புச்
செய்யும் முன்மொழிவையும் கொண்டிருக்கிறது.

இலங்கையின் நிலப்பரப்பில் 4,000 சதுரமைல் பிரதேசத்தை
உள்ளடக்கும் 900,000 ஏக்கர் பரப்புக்களை அபிவிருத்தி செய்யும்
நோக்கில் மகாவலி கங்கை பாயும் 43 இலட்சம் சதுரஅடி நீரை
நாட்டின் உலர் வலயத்திற்கு பயன்படுத்தும் இப்பெரும்
திட்டத்துடன் இக்குளம் இணைக்கப்பட்டிருக்கிறது.

1902இன் வேலைத்திட்ட அறிக்கையானது NCP வாய்க்கால்
ஒன்றை மகாவலி ஆற்றிலிருந்து கனகராயன் ஆற்றுக்கு
திருப்பும் நம்பிக்கையைக் கொண்ட முன்மொழிவும்
இணைக்கப்பட்டுள்ளது.

அண்மைக்காலத்தில் நாட்டில் ஏற்பட்டுள்ள சமாதான
சூழ்நிலையை தொடர்ந்து இரணைமடுக்குள நீர்ப்பாசன
நடவடிக்கையிலும் கவனம் செலுத்தப்பட்டுள்ளது.
இரணைமடுவிலிருந்து குழாய் மூலம் யாழ்ப்பாண
குடாநாட்டிற்கு நீர் விநியோகம் செய்யும் திட்டம் குறித்து
ஆலோசனை செய்யப்படுகின்றது.

அதாவது யாழ்ப்பாணப் பிரதேசத்திற்கான குடிதண்ணீர்
உட்பட நீர்த்தேவைகளைப் பூர்த்தி செய்யும் வகையில்
கிளிநொச்சி மாவட்டத்தில் உள்ள இரணைமடுக்குளத்திலிருந்து
குழாய்மூலம் ஆனையிறவு ஊடாக யாழ் குடாவிற்கு நீரை
எடுத்து வந்து விநியோகம் செய்வதற்கான திட்டம் குறித்து
ஆலோசனைகள் முன்னெடுக்கப்பட்டுள்ளன.

இத்திட்ட நடைமுறைக்காக சுமார் 300 கோடி ரூபா வரை
தேவையென மதிப்பிடப்பட்டுள்ளது. இந்தப்பாரிய நீர்ப்பாசனத்
திட்டம் சாத்தியமாகும். பட்சத்தில் சில வருட காலத்தில்
இத்திட்டம் பூர்த்தி அடையலாம் என எதிர்பார்க்கப்படுகின்றது.
இத்திட்டம் செயற்படுத்தப்படும் போது இரணைமடுக்குளத்தின்
கட்டு மேலும் உயர்த்தப்பட்டு செப்பனிடும் நடவடிக்கைகள்
மேற்கொள்ளப்படும்.

இத்திட்டத்தால் குடாநாட்டில் நிலத்தடி நீர் பயன்பாடு
குறையும் சாத்தியம் உண்டெனவும், ஆனையிறவு ஊடாக
அமைக்கப்படும் நீர்க்குழாய் கொடிகாமத்திலிருந்து
பிரிக்கப்பட்டு வெவ்வேறு இடங்களுக்கு நீர் விநியோகம்
மேற்கொள்ளப்படுமெனவும் எதிர்காலத்தில் கிணற்று
நீரின் தன்மைகள் மாறிவரும் நிலையில் (உவராதல்)
இத்திட்டம் அவசியமானதெனவும் கருதப்படுகின்றது.

இரணைமடுக்குளத்தில இருந்து யாழ்ப்பாணத்திற்கு
தண்ணீர் கொண்டுவரும் திட்டத்தில் முதலாவதாக
இரணைமடுக்குளம் ஆழமாக்கப்பட்டு குளக்கட்டுக்கள்
உயர்த்தப்பட்டு நீர்க்கொள்ளவை அதிகரிக்க வேண்டும்.
இல்லையேல் கிளிநொச்சி மாவட்ட விவசாய நிலப்
பரப்புக்கள் யாவும் நீர்ப்பற்றாக்குறைவால் பயன்படுத்த
முடியாத நிலை தோன்றும். இதனால் விவசாயிகள்
முழுமையாக பாதிக்கப்படுவார்கள்.

இவ்வாறாக இரணைமடு நீர்த்தேக்கத்தின் அணைக்கட்டு
காலத்திற்குக்காலம் உயர்த்தப்பட்டு நீர்ப்பாசனம்
செய்யப்படும் பரப்பளவு அதிகரிக்கப்பட்டாலும் இன்றும்
பல குறைபாடுகளைக்கொண்டே காணப்படுகின்றது.

தற்போதைய நிலையில் கடந்த பல வருடங்களாக குளம்
புனரமைப்பு செய்வதற்கு அரசாங்கம் நிதி ஒதுக்கீட்டை
பெருமளவில் மேற்கொள்ளாமல் சிறுசிறு பராமரிப்பு
வேலைகளை மேற்கொள்வதற்கு மட்டும் நிதி ஒதுக்கீட்டை
செய்துள்ளது. இதனால் இடது, வலது கரை வாய்க்காலில்
உள்ள கட்டுமானங்கள் முழுமையாகப் பாதிப்பு அடைந்துள்ளது.

அணைக்கட்டும் பாதிக்கப்பட்டு வலுவிழந்த நிலையில் உள்ளது.
வான் பகுதி மிகவும் மோசமாகப் பாதிக்கப்பட்டுள்ளது.
தற்போதுள்ள நிலையில் நீர் முகாமைத்துவம் மேற்கொள்ள
முடியாது. கணிசமான அளவு நீர் வீண்விரயமாகின்றது.
இதனால் எமது வளத்தின் பெரும் பகுதியை நாம் இழந்து
கொண்டிருக்கின்றோம்.

கே.பி.சிறிலங்கா அரசின் கையாள்-Dr. அருட்குமாரின் செவ்வி

2010-06-29T15:42:00.004+02:00

அண்மையில் சிறிலங்கவுக்குச் சென்று குமரன் பத்மநாதன், கொட்டபாய ராசபக்ச ஆகியோரைச் சந்தித்து திரும்பிய இங்கிலாந்தில் வாழும் வைத்தியக்கலாநிதி அருட்குமார் அவர்களின் செவ்விகள் கீழே:

MIA வின் "BORN FREE" காணொளி

2010-06-16T09:34:00.003+02:00

தமிழ் இளைஞர்கள் சுட்டுக்கொல்லப்படும் காட்சியை உருவகப்படுத்தி பொப் இசையில் முன்னணிப் பாடகியான மாயா அருட்பிரகாசம் வெளியிட்ட வீடியோ காட்சி

m.i.a - born free from EL NINO on Vimeo.